DALAWANG pulis ang namatay habang apat pa ang nasugatan matapos ang pakikibakbakan laban sa New People’s Army rebels sa Viga, Catanduanes kaninang Huwebes ng umaga.

Sinabi ni S/Insp. Maria Luisa Calubaquib, Region 5 Police spokesperson, na nakatanggap sila ng ulat na sina Senior Police Officer 1 Marwin de Vera at 2 drug surrenderers ay tinatahak ang national highway ng Brgy. Sagrada nang sumabog ang isang improvised explosive device.

Kasabay nito, ang tatlo ay pinaputukan at nasugatan. Dinala sila sa ospital para sa kaukulang medical attention.

Nang malaman naman ni S/Insp. Ernesto Montes, Jr., Viga chief of police; Senior ang insidente, pinadala niya sina PO2 Bienvenido Trinidad; SPO 1 Erwin Pichuela, PO1 Eva Torcilino, at PO3 Joseph Tupue para rumesponde sa lugar.

Nang marating nila ang lugar habahg lulan ng isang privbadong behikulo, naka-engkwentro nila ang may 20 hinihinalang miyembro ng NPA.

Napatay agad sina Torcilino at Tupue at ang bangkay nila ay nasa lugar pa. Si Montes naman ay ginagamot sa ospital sanhi ng tama ng baril sa likod.

Wala namang naiulat na nasaktan o namatay sa panig ng mga rebelde. BOBBY TICZON

KAPWA sugatan sa pamamaril ang isang columnist ng pahayagang Abante at Tonite at kasama nito sa isang shooting insident na ikinasa ng hindi nakikilalang aarmadong kalalakihan sa Batangas City kagabi, Miyerkules.

Sinabi ni S/Insp. Hazel Luma-Ang, Batangas police information officer, nakilala ang mga biktimang sina columnist Crisenciano Ibon, 65, at Gerry Ebreo.

Dinala si Ibon sa Camillus Hospital habang si Ebreo naman ay sa Batangas Medical Center.

Sa ulat, naganbap ang insidente dakong 8:30 p.m. sa bahay ng isang Mary Mendoza sa Brgy. Kumintang Ilaya, Batangas City.

Bago ito, nanonood ng telebisyon ang mga biktima sa bahay ni Mendoza nang biglang pagbabarilin ng mga suspek. BOBBY TICZON

INIUTOS na ng Sandiganbayan 2nd Division ang pag-aresto kay Sen. Gringo Honasan matapos makitaan ng sapatprobable cause sa kasong isinampa laban dito na may koneksyon sa multi-billion peso Priority Development Assistance Fund (PDAF) scam.

Si Honasan ay nahaharap sa 2 counts of graft dahil sa umano’y iregularidad sa disbursement ng P30-million mula sa pork barrel funds ng senador noong 2012.

Ang reklamo ay bailable sa halagang P30,000 bawat bilang.

Sinabi ng Ombudsman na inendorso ni Honasan ang non-government organization Focus Development Goals Foundation, Inc. para i-release ang pondo nang hindi sumusunod sa procurement requirements.

Ni-release naman ng budget department ang PDAF ni Honasan, na ang National Commission on Muslim Filipinos (NCMF) bilang implementing agency, para sa disbursement ng NGO na sinasabing para sa livelihood projects ng Muslim communities sa Metro Manila at Zambales.

Maliban kay Honasan, iniutos din ng Sandiganbayan ang pagdakip sa kanyang political affairs na si chief Michael Benjamin; NCMF Secretary Mehol Sadain; NCMF officials Fedelina Aldanese, Galay Makalinggan, Aurora Aragon-Mabang, and Olga Galido; and Focus Development Goals Foundation, Inc. officers Giovannie Manuel Gaerlan at Salvador Gaerlan.

Si Honasan ang pang-apat na senator na kinasuhan sanhi ng kanyang partipasyon sa fund disbursement racket, na naunang nabasag noong 2013. BOBBY TICZON

Globe At Home has provided easier access to reliable internet with the first ever Prepaid Home WIFI, which lets customers enjoy internet speeds 50% stronger than regular mobile WIFIs. It offers fast and reliable connectivity with no installation and monthly fees.

The experience gets even better  through the new Globe Home-Fi app that allows customers to manage their accounts easily. The Home-Fi app lets one load credit charged to any Globe mobile number, track total data usage consumed by those who connected to the device, as well as boost data allocation by allowing one to register to surfing promos right away. The app will  also notify users once their data allocation has been consumed.

“We are happy with our customers’ positive feedback on the  Globe at Home Prepaid Home WIFI. This is  why we want to make their experience even more seamless with the introduction of this convenient Home-Fi app. This way, any member of the family can easily reload, subscribe to promos and even track the usage. The Home-Fi app ensures easier usage and maintenance of the device,” says Martha Sazon, Senior Vice President of Globe At Home.

Since last year, Globe At Home has aggressively rolled out to more areas in the country. For locations where facilities are underway, customers can still experience fast internet speeds with the Globe At Home Prepaid Home WIFI. Now the with Home-Fi app, management of the prepaid device is made easier and more convenient.

The Home-Fi app is available for download on the Google Playstore. After downloading, set it up by entering the Prepaid Home WIFI number and adding a preferred PIN for security measures. Once done, users can start tracking their data usage, load, and easily subscribe to promos.

The Globe At Home Prepaid Home WIFI is available in Globe stores nationwide for just P1,999 and it comes with free 10GB of data.

Globe Telecom said its board approved the third quarterly distribution of cash dividend of P22.75 per share for holders of its common shares. The dividend will be paid to shareholders on record as of August 22, 2017, payable on September 6, 2017.

“The third quarter cash dividend payment total is about P3 billion, an increase of 3% over last year’s distribution in line with the company’s commitment in creating shareholder value,” Globe Chief Finance Officer Rizza Maniego-Eala said.

The approval of the third quarter cash dividend came as Globe maintained its strong momentum, posting all-time highs in revenues and EBITDA in the first six months of the year.  Revenues in the first half reached P62.9 billion, expanding 5% from a year earlier, driven by the demand for data-related products as customers continue to adapt to the digital lifestyle. EBITDA during the period hit a record high of P27.3 billion, up 6% from a year earlier.

Growth in topline continues to be delivered by different data revenue streams. Mobile continued its strong performance, growing 5% on the back of sustained gains in the mobile data business despite reduction in mobile subscriber base.

The home broadband business also posted an increase of 8% year on year, attributed to expanding customer base as fixed wireless business continues to grow. The gains in broadband and mobile data were complemented by the 3% increase in corporate data, fueled by sustained demand for corporate connectivity.

INABSUWELTO na ng Sandiganbayan 6th Division si Sen. Joseph Victor “JV” Ejercito sa kasong technical malversation.

May kaugnayan ito sa naging pagbili nito ng matataas na uri ng armas noong 2008.

Nabatid na nagkaroon ng diversion of fund ng aabot sa P2.1-million mula sa calamity funds upang mabili ang nasabing mga baril.

Sa desisyon ng korte, pinagbigyan ang demurrers to evidence ni Ejercito at 14 na iba pa.

Para sa anti-graft court, nabigo ang prosekusyon na lubos na patunayan ang pagkakasala ng mga inakusahan.

“Let it be stressed that this verdict of acquittal is based on the failure of the prosecution to present proof beyond reasonable doubt that the accused indeed used the 2008 calamity fund of San Juan City in the procurement and payment of the subject firearms,” saad sa resolusyon.

Maliban kay Ejercito, inabsuwelto rin ang kaniyang mga kapwa akusado na sina Francisco Zamora, dating city councilors Angelino Mendoza, Rolando Bernardo, Andoni Carballo, Vincent Pacheco, Dante Santiago, Grace Pardines, Domingo Sese, Francis Peralta, Edgardo Soriano, Jannah Ejercito-Surla, Ramon Nakpil at Joseph Christopher. BOBBY TICZON

DALAWA ang nalagas habang 17 naman ang nasugatan kabilang ang isang dating pulis nang magsuwagan ang isang pampasaherong dyip at 14-wheeler truck sa Bataan town kaninang Biyernes ng umaga.

Sinabi ni C/Insp. Eduardo Guevara, hepe ng Dinalupihan Police, na isa sa mga biktima na nakilalang si Armando Dacayo, 43, ay idineklarang dead-on-arrival sa Bataan District Hospital.

Namatay noon din sanhi ng tinamong pinsala sa ulo at katawan ang pasahero ni Dacayo na si Norma Estivar, 70m na nakapuwesto sa unahan ng dyip matapos itong tumilapon at magulungan pa ng trak.

Nasa kritikal na kondisyon naman ang driver ng dyip na si Ricky Mangalindan, dating pulis na naka-assign sa Dinalupihan police station.

Sa ulat, naganap ang insidente dakong 9:35 a.m. sa national highway ng Brgy. Luacan, sa bayan ng Dinalupihan.

Ayon sa mga nakasaksi, may iniwasan na kotse ang trak na may plakang (UQA 482) na minamaneho ng isang Raymond Castro, 22, kaya sumalpok sa kasalubong na pampasaherong dyip na may plakang CWE 372.

Ang trak ni Castro na hawak na ngayon ng pulisya ay naghahakot ng buhangin. BOBBY TICZON

NIYANIG ng malakas na lindol ang ilang bahagi ng Luzon kabilang ang Metro Manila kaninang ala-1:28 ng hapon.

Sinabi ni Phivolcs Dir. Renato Solidum, dahil ito sa paggalaw ng Manila Trench kaya maraming bahagi ng Metro Manila ang nakaramdam ng lindol.

Sa initial report, 6.3 magnitude ang naitala sa monitoring center ng Phivolcs.

Natukoy ang epicenter sa layong 16 kilometro sa Nasugbo, Batangas.

Naramdaman ang Intensity IV – Calapan, Mindoro; Subic, Zambales; Rosario, Cavite; Manila City; Sablayan, Occidental Mindoro
Intensity III – Pateros City; Quezon City; Makati City; Malolos, Bulacan; Cainta, Rizal; Calamba, Laguna.

Intensity II naman ang naitala sa Magalang, Pampanga; Tanauan City, Batangas habang Intensity I sa Talisay, Batangas, habang Intensity III – Calumpit, San Ildefonso, Bulacan; Tagaytay City. Intensity II naman sa Lucban, Quezon. BOBBY TICZON

PATAY ang isang 53-anyos na ginang na umano’y kabilang sa drug watchlist ng pulisya at ng kanilang barangay matapos pagbabarilin ng dalawang hindi nakilalang salarin na magkaangkas na lulan ng isang motorsiklo sa Caloocan City.

Dead-on-the-spot ang biktimang si Nemia Flores, ng 4912 San Vicente St., Brgy. 178, Area D, Camarin sanhi ng mga tama ng bala sa iba’t-ibang bahagi ng katawan.

Nabatid na dakong 5:00 kahapon ng hapon habang binabagtas ng biktima lulan ng isang pampasaherong tricycle pauwi sa kanilang bahay ay bigla na lamang itong hinarang ng mga suspek sa kanto ng Santol at Avocado St.

Agad na pinagbabaril ng mga suspek ang biktima kung saan mabilis namang tumakbo ang driver ng nasabing tricycle sa labis na takot at pagkabigla sa pangyayari.

Matapos ang pamamaril ay agad ding tumakas ang mga salarin sa hindi nabatid na direksyon.

Ayon sa ilang barangay official, matagal na umanong nasa listahan ng mga sangkot sa droga ang biktima kung saan ilang beses na rin daw itong pinuntahan ng kapulisan upang sumuko kaugnay ng programang “Oplan Tokhang” ng PNP. RENE MANAHAN

HINDI sa pakikipaglaban sa mga terorista kundi sa kamay ng New People’s Army (NPA) namatay sa Compostela Valley kaninang Biyernes ng umaga ang isang sundalo na nakipaggiyera sa Marawi City.

Nagtamo ng dalawag tama ng bala ng hindi pa malamang kalibre ng baril sa ulo at namatay noon din ang biktimang si Sgt. Delfin Dangayo. Si Dangayo ay nagbakasyon lamang para makipaglibing sa kanyang kasamahang sundalo na napatay sa Marawi conflict.

Nawawala ang 9mm service pistol ng biktima na pinaniniwalaang binitbit ng salarin sa kanyang pagtakas.

Blangko pa ang pulisya kung sino ang nasa likod ng pagpaslang pero isa sa sinisilip na may gawa sa krimen ay agaw-armas ng NPA squad.

Sa ulat, naganap ang insidente dakong 8:55 a.m. sa national highway ng Mabini, Compostela Valley.

Ayon sa misis ng biktima na si Donnabel, bago ang pamamaril ay nagpaalam ang kanyang mister na makikipaglibing lamang sa kanyang kasamahang sundalo na kamakailan ay napatay sa Marawi siege.

Sasama sana siya ngunit hindi ito pumayag at baka may masamang mangyari sa kanila at nabigla na lamang siya nang nabalitaan ang nangyari rito.

Pabalik na ito sa Marawi City ngunit nakiusap ito sa kanilang opisyal na uuwi muna sa kanyang pamilya kahit tatlong araw lamang ngunit doon na ito napatay.

Napag-alamang nagmamaneho ng kanyang motorsiklo ang biktima nang pagbabarilin ng suspek. BOBBY TICZON

TINANGGAP na ni Vice President Leni Robredo ang pagiging chairperson ng Liberal Party (LP) sa isang tahimik at tagong pagpupulong ng mga lider ng partido.

Mula sa kanilang mga interim appointments, pormal nang nahalal si Robredo bilang chair ng LP, habang si Sen. Francis Pangilinan naman ang LP president at chairman emeritus naman si dating Pangulong Benigno Aquino III, na hindi nakadalo.

Ginanap ang national executive committee meeting sa University of the Philippines (UP) noong Miyerkules.

Ayon kay Ifugao Rep. Teddy Baguilat, nais ni Robredo na i-rebuild ang LP at mas pagtuunan ng pansin ang kanilang “grassroots campaigns” sa halip na mga politiko.

Sinadya aniyang gawing “low-key” ang kanilang meeting dahil sa lagay na rin ng pulitika ngayon, at sa dami ng nalagas na miyembro sa kanilang partido.

Sa kanyang talumpati, sinabi rin aniya ni Robredo na dapat pagtuunan ng pansin ng LP ang pagiimbita ng mga bagong miyembro na mula sa pribadong sektor, partikular na aniya ang “younger or new blood.”

Ani Baguilat, mahirap na aniyang humikayat ng mga politiko ngayon dahil hindi mo na aasahan ang mga ito na agad maglalabas ng kanilang tunay na kulay sa simula.

Mula sa dating mahigit 100, halos nasa 30 na lang ang natitirang miyembro ng Liberal Party (LP) sa Kamara. JOHNNY ARASGA

CONCEPCION, TARLAC – Patay ang isang pinaghihinalaang “big-time” illegal-drug pusher matapos ang isang shootout sa isinagawang anti-illegal drug operation ng mga pulis sa Concepcion sa nasabing lalawigan kahapon, August 10.

Kinilala ang napatay na si Cesar Bernabe, ng nasabing bayan. Si Bernabe ay isa sa mga target ng anti-illegal drug operation sa Concepcion.

Sa inisyal na imbestigasyon, isang buy-bust operation ang sinagawa ng Concepcion Police Office (CPO) ngunit noong natunugan ni Bernabe ang operasyon, bila na lamang pinaputukan ang mga operatiba sanhi upang gumanti ng putok ang mga pulis.

Ayon sa CPO si Bernabe ay diumanoy leader ng isang motorcycle riding thieves.

Narekober mula kay Bernabe ay isang motorsiklo na pinaniniwalaang nakaw at hindi pa malamang halaga ng shabu. ALLAN BERGONIA

DALAWANG magkapatid ang patay nang manlaban sa mga operatiba ng Manila Police District (MPD) sa ikinasang buy-bust operation sa San Andres, Bukid, Maynila, Biyernes ng madaling-araw.

Hindi na umabot nang buhay sa Sta. Ana Hospital ang biktimang si Ronnie, 22, at Rolly Viros Soliven, 24, kapwa ng 1624 Sagrada Famila St., kanto ng Topacio St., San Andres Bukid, Maynila.

Sa ulat ni PO2 Dennis Turla ng Manila Police District Homicide Section, alas-2:40 ng umaga nang maganap ang insidente sa loob ng bahay ng mga suspek.

Nabatid na nakatangap ng tawag ang opisina ng pulisya na ang magkapatid ay nagbebenta umano ng iligal na droga sa lugar agad na nagsagawa ng buy-bust operation .

Nagpanggap na poseur buyer si PO3 Harry Imam sa halagang P200 gayunman, nakatunog ang mga suspek dahilan upang bumunot ang mga ito ng baril at magpaputok.

Narekober sa mga suspek ang dalawang kalibre .38, pitong plastik ng shabu at dalawang pirasong P100 bill.

Ang bangkay ng mga suspek ay dinala na sa Iligan Funeral Home upang isalang sa awtopsiya at safekeeping. JOCELYN TABANGCURA-DOMENDEN

NAGBIGTI ang isang grade 7 student sa loob ng kanilang tahanan sa Quezon City kahapon, Agosto 10, Huwebes.

Nakalagak pansamantala sa PNP Crime Laboratory ang bangkay ng biktimang si Alwena Diaz, 12, estudyante ng Batasan National High School at taga-St. Mary St., ng nasabing barangay upang isailalim sa autopsy.

Sa pahayag ng nakatatandang kapatid ng biktima na si Cathy sa Criminal Investigation Detection Unit – Quezon City Police District (CIDU-QCPD), alas-3:00 ng hapon, kagagaling lamang niya ng eskwelahan at nagtataka siya dahil malakas na ang kanyang katok sa kanilang bahay ay walang sumasagot.

Dahil dito, dumaan siya sa bintana at laking gulat nito nang tumambad sa kanya ang nakabigting kapatid ng isang nylon cord.

Agad nitong kinalagan ang nakabigting kapatid at humingi ng tulong sa mga miyembro ng Barangay Public Safety Office (BPSO) ng Brgy. Payatas A subalit wala nang buhay ang biktima at sa ngayo’y iniimbestigahan pa ng mga pulis ang motibo ng pagpapatiwakal nito. SANTI CELARIO

INILABAS na ng Malaking Kapulungan ng Kongreso ang Statement of Assets, Liabilities and Networth (SALN) ng mga kongresista para sa taong 2016.

Batay sa inilabas sa website ng Kamara, si 1- PACMAN Rep. Mikee Romero ang pinakamayaman na may assets na P7-bilyon at sinundan naman ng pangalawang bilyonarya sa Kamara na si DIWA Partylist Rep. Emmeline Aglipay-Villar na maybahay ni DPWH Secretary Mark Villar na may assets na P1.4-bilyon.

Si DPWH Sec. Villar ay siya namang napaulat na pinakamayaman sa gabinete ni Pangulong Rodrigo Duterte.

Pumapangatlo naman ang dating pinakamayaman na Kongresista na si Negros Occidental Rep. Alfredo Benitez na may asset na P943-milyon, na sinundan naman ni Ilocos Norte Rep. Imelda Marcos na may assets na P917.8-milyon.

Pang-lima naman sa pinakamayaman si Quezon City Rep. Feliciano Belmonte, Jr. na may assets na P852-milyon, pang-anim na Manila Teachers party-list Rep Virgilio Lacson (P768,824,757), sinundan ni Marikina Rep. Bayani Fernando (P738,000,000)

Pangwalo naman ang aktres at Batangas Rep. Vilma Santos-Recto na may networth na P522-milyon, pang-siyam na may networth na P491-milyon si Davao del Norte Rep. Antonio Floirendo at pang-10 si Leyte Rep. Yedda Romualdez na may assets na P477-milyon.

Pinakamahirap naman si Kabataan party-list Rep. Sarah Jane Elago na nagdeklara ng networth na P50,000 lamang at pumapangalawa dito si Camarines Sur Rep. Gabriel Bordado na may networth na P179,017.

Pang-25 naman sa listahan si House Majority Leader at Ilocos Norte Rep. Rodolfo Fariñas na may networth na P169,130,000 samantalang pang-50 naman sa listahan si House Speaker Pantaleon Alvarez na nagdeklara ng networth na P86,498,186.

Nasa pang-11 naman sa pinakamayaman si dating pangulo at ngayon ay Pampanga Rep. Gloria Macapagal-Arroyo sa networth na P434,636,322 sinundan ito ni Davao del Norte Rep. Antonio Floirendo, Jr., ang isa sa may pinakamalaking campaign contributor ni Pangulong Duterte sa nagdaang kampanya sa networth na P491,710,128. MELIZA MALUNTAG

KINATIGAN na ng Sandiganbayan ang mga state prosecutors na gawing state witness si dating Makati City general services department head Ernesto Aspillaga laban kay dating Mayor Elenita Binay.

Ito’y may kaugnayan sa kasong graft na kinakaharap ni Binay dahil sa umano’y maanomalyang pagbili ng P72.06-milyong halaga ng furniture para sa Makati City Hall noong 1999.

Sa resolusyon ng Special Fifth Division, pinayagan ng Sandiganbayan ang Office of the Ombudsman na i-discharge na si Aspillaga bilang kapwa akusado ni Binay sa naturang kaso.

Dahil dito, maaari nang isalang sa witness stand si Aspillaga at magsalita laban kay Binay.

Binaliktad nito ang naunang resolusyon noong Disyembre 2016, na bumaliktad rin sa resolusyon noong Enero 2016 na pabor sa prosekusyon.

Gayunman, ipinunto rin ng korte na hindi pa nila naririnig ang testimonya ni Aspillaga na makakatukoy kung papasa ba siya bilang isang state witness.

Itinuturing ng mga prosecutors na isang mahalagang bahagi ng kaso ang testimonya ni Aspillaga dahil sa mga first-hand knowledge nito sa maanomalyang transaksyon dahil dati siyang pinuno ng general services department ng munisipyo. JOHNNY ARASGA

SUMUKO sa Counter Intelligence Task Forice (CITF) ng Philippine National Police (PNP) ang pitong pulis na umano’y nangikil ng pera sa pamilya ng isang drug suspect.

Kinilala ang mga pulis na sina PO1 Emmanuel Benedict Alojacin, Mark Ryan Mones, Christian Paul Bondoc at Jack Rennert Etcubañas, kasama sina PO2 Jonnel Barocaboc, Jessrald Pacinio at PO3 Kenneth Loria na pawang mga mula sa Navotas police.

Ayon sa CITF, nagsumbong sa kanila ang ina ng isa sa dalawang inaresto ng mga nasabing pulis sa isang anti-drug operation sa Malabon City noong Biyernes.

Ginamit kasi ng mga pulis ang cellphone ng isa sa kanilang mga inarestong drug suspects para tawagan ang ina nito at humingi ng P100,000 kapalit ng kalayaan ng anak nito.

Nagbanta pa umano ang mga pulis na papatayin ang mga drug suspects, kaya nagdesisyon ang ina na magsumbong agad sa CITF sa mismong araw rin na iyon.

Ito ang naging basehan ng CITF para magsagawa ng entrapment operation, ngunit hindi naman sumulpot ang mga ito.

Gayunman, kusa namang sumuko ang mga pulis sa CITF pagdating ng gabi ng Sabado matapos nilang makumpirma ang pagkakakilanlan nito sa tulong ng Northern Police District (NPD) sa isang follow-up operation.

Inihahanda naman na ng CITF ang mga kasong isasampa sa pitong pulis, habang pinalaya naman na ang kanilang mga inaresto. JOHNNY ARASGA

TEPOK ang apat na armadong lalaki sa pakikipagbarilan sa mga pulis sa Quezon City, madaling-araw ng Linggo, August 12.

Sa sa inisyal na impormasyon, isang shootout ang naganap sa kahabaan ng Road 11 sa Brgy. Balingasa bandang alas-3:00 ng madaling-araw.

Ayon sa pulisya, nanlaban at nakipagpalitan ng putok ng baril ang apat na suspek na hanggang ngayo’y hindi pa rin nakikilala.

Sinabi naman ni P/Supt. Robert Sales ng Quezon City Police Station 1, nakatanggap sila ng impormasyon na mayroong apat na armadong lalaki ang namataan sa Brgy. Balingasa.

Dahil dito, agad aniyang rumesponde ang mga pulis, at nang makarating sa lugar at sinalubong sila ng putok ng baril mula sa mga suspek.

Narekober sa mga suspek ang dalawang .45 caliber na baril, isang caliber .38 pistol, isang 9mm na baril, at tatlong sachet ng hinihinalang shabu.

Ayon pa kay Sales, nakatanggap din sila ng impormasyon na nagbebenta umano ang apat na suspek ng shabu sa naturang barangay bago ang engkwentro. JOHNNY ARASGA