BUMULAGTA sa loob ng mismo ng sasakyan ang isang lady judge matapos ambusin ng kilabot na riding-in-tandem sa Tanay town nitong Martes ng hapon.

Sinabi ni S/Insp. Maria Lourdes Usana, spokesperson ng Rizal police, nakilala ang biktimang si Maria Ronatay, assistant prosecutor ng Rizal town.

Blangko naman ang Tanay police station kung sino ang nasa likod ng pagpatay at kung ano ang motibo sa pagsalakay.

Sa ulat, naganap ang insidente dakong 5 p.m. sa isang bisinidad ng Ortigas Extn. sa Brgy. San Isidro.

Bago ito, nabatid na naipit ang Honda CRV na minamaneho ng biktima nang magsikip ang trapiko sa lugar.

Ayon sa nakasaksi, nang huminto ang SUV ng biktima ay siya namang pagdating ng mga suspek na agad inasinta ang kinauupuan ng biktima. BOBBY TICZON

DALAWANG miyembro ng Philippine Marines (PM) ang nalagas nang pagbabarilin ng mga hinihinalang miyembro ng New People’s Army (NPA) sa Roxas, Palawan kaninang Miyerkules ng umaga.

Sinabi ni S/Supt. Gabriel Lopez, Palawan police director, nakilala ang mga biktimang sina Private First Class Joene Gagogas Galiste at Private James Melchor Porol.

Tinutugis na ngayon ng awtoridad ang mga rebelde para panagutin sa krimen.

Sa ulat, naganap ang insidente dakong 7:30 a.m. sa may Purok Magsarungsong, Brgy. Magara.

Bago ito, nagmula sa pamamalengke ang mga biktima at pauwi na nang pagsapit sa lugar ay pinagbabaril ng mga suspek.

Nakarekober ang pulisya ng bala ng .9mm at .45 pistols sa crime scene. BOBBY TICZON

IPINASARA ng Metropolitan Manila Development Authority (MMDA) at Land Transportation and Franchising Regulatory Board (LTFRB) ang ilang bus terminal sa kahabaan ng EDSA, Quezon City kaninang umaga Hulyo 19.

Kasama ng MMDA at LTFRB ang mga tauhan ng Business Permits and Licensing Office (BPLO) ng Quezon City nang isagawa ang operasyon at isinilbi ang cease and desist order laban sa mga bus terminal.

Kabilang sa mga inisyuhan ng closure order ay ang Dimple Star bus sa main avenue sa Cubao dahil sa kakulangan nito ng pasilidad para mag-operate bilang terminal.

Ayon sa MMDA, mistulang isang malaking paradahan lamang ang lugar pero ginagawa itong terminal. Ang Dimple Star ay may biyaheng Antique, Capiz, Iloilo, Romblon, Aklan at Mindoro.

Nadismaya naman ang mga pasaherong naghihintay sa terminal at nakabili na ng kanilang tickets pauwi sa mga lalawigan.

Ang terminal naman ng Roro Bus Transport sa EDSA-Santolan ay ipinasara din ng mga awtoridad.

Wala umanong business permit ang nasabing terminal, walang sapat na sanitation facilities at kumportableng lugar para sa mga pasahero.

Ang terminal ng DLTB na unang pinuntahan ng team ay kusa nang isinara ng operator nito. Dati na kasing sinabihan ang nasabing terminal na hindi dapat nag-ooperate bunsod ng kawalan ng permit mula sa Quezon City Local Government.

Ang nasabing operasyon ay bahagi rin ng pagpapatupad ng nose-in nose-out policy ng MMDA at LTFRB sa EDSA.

Ang malilit na terminal ng bus ay nagdudulot umano ng traffic sa EDSA dahil hindi nakakapag-maniobra sa loob ng terminal ang kanilang bus kaya sa EDSA sila nagpapaliko. SANTI CELARIO

KALABOSO ang isang mag-ate matapos madakip sa isinagawang drug buy-bust operation ng mga pulis sa Quezon City kagabi, Hulyo 18, Martes.

Kinilala ang nadakip na sina Diane Tumaroy, 28, at kapatid na si Thalia, 20, kapwa tubong Tagum City, ng No. 112 F. Manalo St., Brgy. Immaculate Concepcion, Quezon City.

Ayon kay Quezon City Police District (QCPD) Kamuning Police station 10 P/Supt.Pedro Sanchez, naaresto ang magkapatid dakong 10:45 ng gabi sa V. Luna Rd. cor. East Ave., Brgy. Pinyahan, QC.

Sinabi sa ulat na isang pulis ang nagsilbing poseur buyer gamit ang P500 kapalit ng isang sachet ng shabu at nasa aktong nag-aabutan nang arestuhin ang magkapatid.

Sa loob ng kulungan, inamin ng dalawa na napilitan silang magtulak ng shabu dahil sa matinding pangangailangan ng pera.

“Single parent po kasi ako sa apat kong mga anak kaya kahit alam namin bawal ang shabu ay napilitan po kami magdala para lang ibigay sa isang kustomer po kapalit ng P500 na bayad,” pag-amin ng nakakatandang Tumaroy.

Nagpahayag din ng sobrang pagsisi ang mag ate na suspek dahil sa kanilang pagkakaaresto at pagkakakulong.

Narekober sa suspek ang tatlong piraso ng sachet na naglalaman ng hindi pa matiyak na halaga ng shabu at buy-bust money.

Nahaharap ang mag-utol na Tumaroy sa kasong paglabag sa R.A 9165 o Comprehensive Dangerous Drugs Act of 2002. SANTI CELARIO

NANITA umano sa naghahalikang magsyota kaya binaril ng isang 18-anyos na lalaki ang isang seaman sa isang eskinita sa Sta. Ana, Maynila kagabi.

Ginagamot ngayon sa Sta. Mesa Lourdes Hospital ang biktimang si Manuel Banares, 56, may asawa, seaman, ng 2827 Lamayan St., Sta. Ana, na nagtamo ng tama ng bala sa kaliwang bahagi ng tainga.

Pinaghahanap naman ng pulisya ang suspek na si Omar Vinarao, 18, binata, walang hanapbuhay, ng 2801 Alley 1, Lamayan St., Sta. Ana.

Naganap ang insidente dakong 11:35 ng gabi sa eskinita sa tabi ng Botikang Pinoy, Alley 2 St. sa Sta.Ana.

Sa imbestigasyon ni PO2 Rey Rabut, ng Manila Police District (MPD)-Station 6, naglalakad ang biktima sa lugar nang madaanan ang suspek at ‘di nakilalang nobya nito habang naghahalikan sa eskinita kaya’t sinita niya ang mga ito at sinabihang, “Bakit dito pa kayo naghahalikan?”

Dahil sa pakikialam at paninita ng biktima ay nagalit ang suspek kaya agad na bumunot ng baril at pinutukan ito saka mabilis na tumakas, kasama ang nobya at bitbit ang baril na ginamit sa krimen.

Isinugod naman sa pagamutan ng saksing si Edgardo Baterbonia ang biktima upang malunasan. JOCELYN TABANGCURA-DOMENDEN

HAWAK na ng Manila Police District ang isa pa sa tatlong suspek ng bombing incident sa Quiapo, Maynila kung saan 13 sibilyan ang malubhang nasugatan sa pagsabog.

Kinilala ang suspek na si Raymond Mendoza, 21, ng Evangelista St., Quaipo, Maynila.

Nauna rito, nagsagawa ng operasyon ang mga tauhan ng MPD-District Operation Unit (DSOU) sa pangunguna ni PC/Insp.Jay C. Dimaandal nang mamataan ang suspek sa kahabaan ng Carriedo St., Sta. Cruz, Maynila dakong 5:40 Martes ng hapon.

Ayon kay MPD District Dir. P/C Supt. Joel Napoleon Coronel, matagal nang minamanmanan at isinailalim sa surveillance ang suspek kaya nang matyempuhan ito sa nasabing lugar ay hindi na nag-atubili ang mga operatiba na dakpin ito.

Nakuha sa suspek ang kalibre .38 revolver, mga bala, at isang granada.

Sasampahan ng kasong paglabag sa R.A 10591 o Comprehensive Firearms and Ammunitions Act at R.A 9516 o Illegal Possession of Explosives.

Matatandaang dalawang magkasunod na pagsabog ang naganap noong Abril 28, 2017 na sinasabing away ng magpapamilya o clan war ang dahilan ng pagpapasabog sa lugar na malubhang ikinasugat ng ilang indibidwal.

Dagdag pa ni Coronel, patuloy ang kanilang kampanya laban sa mga kriminal sa lungsod upang mapangalagaan at masiguro ang seguridad at kaligtasan ng mga Manilenyo. JOCELYN TABANGCURA-DOMENDEN

SUGATAN ang 24 na katao makaraang sumalpok sa poste ng ilaw ang isang pampasaherong dyip sa Antipolo City.

Pawang pasahero ng dyip na biyaheng Cogeo-Cubao (UVB 972) ang mga nasugatan kabilang ang driver nito.

Ayon kay Traffic Enforcer Richard Santos ng Antipolo LTO, naganap ang aksidente sa Brgy. Mayamot, alas-5:20 ng umaga.

Nawalan umano ng kontrol ang dyip dahil nakikipag-karera ito sa isa pang ‘patok’ na dyip.

Dinala sa Amang Rodriguez Medical Center sa Marikina City ang lahat ng nasugatan. JOHNNY ARASGA

SAGADA, MOUNTAIN PROVINCE – Patay ang isang tourist guide matapos anurin sa loob ng Victoria Cave sa Maduto, Ankileng, Sagada sa nasabing probinsya.

Nakilala ang biktimang si Roderick Malecdan, 23, tourist guide, ng Demang, Sagada.

Ayon sa Mountain Province Disaster Risk Reduction and Management Office (MPDRRMO), narekober nila ang katawan ng biktima na naipit sa mga bato sa loob ng Victoria Cave.

Sa inisyal na imbestigasyon, aksidenteng nahulog ang biktima sa tubig ng bundok kaya inanod ito papunta sa loob ng kweba.

Tumulong din ang Philippine Navy na ipinadala ng Office of Civil Defense Cordillera (OCDC) sa rescue operation para hanapin si Malecdan. ALLAN BERGONIA

INAPRUBAHAN na ngayon ng North Luzon Railways Corporation (NorthRail) board ang nominasyon ni dating Manila vice mayor Isko Moreno bilang bagong chairman at CEO.

Magugunitang si Moreno ay itinalaga ni Pangulong Duterte bilang miyembro ng NorthRail board noong July 12 pero ngayong araw lang inianunsyo ng Malacañang ang kanyang appointment at nominasyon bilang chairman.

Ilang oras makalipas ang anunsyo ng Palasyo, nagpadala ng mensahe si Moremo para kumpirmahing siya na ang bagong chairman ng NorthRail.

Inihayag din ni Moreno na natalong senatorial candidate noong nakaraang eleksyon na inaprubahan na ng Bases Conversion Development Authority (BCDA) ang kanyang posisyon.

Labis namang nagpapasalamat si Moreno kay Pangulong Duterte dahil sa ibinigay na pagkakataong makapagsilbing muli sa publiko.

“I am grateful to President Duterte for giving me a chance again to go back to public service. As for expectations for the job, that I don’t know yet. I’m now on my way to Balara office (of NorthRail) to work agad. Magre-report na ako agad para walang masayang na oras sa taumbayan,” dagdag nito. BOBBY TICZON

NAGING malagim ang sinapit ng isang 86-anyos na babae matapos madiskubre itong patay at tadtad ng saksak sa Quezon City kahapon, Miyerkules.

Nakilala ang biktimang si Prescila Fernandez, ng No. 36 Sto. Domingo St., Quezon City.

Pinaghahahanap naman ngayon ng mga awtoridad ang sinasabing boy ng biktima na nakilala lang sa alyas na ‘JR’ na posibleng may kagagawan sa krimen dahil ito lang ang sinasabing kasama ng biktima sa bahay.

Ayon sa mga kapitbahay ng biktima, halos apat na buwan pa lamang naninilbihan si Boy na nakuha ni Fernandez sa isang agency.

Lalong tumibay ang hinala ng mga awtoridad na robbery ang motibo sa pamamaslang dahil sa nagkalat at gulo-gulong kuwarto ng biktima na patunay na hinalughog ito ng suspek.

Bukod sa nabuksan ang mga kabinet ay nawawala rin ang mga jewelry box at pera ng biktima.

Tinangay rin umano ng suspek ang nakalagay na closed-circuit television (CCTV) camera at monitor sa bahay ng biktima.

Nadiskubre ang krimen alas-1:00 ng hapon matapos magpunta roon ang isa sa mga kaanak ng biktima para magdala ng pagkain.

Ayon sa kaanak, walang sumasagot sa kanyang pagkatok kaya humingi na ito ng tulong sa mga opisyal ng barangay na siya na ring nag-report sa pulisya.

Nang mabuksan ang pinto ay dito na nadiskubre ang bangkay ng biktima na nakabulagta sa kusina.

Hindi umano kilala ng mga kaanak ng biktima ang sinasabing boy sa bahay ng matanda dahil bihira rin silang pumunta sa bahay nito.

Sa inisyal na imbestigasyon ng CIDU, posibleng kamakalawa pa pinaslang ang biktima dahil tuyong-tuyo na ang mga dugo na nagkalat sa sahig at sa bangkay nito.

Patuloy ang ginagawang imbestigasyon ng CIDU upang matukoy ang buong pagkakakilanlan ng suspek at maaresto ito. SANTI CELARIO

MAGKAHIWALAY na sunog ang sumiklab sa Pasay at Las Piñas City Huwebes ng madaling-araw.

Unang nasunog ang isang residential area sa kanto ng Muñoz/Zobel at Tramo St., sa Brgy. 42, Pasay City.

Umabot sa ikalawang alarma ang apoy kung saan dalawang paupahang bahay ang nadamay.

Ayon sa isang may-ari ng paupahan na si Christine David, pasado alas-12:00 ng madaling-araw nang magising sila at makita ang apoy sa katabing bahay.

Pag-aari ng isang Danilo Sevilla ang nasabing tatlong-palapag na bahay na hinati sa 20 kuwarto.

Ayon kay David, noon pa nila inireklamo sa barangay ang katabing paupahan dahil sa isa umano itong fire hazard sapagkat dikit-dikit ang mga kuwarto.

Depensa naman ni Sevilla, hindi sa kanyang bahay nagsimula ang apoy dahil mas natupok ang katabing paupahan.
Pasado ala-1:30 nang ideklarang fire under control ang sunog.

Samantala, sa Brgy. Daniel Fajardo, Las Piñas City naman, aabot sa 30 kabahayan ang nasunog at nasa 60 pamilya ang nawalan ng tirahan.

Sa imbestigasyon ng Bureau of Fire Protection (BFP), posibleng ang naiwang umaandar na electric fan ang pinagmulan ng apoy.

Inabot ng mahigit apat na oras bago tuluyang naapula ang sunog na umabot sa ika-limang alarma dahil masikip ang mga eskinita at gawa sa light materials ang mga kabahayan.

Aabot naman sa P250,000 ang halagang tinupok ng apoy pero masuwerteng walang naitalang sugatan sa magkahiwalay na insidente.

Nagpapatuloy ang imbestigasyon ng BFP sa dalawang sunog. JOHNNY ARASGA

INUGA ng magnitude 3.6 na lindol ang Catigbian, Bohol.

Naganap ang pagyanig sa 9 kilometers timog ng bayan ng Catigbian alas-4:18 ng umaga ngayong araw, Huwebes.

Naitala ang intensity 1 sa Cebu City bunsod ng nasabing lindol.

Ayon sa Phivolcs, hindi naman ito inaasahang magdudulot ng pinsala at aftershock.

Kagabi, niyanig din ng magnitude 3.5 na lindol ang Sarangani, Davao Occidental alas-11:28 ng gabi.

Bago ito, niyanig din ng magnitude 3.3 na lindol alas-11:08 ng gabi ang bayan ng Calatrava sa Romblon. -30-

HINDI pa lubos na kumbinsido si Sen. Grace Poe sa pagpapalawig ng Martial law sa Mindanao dahil marami pa umano itong katanungang dapat masagot ng mga security official ng Palasyo.

Paliwanag ni Poe, sa Sabado, sa isasagawang joint session ng mababang kapulungan at senado, makakapagdesisyon siya kung papayag ba siya sa extension ng Martial law at kung gaano ito katagal.

Samantala, iginiit ni Poe na dapat ay present sa Sabado sa gagawing joint special session ang mga opisyal at kinauukulan na nakatoka sa planong rehabilitasyon sa Marawi City upang maging mas malinaw silang makapagdesisyon sa usapin.

Nagsagawa ng executive briefing ang mga senador at ang mga security officials sa Senado kahapon sa pangunguna ni Defense Sec. Delfin Lorenzana, Armed Forces of the Philippines (AFP) Chief-of-Staff Gen. Eduardo Año at National Security Adviser Hermogenes Esperon upang mabigyan ng update sa sitwasyon sa Marawi ang mga mambabatas at maintindihan kung may pangangailangan pa ba na palalawigin ang Martial law sa Mindanao. -30-

State-run Social Security System (SSS) on Thursday said it is ready to implement the recently issued Executive Order No. 33 by President Rodrigo Duterte ordering the increase of the Employees’ Compensation (EC) funeral benefits for government and private sector employees from P20,000 to P30,000 within 30 days from the publication date of the Implementing Rules and Regulations to be issued by the Employees’ Compensation Commission.

“We just need a month to make system adjustments to implement the P10,000 increase in EC funeral benefit. We are one with Pres. Duterte’s commitment to assist the families of our workers who died due to a work-related contingency,” SSS President and Chief Executive Officer Emmanuel F. Dooc said.

Dooc reiterated the EO provision that “the results of the actuarial studies of the SSS and the Government Service Insurance System (GSIS) show that the State Insurance Fund (SIF) can finance the increase in funeral benefits without affecting the stability of the SIF and without requiring additional contributions.”

SSS administers the Employees’ Compensation Program (ECP) for workers in the private sector. Under the ECP, workers will receive compensation benefits for illness, disability and death resulting from occupational diseases and work-related activities. EC benefits are granted only to members with employers. The employer shoulders the cost of the employee’s EC contributions.

The EO was signed last July 17 citing “there is a need to continually improve benefits under the Employees’ Compensation Program (ECP) to make them more responsive to the welfare and development needs of occupationally disabled workers.”

Top grossing mobile game Mobile Legends: Bang Bang is sweeping the mobile gaming community, turning even the most casual of gamers to hardcore fans. To date, the Philippines is one of the top countries that play the game in Southeast Asia. This year, the country’s number 1 mobile brand Globe, together with Mobile Legends developer Moonton, will look for the best team in the region through the first-ever Southeast Asia Cup Philippine Finals!

To join the cup, 128 teams joined the ongoing Philippine Online Qualifier. The top four teams will proceed to a national offline event on July 29, 2017, where the top two teams will advance to the Southeast Asia Finals. Cash prizes at stake are PHP 126,000 for the Philippine champion team, PHP 50,000 for the first runner-up and PHP 25,000 each for the 2nd and 3rd runners-up.

The event will be held at Glorietta Activity Center, and will be open to the public free of charge. Globe, the official telecommunications partner of the Philippine leg, will have booths and activities for guests. They will also distribute a 3-day Double BB Card, 3-Day Double EXP card, and 10 pieces of Mobile Legends Rare Skin Fragments, including the limited edition Layla character skin to Globe customers who participate in the booth activities.

The winners of the offline event will join other players from Indonesia, Malaysia, Singapore, and Thailand in August for the regional finals, where only one team will emerge victorious. The winner will take home a cash prize and the glory of becoming Southeast Asia’s best team.

Mobile Legends: Bang Bang is a multiplayer online battle arena (MOBA) game that lets players choose an avatar and form teams, which they can use to reach and destroy an enemy’s base while protecting their own. Battles last 10 minutes, providing an intense and thrilling activity that will lead to either sweet victory or bitter defeat.

Globe provides a fully immersive gaming experience for Mobile Legends players through its GoSURF promos, which lets gamers conquer the MOBA world through free access to the game, with bigger data allocations at affordable rates and a fast and reliable internet connection. With GoSURF, players can use their data to browse gameplay videos, connect with their teammates, and explore game guides and strategies to get the edge over other players.

“We recognize that Mobile Legends is popular among Filipinos and that we are one of the top countries to play the game. Our GoSURF promos are perfect for players who want to play the game for long periods of time, anytime, anywhere” says Issa Cabreira, Globe SVP for Consumer Mobile Business.

Customers can avail of GoSURF50 with 1GB of data plus free 300MB for Mobile Legends valid for three days. To register, just dial *143# and choose GoSURF50. They may also avail of GoSURF15 with 40MB of data plus free 30MB for Mobile Legends valid for two days. The more hardcore gamers may also avail of GoSURF299 with 1.5GB of data, GoSURF599 with 4GB of data, and GoSURF999 with 8GB of data, all with free 1GB for Mobile Legends valid for 30 days. Simply dial *143# and choose Surfing.

NAKAKULONG na ngayon sa Bureau of Jail Management and Penology (BJMP) sa Batac City ang suspek sa pagpatay sa chief investigator ng Paoay Police Station sa Ilocos Norte.

Sa bisa ng warrant of arrest, nadakip ang suspek na si Melanio Yahin, Jr., 29, tubong Paoay, sa isang hardware sa Brgy. Maysilo, Malabon City na kanyang pinapasukan bilang helper.

Si Yahin ang itinuturong suspek sa pagpatay kay SPO3 Nestor Sadian, chief investigator ng Paoay Police Station noong Disyembre 30, 2015. Binaril si Sadian sa tapat ng kanyang bahay sa Brgy. Sideg sa Paoay.

Ayon sa pulisya, positibong kinilala si Yahin ng asawa ni Sadian. Naglalaba ang misis ni Sadian nang makarinig ng putok ng baril. Nang lumabas siya, dito na niya nakita ang gunman. Maging siya ay tinutukan din ng baril ng suspek.

Sigurado naman ang misis ni Sadian na si Yahin ang gunman dahil walang takip ang mukha nito nang barilin ang kanyang mister.

Sa panig ni Yahin, itinanggi nito ang akusasyon laban sa kanya. Aniya, 2014 pa ng huli siyang manirahan sa Ilocos Norte.

Bukod sa pagpatay, nahaharap rin si Yahin sa mga kasong frustrated murder at carjacking.

Siya’y no. 4 sa Provincial Sibat Target ng Ilocos Norte at nasa listahan din ng Provincial Anti-Partisan Armed Group at Dangerous Drug Council.

Hinihinalang may kinalaman sa trabaho ni Sadian bilang chief investigator ang naging motibo sa pagpatay sa kanya. BOBBY TICZON

APAT na katao ang inaresto ng Bureau of Customs (BOC) dahil sa package na may lamang shabu.

Ang package na may timbang na 20.6 kilo ay idineklarang Sikaflex Sealant nang dumating ito sa Manila dalawang linggo na ang nakararaang ipinadala ng Home Depot sa Mexico.

Ayon kay BOC District III Collector ED Macabeo, ang package na nasa DHL warehouse sa Pasay City ay naka-consign sa isang James Corpuz ng Blk. 1, Lot 3, Victorian, Fairview, Quezon City.

Inutusan naman ni Macabeo ang kanyang mga tao na magsagawa ng monitoring sa DHL office dahil baka may mag-claim ng package.

Hindi inaasahang dumating noong Miyerkules ang apat katao na nakilalang sina Casan Osir Rainang ng Bautista St., Quiapo, Manila; Jamal Aminah Tantao ng Fairview, Quezon City; Alnor Sultan Pundato ng Sition Kamunoy St., Quezon City; at Isnairah Durannun Pundato ng Capitol Estate, Batasan Hills, Quezon City, para kunin sa DHL warehouse ang package.

Pero sa isinagawang inspeksyon, nadiskubre na mahigit sa dalawampung kilo ng shabu ang nakapasak sa 25 piraso ng cylindrical tubes ng Sikaflex Sealant, na tinatayang may street value na P12-15 million.

Agad na inaresto ang mga suspek saka ibinigay sa pangangalaga ng Philippine National Police habang ang droga ay inilagay sa kustodiya ng Philippine Drug Enforcement Agency (PDEA) para sa kaukulang disposisyon. BENNY ANTIPORDA

LIMANG pulis ang namatay habang dalawa naman ang nasugatan matapos ambusin ng pinaniniwalaang miyembro ng New Peoples’ Army (NPA) sa Guihulngan City, Negros Oriental, kaninang Biyernes ng umaga.

Sinabi ni Col. Eliezer Losañes, commander ng 303rd Infantry Brigade ng Philippine Army, kinukumpira pa kabilang si P/Supt. Arnel Arpon, hepe ng Guihulngan City Police Station, sa mga kaswalidad habang ang apat pang pulis naman ay hindi pa nakukuha ang pagkakakilanlan.

Isinugod naman sa ospital ang dalawa pang pulis na hindi nakuha ang pangalan at ngayo’y nagpapagaling na lang sa kanilang tinamong tama ng bala.

Ikinasa na ng awtoridad ang isang hot-pursuit operation laban sa mga may 20 rebelde para pananagutin sa insidente.

Ayon sa ulat, naganap ang insidente dakong 10:30 a.m. sa isang bisinidad ng Brgy. Magsaysay, Guihulngan City.

Bago ito, inambus ng NPA si Sangguniang Panlalawigan Member Paulo Edison dela Rita kaya rumesponde ang patrol car ng mga napatay na pulis.

Pero hindi pa man sila nakakarating sa ambush site ay tinambangan din sila ng mga suspek.

Nasugatan si Dela Rita at ang kanyang driver sa motorsiklo.

Ayon kay Losañes, si Dela Rita ay kasama sa mga lumabas sa listahan ng NPA na kanilang lilikidahin. BOBBY TICZON