HINDI matanggap ng pamilya ng isang high school student ang pagpapakamatay nito nang dahil umano sa pambu-bully sa kanya ng kanya mismong guro sa bayan ng Bobon sa Northern Samar.

Napag-alamang nagpakamatay ang biktima na si Jonalyn Lagunda, 18, high school student ng Eladio T. Balete Memorial School of fisheries ng Bobon at residente ng naturang lugar.

Ayon kay P/Insp. Marianito Sabayo ng Northern Samar police, nakita na lang na nakabigti ang biktima sa loob ng kanilang banyo at wala nang buhay.

Nakita naman sa crime scene ang suicide letter ng biktima na sinisisi nito ang kanyang guro na dahilan ng kanyang pagpapakamatay.

Napag-alaman ding palaging tsinitsismis ang naturang estudyante ng kanyang guro na ito’y buntis.

Ayon sa magulang ng biktima na hindi pala-kwento ang kanyang anak sa mga problema nito.

Patuloy ding inaalam ng PNP sa Northern Samar ang kabuuang nangyari. JOHNNY ARASGA

INAASAHAN ngayon ng Philippine Atmospheric Geophysical and Astronomical Services Administration (PAGASA) na magiging bagyo ang isang low pressure area (LPA) sa bahagi ng Zambales.

Ayon sa PAGASA, posibleng maging ganap na bagyo ang naturang sama ng panahon sa loob ng isa hanggang dalawang araw.

Batay sa pinakahuling datos ng PAGASA, namataan ang nasabing LPA sa layong 370 kilometro kanluran hilagang-kanluran ng Iba, Zambales.

Dahil dito, magdudulot ang nasabing sama ng panahon ng mga pag-ulan sa mga lalawigan ng Bataan, Zambales at Mindoro. JOHNNY ARASGA

ITINUGA ng mga suspek sa pagdukot at pagpatay kay Bien Unido Mayor Gisela Boniel tungkol sa kung sino talaga ang utak sa likod ng krimen na ito.

Humarap sa isang pulong-balitaan ang pinsan ni Bohol Provincial Board Member Niño Rey Boniel na si Riolito Boniel at ang driver niyang si Randel Lupas.

Dito nila inaming si Niño talaga ang nasa likod ng pagpapapatay sa kanyang misis noong gabi ng June 7.

Kwento ni Riolito, iginapos ni Niño ang kanyang misis at saka binusalan ang bibig gamit ang duct tape, bago siya balutin ng kumot.

Ayon naman kay Lupas, iniutos ni Niño sa kanya at sa isa pang nakilala lang sa pangalang “Jay-R” na isakay na sa pump boat si Gisela.

Aniya, nagpapalag si Gisela nang bitbitin niya ito.

Binalutan muna si Gisela ng lambat na may nakatali na mga batong may bigat na nasa 30 kilo bago siya binaril.

Pagkatapos barilin ang alkalde, itinapon na ang bangkay nito sa katubigan sa pagitan ng Cebu at Bohol.

Dagdag pa ni Riolito, batid niyang nag-aaway na nga ang mag-asawa dahil sa ilang problema.

Sa ngayon ay nakadetine na ang tatlo sa Police Regional Office sa Central Visayas para masampahan ng kasong kidnapping at murder. JOHNNY ARASGA

The Government Service Insurance System (GSIS) is currently accepting applications for its enhanced GSIS Scholarship Program (GSP) for Academic Year 2017-2018. The deadline for submission of application is extended until June 23, 2017.

This year, GSIS is offering a total of 400 scholarship slots to children or dependents of active members and permanent total disability (PTD) pensioners with the lowest annual basic salary. Of the 400 slots, 40 or 10 percent are allotted for dependents of persons with disabilities, indigenous peoples, and solo or single parents.

Active members may nominate their children or dependents if they are permanent government employees, have at least three-year government service, have a salary grade of 24 or below (or its equivalent job level), and have paid premium contributions for the last six months. PTD pensioners who are below 60 years old are eligible to nominate their children as scholars .

Active members or disability pensioners may nominate scholars if they are college students in any year level in schools accredited by the Commission on Higher Education (CHED) as Levels IV and III.

Active members who are single or married may nominate one child or dependent, while PTD pensioners may nominate their children only.

GSP scholars are entitled to the actual cost of tuition and miscellaneous fees not to exceed P40,000 per academic year and a monthly allowance of Php3,000. Monetary incentives in the amount of Php20,000, Php30,000, and Php50,000 also await scholars who will graduate with Latin honors cum laude, magna cum laude, and summa cum laude, respectively.

GSP is one of the corporate social responsibility programs of GSIS. Since 1998, the program has been helping underprivileged yet deserving scholars obtain quality education from reputable schools. Dependents of low-income members and pensioners are given priority in the selection process.

SUMIRIT na sa 290 ang bilang ng namamatay sa mahigit tatlong linggong sagupaan ng mga tropa ng gobyerno at ISIS-Maute group sa Marawi City, Lanao del Sur.

Halos 60 na ang nalagas sa hanay ng pamahalaan at tinatayang 40 ang napatay ng sibilyan.

Pinakamarami namang namatay sa panig ng teroristang grupo na 191.

Tinatayang 180,000 residente naman ang apektado kabilang ang mga nagsilikas sa mga karatig-lungsod at bayan.

Samantala, hindi pa rin natatagpuan o nakakausap ang nasa 50 pulis sa Marawi City makaraang maipit sa bakbakan. -30-

NAMATAY ang dalawang sundalo habang sugatan ang anim pa nang makasagupa ng militar ang New People’s Army (NPA) sa Davao City.

Ayon kay Maj. Gen. Noel Clement, rumesponde ang Eastern Mindanao Command sa isang ulat na namataan ang ilang armadong lalaki sa Sitio Bajada sa Paquibato District.

Dito na pinaputukan ng rebeldeng grupo ang mga sundalo kaya napilitan ang mga ito na lumaban, hanggang sa umatras ang NPA.

Narekober sa lugar ang isang M653 Colt rifle na may dalawang magazine, dalawang dungle bags, electric wire, at iba pa.

Hindi naman pinangalanan ni Clement ang mga nasawing sundao dahil ipaaalam pa ito sa kanilang mga pamilya. JOHNNY ARASGA

TINIYAK ng Department of Information and Communications Technology (DICT) na sa Setyembre 16 ay bibilis na ang internet service na pino-provide ng mga telecommunications company sa bansa.

Ani DICT Sec. Rodolfo Salalima, ipinangako sa kanya ng mga kinatawan ng telecom sa dinaluhan nilang Philippine Telecommunications Summit noong unang linggo ng Marso 2017 na makaaasa ang lahat ng kanilang mga subscribers ng mas mabilis na internet sa bansa.

“I will simply follow it up and hope that by September 16, we have a fast Internet as what we did in EDSA,” ayon kay Salalima.

Binigyang-diin ni Salalima na gagawin niya sa buong bansa ang paraan sa pagkakaroon ng Wi-Fi sa EDSA.

“I formed a task force and I said to the stakeholders: MERALCO, MMDA, DOTr, the MRT, everybody who are there, I said,“I am not going to accept no from you. I want speed — high-speed Internet along EDSA, I want Wi-Fi in a months time. And we did it. We want to replicate what happened in that project and I want to employ it throughout the country. Even as now, I have a pending draft of an executive order with the Office of the President limiting the time with which the LGUs and local — other local government agencies has to act on the permits ng mga telcos for the purpose of installing and operating the services,” lahad nito.

Sinabi pa nito na 16,000 ang cell cites sa bansa na kayang-kayang ia-accommodate ang serbisyo para sa kanilang subscribers.

Iyon nga lamang aniya ay hindi maiiwasan talaga na may magreklamo na mabagal ang kanilang internet at nararanasan nila ang drop calls dahil na rin sa mga subdivisions sa Metro Manila na ayaw papasukin ang telcos sa kanilang lugar.

“Sa probinsya, 25 permits just for one cell cite, for one permit, LGU, how mu — how long does it take? Eight months or more, kung minsan wala pa,” ani Salalima.

Isang executive order aniya ang kanyang ginawa na nakatakda niyang papirmahan kay Pangulong Duterte para sa mahalagang proyektong ito.

“Tama naman si Presidente because even under Executive Order 7925, which took effect in March 1995, the country is free for anyone to enter as a third, a fourth or a fifth party operator in the country. Nandoon po ‘yon sa batas. And we are inviting… But ang sabi ko lang sa NTC, ang sabi ko, if you are going to license a third party operator, may mga third party na tayo dito but they are not of such size as to compete with the duopoly. Sabi ko, get a third party operator with a big local component and a very big partner from abroad because they have to have deep pockets to compete with the duopoly. So open po tayo,” lahad nito. KRIS JOSE

ISANG palaboy ang nalunod sa Manila bay sa Malate, Maynila matapos umanong kunin ang nahulog na bola ng basketball.

Kinilala ang biktimang si Rey Valera, 25, tubong Samar, Leyte at walang permanenteng tirahan.

Sa imbestigasyon ni PO3 Ryan Jay Balagtas ng Manila Police District (MPD)-Homicide Section, dakong 6:20 ng umaga nang maganap ang insidente sa Manila Bay sa Roxas Blvd.

Nabatid na naliligo sa nasabing ilog ang biktima nang tangkain niyang kunin ang bola ng basketball.

Gayunman, nang hindi nito kinaya pang abutin ang bola ay nagpasya na lang siyang huwag na itong kunin ngunit huli na ang lahat dahil naubusan na siya ng hangin sa dumi na rin ng tubig.

Nakita naman nila Melvin Carpio at Jacinto Manilao, volunteers ng Brgy. 701 ang nangyayari sa biktima kaya iniahon ito at dinala sa pagamutan subalit patay na rin ito. JOCELYN TABANGCURA-DOMENDEN

PITONG katao ang sugatan nang magkarambola ang anim na sasakyan sa kahabaan ng España kanto ng Blumentritt St. kahapon sa pagdiriwang ng Araw ng Kalayaan.

Kabilang sa nasangkot sa karambola ang bus, van, sports utility vehicle, pampasaherong dyip at isa pang sasakyan.

Naganap ang insidente alas-1:40 kahapon nang bumangga ang Corimba bus sa sidewalk dahilan para mahagip naman ang iba pang sasakyan at mauwi sa karambola.

Minamaneho umano ni Rigor Perse de Guerra ang naturang bus na biyaheng SM Fairview–Baclaran nang mawalan ng preno sa kahabaan ng España at minabuti na lamang nitong ibangga sa puno sa may sidewalk upang maiwasang makadisgrasya.

Bagama’t sinubukan aniya nitong gamitin ang engine break ay hindi pa rin umobra kaya bumangga naman sa iba pang sasakyan na nagresulta ng matinding pagsisikip ng daloy ng trapiko sa lugar.

Pinigil naman ng pulisya si Perse de Guerra para imbestigahan. JOCELYN TABANGCURA-DOMENDEN

INUGA ng malakas na lindol ang Greek partikular sa isla ng Lesbos at nakaranas din ng ilang pagyanig ang Istanbul sa Turkey, at sa Athens, Greece.

Ayon sa United States (US) Geological Survey, ang epicenter ng 6.3 magnitude na lindol ay 5 kilometro, timog ng South Plomari, isang probinsiya malapit sa baybayin ng Lesbos.

Nasira nag ilang mga gusali, lalo na sa Vrisa, kung saan naiulat na mayroong 10 katao ang itinakbo sa ospital.

Ang nasabing lindol ay ginanap bandang pasado alas-12 kaninang madaling-araw, oras sa Pilipinas, kung saan nagkaroon pa ng dalawang aftershocks matapos ang ilang minuto.

Base sa ilang pag-aaral ng mga eksperto, ang Turkey at Greece ay madalas na magkaroon ng ilang pagyanig nitong mga nakaraang dekada.

Matatandaang halos 51 katao ang namatay sa 6.0 magnitude earthquake sa Turkey noong March 2010.

Noong taong 1999 naman, nagkaroon ng 7.6 magnitude earthquake sa siyudad ng Izmir, Turkey kung saan halos 17,000 katao ang nadamay at nag-iwan naman ng halos kalahating-milyong nawalan ng tahanan. JOHNNY ARASGA

NALAMBAT ng mga operatiba ng Quezon City police ang notoryus na Limjoco robbery group na no. 2 most-wanted person sa Pangasinan kahapon, Hunyo 12, Lunes.

Kinilala ni Quezon City Police District (QCPD) Director, Police C/Supt. Guillermo Lorenzo Eleazar ang nadakip na si Mike Montero Limjoco, alyas Dagul, 38, ng 85 13th Ave., Brgy. Socorro, Cubao, QC.

Sa ulat, nadakip si Limjoco ng mga operatiba ng QC Cubao police station 7 sa ilalim ni Supt. Louise Benjie Tremor sa pakikipagtulungan ng Pangasinan Police sa bisa ng warrant of arrest dakong 2:30 ng hapon sa McArthur Highway malapit sa San Leon, Brgy. Hall, Umingan, Pangasinan.

Isinagawa ng mga operatiba ng Cubao police ang pagdakip sa suspek matapos makatanggap ng impormasyon hinggil sa pinagtataguan nito.

Si Limjoco ay may warrant of arrest dahil sa paglabag sa P.D. 1866 (Illegal Possession of Firearms) na ipinalabas ni Hon. Judge Bernelito Bernaldes, RTC branch 97 QC.

Ayon sa rekord, ang grupo ni Limjoco na binubuo ng limang magkakapatid ay notoryus sa motorcycle-riding robbery holdap.

Sinabi pa sa ulat na nitong nakalipas na 2014, naiugnay ang grupo ni Limjoco sa tatlong robbery holdap sa Quezon City sa kabila na nag-o-operate ito sa Quezon City simula pa noong 2009.

Bukod sa kasong robbery-holdup, may mga kaso rin itong murder kabilang ang pagpatay sa isang Chinese-Filipino businessman noong 2011 at sa vendor noong 2013 sa Cubao dahil umano sa isang alitan sa trapik.

Ayon pa sa ulat, nagpapakita na si Mike Limjoco ay dinala umano sa mental health institution dahil sa drug rehabilitation noong 2013. SANTI CELARIO

NANATILI pa ring problema sa bansa ang malnutrisyon.

Batay sa pag-aaral ng International Organization na Save the Children, ang Pilipinas ay nasa ika-96 sa listahan ng 2017 end-of-childhood index rankings.

Kabilang din ang Pilipinas sa may pinakamaraming bansot sa edad lima-pababa kung saan pang-siya ito sa rank.

Aminado naman ang Kagawaran ng Kalusugan (DOH) na malaki nga ang problema sa pangangatawan ng mga kabataan sa bansa kaya marami ang bilang ng malnourished.

Gayunman, sinabi ng DOH na hindi lamang dapat ang naturang kagawaran ang may responsibilidad upang masolusyonan ang problema sa malnutrisyon.

Kailangan umanong bigyan ng trabaho ang mga may pamilyang malnourished para mabigyan sila ng sapat na income para makabili ng mas maraming pagkain at masiguro ng nutrisyon ng pamilya.

Malaki rin umano ang papel ng Department of Agriculture (DA) na magbigay ng sapat na pagkaing abot-kaya.

Ngunit mas malaki anang DOH ang papel ng mga magulang upang mabigyan ng malusog at masiglang pangangatawan ang kanilang mga anak. JOCELYN TABANGCURA-DOMENDEN

HINDI na nakapasok pa sa opisina ang isang opisyal ng Bureau of Internal Revenue (BIR) nang pagbabarilin ng kilabot na riding-in-tandem sa Quezon City kaninang Miyerkules ng umaga.

Namatay noon din sanhi ng tama ng bala sa ulo at katawan ang biktimang si Alberto Enriquez, assessment section chief ng BIR District 28.

Sa ngayon ay tinutukoy pa ng mga tauhan ng Quezon City Police District-Criminal Investigation and Detection Unit (QCPD-CIDU) ang pagkakakilanlan ng suspek at motibo sa krimen pero isa sa sinisilip na anggulo ay may kaugnayan sa trabaho ng biktima.

Sa ulat, naganap ang insidente dakong 7:57 a.m. sa harap ng isang apartelle na katabi lamang ng gusail ng BIR sa West Ave., Q.C.

Sa pagsisiyasat ng CIDU, halos kababa pa lamang ng kanyang sasakyan ang biktima nang biglang pasadahan ng mga suspek.

Ayon kay BIR District 28 Director Marina de Guzman, hindi niya masabi kung may kinalaman sa trabaho ang pagpatay kay Enriquez.

“I was informed that the chief of assessment section of RDO 28 Novaliches was brutally killed. The guard did not allow anyone to approach the body,” ani Guzman.

Posible aniyang may nasagasaang maimpluwensyang tao si Enriquez dahil ang kanyang pangunahing trabaho sa ahensya ay tingnan ang mga trabaho ng revenue officers na sangkot sa eksaminasyon o imbestigasyon ng tax cases ng taxpayers,” dagdag ni De Guzman. BOBBY TICZON

NILINAW ng Armed Forces of the Philippines (AFP) na walang binomba at walang bobombahing mga mosque sa Marawi City kahit sinasabing dito nagtatago ang teroristang Maute group.

Sinabi ni AFP spokesman Brig. Gen. Restituto Padilla, walang balak ang AFP na bombahin ang mga mosque at sa halip ay gagamit sila ng ibang mga opsyon upang masawata ang mga terorista.

“I would like to clarify that the Armed Forces will not bomb — and I would like to read this — the mosque in the area,” ani Padilla.

Nirerespeto umano ng AFP ang mga mosque na napakasagrado para sa mga Muslim.

Pagtitiyak din aniya ng AFP, pangangalagaan pa rin ang mga mosque at iba pang kahalintulad na religious places sa gitna ng bakbakan.

Sa ngayon, maliban sa mga sibilyang human shield, ginagamit ng mga terorista ang mga mosque at mga madrasah bilang taguan at sniper positions kaya nahihirapan ang mga militar na tapusin sila at mapalaya na sa gulo ang buong Marawi City.

Una nang sinunog ng Maute terror group ang ilang bahagi ng cathedral sa Marawi at tinangay pa ang isang pari at ilang mga parishoners. BOBBY TICZON

ISANG 38-anyos na construction worker ang nasa kritikal na lagay matapos itong pagbabarilin ng riding-in-tandem Martes na gabi, June 13, sa Malabon City.

Si Crisanto dela Cruz, ng # 53 Asogue St., Brgy. Tugatog, ay dinala sa Caloocan City Medical Center dahil sa tindi ng mga tama ng bala pero agad itong ilinipat sa Jose Reyes Memorial kung saan patuloy itong ginagamot.

Ayon kina Malabon police homicide investigators PO3 Julius Mabasa at PO2 Aaron Blanco, naglalakad ang biktima sa Asogue St. pasado alas-10:45 ng gabi pauwi nang bigla itong pinagbabaril sa ng nakasalubong niyang dalawang armadong lalaki na sakay ng isang motorsiklo.

Pawang mga naka-helmet ang mga gunman na mabilis na tumakas matapos ang insidente habang isang saksi na si Joel Cuentas ang agad na nagsugod sa biktima sa ospital.

Nakarekober ang Malabon police sa pinangyarihan ng marami-raming basyo ng kalibre .45 at 9mm. pistol na ginamit ng mga suspek.

Patuloy pa rin ang follow-up operation ng mga awtoridad sa posibleng pagkakakilanlan ng mga suspek at motibo sa nasabing insidente. ROGER PANIZAL

UMABOT sa P360-milyong halaga ng shabu ang nakumpiska ng pinagsanib na puwersa ng PNP Drug Enforcement Group at PDEA RO-3 sa isang warehouse sa Tiongquiao St., BF Martinville Subd., Brgy. Manuyo, Las Piñas City.

Ayon kay PNP Dir. General Ronald dela Rosa, aabot sa 72 pakete ng may tig-isang kilong bigat ng hinihinalang shabu ang nakuha nila sa warehouse ang nakalagay sa styrofoam box na tinatakpan ng mga pinatuyong isda at mangga.

Nakuha rin ng mga awtoridad ang isang uri ng makina na pinaglagyan ng shabu para maipuslit sa papasok ng bansa.

Wala naman nang naabutang tao sa nasabing warehouse.

Nabisto ang nasabing warehouse na naglalaman ng shabu nang ituro ng isang drug transporter na una nang nahuli ng PNP na si Cheng Teho Chand na miyembro ng Lee drug syndicates.

Si Chan ay una nang nahulihan ng shabu sa nauna nilang operasyon laban sa sindikato ng droga.

Sa kabuuan, aabot na sa 125 kilo ng shabu na nagkakahalaga ng P625-milyon ang nakumpiska ng mga awtoridad sa Lee drug syndicates. JOHNNY ARASGA

INUGA ng magnitude 3.9 na lindol ang bayan ng Cortes sa lalawigan ng Surigao del Sur.

Naganap ang pagyanig alas-4:17 ng umaga ng Miyerkules (June 14) sa 18 kilometers North ng Cortes.

Ayon sa Phivolcs, may lalim na 21 kilometers ang lindol at tectonic ang origin.

Hindi naman inaasahan ng Phivolcs na magdudulot ng aftershocks ang nasabing pagyanig.

Samantala, alas-5:17 naman ng umaga nang yanigin ng magnitude 3.6 na lindol ang bayan ng Saragani sa Davao Occidental.

Ayon sa Phivolcs, naitala ang pagyanig sa 185 kilometes South ng Sarangani.

May lalim namang 9 kilometers ang lindol at tectonic din ang origin. JOHNNY ARASGA

ISA sa bawat 10 Pilipinong edad anim hanggang 24 ay hindi nakapag-aaral batay sa 2016 Annual Poverty Indicators Survey (APIS) ng Philippine Statistics Authority (PSA).

Lumabas sa 2016 APIS na 3.8-milyon ang out-of-school-youth sa bansa o 10 porsyento ng 39 na milyong Pinoy na edad 6 – 24.

Sa naturang bilang, mas marami ang babae kumpara sa mga lalaki.

Karaniwang rason ng mga hindi na nagtuloy sa pag-aaral ay maagang pag-aasawa, mataas na matrikula at kawalang interes sa edukasyon.

Sa buong bansa, 53 percent ng mga OSY ay kabilang sa mga pinakamahirap na pamilya. -30-

TIGOK ang 10 pasahero ng UV express van at sugatan ang limang iba pa sa naganap na aksidente pasado alas-5:00 ng madaling-araw sa Mahayag Tibungco sa Davao City.

Ayon sa mga awtoridad, bumangga ang nasabing van na may biyaheng Moncayo sa Compostela Valley pa-Davao sa isang 10-wheeler truck.

Kaagad binawian ng buhay ang 10 pasahero ng van na karamihan ay lalaki, dahil sa lakas ng impact ng pagbangga.

Isinugod naman sa Southern Philippines Medical Center ang mga sugatang pasahero.

Sa ngayon ay iniimbestigahan pa rin ang naturang insidente. JOHNNY ARASGA