Quantcast
Channel: Breaking News – Remate
Viewing all 14412 articles
Browse latest View live
↧

Mga plastic, bawal na sa Boracay

June 2, 2017, 12:31 am
$
0
0

IPINAHAYAG na nakatakda nang ipatupad ng Malay-local government unit ang limang taon nang batas na nagbabawal sa paggamit ng plastic sa isla ng Boracay.

Ang Municipal Ordinance No. 320-2012 ay naglalayong mabawasan ang paggamit ng plastic.

Sa ilalim ng ordinansa, mahigpit na ipinagbabawal ang paggamit at pagbebenta ng plastic bag sa mga dry goods at mabawasan ang paggamit nito sa mga wet goods.

Bawal din ang paggamit ng styrofoam.

Hinihikayat ang paggamit ng mga reusable bags, woven bags, cloth bags, paper bags at iba pang gawa sa mga biodegradable material.

May kaukulang multa na umaabot sa P1,000 – P2,500 o pagkakulong ng isa hanggang anim na buwan ang ipapataw sa sinomang lalabag.

Maliban dito, posible pa umanong makansela ang operasyon ng isang commercial establishment na lalabag sa batas.

Pinaniniwalaang makatutulong ang ordinasa sa problema sa basura sa isla ng Boracay. JOHNNY ARASGA

↧
Search

Barker utas sa parak

June 2, 2017, 12:40 am
$
0
0

UTAS ang isang jeepney barker matapos barilin ng isang pulis nang mang-agaw umano ng baril sa isang security guard ng fastfood chain sa Brgy. Talipapa, Quezon City kaninang umaga, Hunyo 2.

Kinilala ang nasawing suspek na si Alex Bautista, 51, ng 392 Quirino Highway, Brgy. Talipapa, QC, na namatay sanhi ng mga tama ng bala sa pakikipagbarilan.

Ayon kay C/Insp. Titoy Jay Cuden ng Public Information Office (PIO) ng Quezon City Police District (QCPD), naganap ang insidente sa harap ng UCPB sa Quirino Highway, Brgy. Talipapa dakong 9:54 ng umaga.

Sa ulat, tinangkang agawin ng suspek ang service firearm ng security guard ng Chowking na si Edilberto Bautista, 43.

Habang inaagaw ng suspek ang baril ay nakita ito ng pulis na si PO1 Raymond Nagal ng Navotas Police na tyempong rumonda sa lugar naat agad na rumesponde at binaril ang suspek na ikinamatay nito. SANTI CELARIO

↧
↧

Maute terrorist pics, ipinaskil sa Davao

June 2, 2017, 12:44 am
$
0
0

IPINASKIL ng Davao City Police ang mga litrato ng mga miyembro ng teroristang Maute sa Marawi City.

Maliban sa mga presinto, ipinaskil din ang mga larawan ng mga terorista sa mga terminal, daungan, at mga checkpoints ng Task Force Davao.

Sinabi ni Brig. Gen. Gilbert Gapay, spokesperson for Martial law implementation ng Eastern Mindanao Command, na may mga patong sa ulo ang mga nasabing Maute terrorist para sa mga makapagtuturo o makahuli sa kanila.

Ang mga terorista ay kinabibilangan ng Malaysian at Singaporean at may mga kasapi ng Bangsamoro Islamic Freedom Fighters (BIFF).

Kapag aniya nakitang gumagala sa pampublikong lugar ang mga terorista ay agad i-report sa kanila upang mahuli agad. BOBBY TICZON

↧

Resorts World attacker, tukoy na

June 2, 2017, 1:01 am
$
0
0

NAKILALA na ng Southern Police District (SPD) ang lalaking umatake sa Resorts World Manila sa Pasay City kaninang Biyernes ng madaling-araw.

Sinabi ni SPD Dir. C/Supt. Tomas Apolinario, hindi niya muna ibubunyag ang pangalan ng suspek na six-footer, may bigote at balbas, Caucasian looking at English speaking.

Pero hindi pa makumpirma ng PNP kung ito ay Filipino o isang banyaga.

Sa kabilang dako, nanindigan ang PNP na hindi terorismo ang nangyari dahil wala namang violence ang nangyari.

Sinabi ni PNP chief Ronald dela Rosa sa kanilang initial assessment na tila may diperensya sa pag-iisip ang nasabing suspek.

Hindi naman naniniwala si Dela Rosa na ang insidente sa Resorts World ay magreresulta sa pagdedeklara ng Martial law sa Luzon dahil wala naman itong koneksyon sa terorismo.

Hindi rin direktang sinabi ni Dela Rosa kung may natanggap ang PNP na intelligence report kaugnay sa planong pag-atake sa Resorts world.

May paalala naman si Dela Rosa sa mga restaurant at hotel owners na atasang maging alerto ang kanilang mga tauhan at kapag may nakita silang taong may kakaibang kilos ay agad ipagbigay-alam sa PNP. BOBBY TICZON

↧

Sparring-mate bilib sa lakas at bilis ni Pacquiao

June 2, 2017, 1:08 am
$
0
0

BUMILIB kay Filipino boxing champion Manny Pacquiao ang kanyang sparring-mate dahil sa lakas ng suntok at mabilis na paggalaw nito.

Sinabi ni Adrian Young na hindi malayo na mapapatumba ng fighting senator ang Australian boxer na si Jeff Horn.

Nanghula pa ito na hanggang pitong round lamang ang itatagal ni Horn sa kanilang laban sa Hulyo 2 sa Brisbane, Australia.

Dagdag pa ng 24-anyos na Mexican boxer, tiyak na mahihirapan si Horn dahil sa panunumbalik ng lakas at bilis ni Pacquiao.

Si Young ang isa sa mga pinakabagong sparring-mate ni Pacquiao na may record na 23 panalo, 3 talo, 2 draw at 18 knockouts. BOBBY TICZON

↧
↧

15-anyos, pinagtutusok ng icepick

June 2, 2017, 1:09 am
$
0
0

NASA kritikal na lagay ang isang 15-anyos na binatilyo matapos kursunadahan at pagsasaksakin ng isa sa grupo ng mga kabataan sa Caloocan City kaninang madaling-araw.

Ginagamot sa Manila Central University (MCU) sanhi ng mga saksak sa katawan ang biktimang si Renato Hernandez, ng 291 Sito 6, Brgy. Catmon, Malabon City.

Pinaghahanap naman ng mga pulis ang suspek na nakilalang si Renan Valdez alyas “Raffy”, ng D.M. Cmpd., Brgy. 73, Caloocan City.

Sa imbestigasyon ni Caloocan police P02 Wilson Jandoquile, dakong 5:30 ng madaling-araw, umiihi ang biktima sa Lapu-Lapu St., Brgy. 76 nang lapitan ito ng grupo ng kabataan kabilang ang suspek na walang sabi-sabing sinapak si Hernandez.

Dahil sa nakitang panganib sa kanyang buhay, tumakbo ang biktima subalit hinabol ito ng suspek at nang makorner ay pinagsasaksak ng icepick sa likod bago mabilis na tumakas habang isinugod naman si Hernandez ng kanyang mga kaibigan sa MCU. RENE MANAHAN

↧

Babae tiklo sa shabu

June 2, 2017, 1:14 am
$
0
0

NAARESTO ng mga tauhan Northern Police District (NPD) ang dalawang babaeng hinihinalang miyembro ng sindikato ng droga habang nakatakas naman ang kasamang lalaki ng mga ito sa buy-bust operation sa boundary ng Caloocan at Quezon City.

Kinilala ni NPD Director C/Supt. Roberto Fajardo ang mga naarestong sina Melissa Vitales, 29, ng Talisayan St., Maligaya Park, Quezon City, at Theresa Trajano, 24, ng Pilis St., Maligaya Park, habang ang kasama ng mga itong si Mikko Ferrer ay makatakas sakay puting Mitsubishi Mirrage na walang plaka.

Ayon kay Fajardo, dakong 6:00 kagabi nang magsagawa ang mga operatiba ng District Drug Enforcement Unit (DDEU) sa koordinasyon sa Quezon City Police ng buy-bust kontra kina Vitales at Trajano sa kahabaan ng Quirino Highway malapit sa boundary ng Caloocan city.

Nang iabot na ng dalawa ang plastic sachet ng shabu kapalit ng P3,000 ng pulis na poseur buyer ay agad na dinamba at inaresto ang mga ito habang bago tumakas ay pinagbabaril naman ni Ferrer ang mga pulis na naging dahilan upang tamaan si PO2 Christian Santos na hindi tinablan dahil sa suot na bullet-proof vest.

Nakumpiska sa dalawang naaresto ang sachet ng shabu, buy-bust money at pack ng shabu na nasa 35.0 gramo at tinatayang nasa P84,000 ang halaga. RENE MANAHAN

↧

Article 5

June 2, 2017, 10:13 pm
$
0
0
Muslim leaders, barangay at pulis,kapit bisig kontra iligal drugs at terror attack  
 
KAPIT BISIG ang mga Muslim leaders at Quezon City Police District (QCPD) laban sa terorismo at iligal drugs matapos ang pulong ng mga ito kaninang umaga Hunyo 3, 2017 (Sabado).
 
Kaugnay nito kabilang sa inilunsad ng QC police ay ang paglagay ng panandang “drug free” sa mga bahay sa Salaam Compound sa Brgy. Culiat,QC.
 
Ito ang napagkasunduan sa pagitan ng pinuno ng Muslim tribes mula sa Salaam compound, mga opisyal ng Barangay Culiat at QCPD sa pangunguna ni P/Chief Supt. Guillermo Lorenzo T Eleazar sa isang pulong sa Lungsod Quezon kamakalawa.
 
Sa naturang pulong nagkiisa ang mga Muslim leaders laban sa terror attacks particular sa nagaganap sa Marawi City matapos  isailalim ang buong Mindanao sa Martial Law.
 
Bunsod nito hinimok ni Eleazar ang mga lider ng iba’t ibang Muslim tribal communities sa Quezon City na tulungan ang mga  lokal na otoridad na maiwasan ang terror attacks sa Metro Manila partikular sa  Quezon City.
 
Aniya, nanawagan ang QCPD sa lahat na maging vigilante sa mga kahinahinalang estranghero sa kanilang komunidad lalo na ang mga kahon o bag na iniiwan ng mga ito sa lugar.
 
Binigyan diin ni Eleazar ang kahalagahan ng pagtalima sa proseso na ipinatutupad ng Dangerous Drugs Board (DDB) at ng Quezon City Anti-Drugs Abuse Advisory Council (QCADAAC) sa  mga clustering houses, kalye  o mga lugar sa  barangay na lalagyan ng pananda ng  “drug free ” ang mga kabahayan.
 
Ang nasabing pananda ay patunay lamang na wala ng iligal at mapanganib na  droga na droga sa Salaam compound,QC sa pakikiisa ng Muslim leaders at QCPD kabilang ang pagbantay laban sa terorismo. SANTI CELARIO

↧
Search

Suspek nang-agaw ng baril ng pulis, sugatan

June 3, 2017, 3:10 am
$
0
0
SUGATAN ang isang inaarestong suspek na pasahero ng isang motorsiklo matapos umanong mang-agaw ng baril sa isang pulis sa Quezon City kagabi Hunyo 2, 2017 (Biyernes).
 
Kinilala ni Quezon City Police District (QCPD) Director, Police Chief Superintendent Eleazar ang nadakip na suspek na si Rolly Garay, 21 ng Brgy. Sauyo,Novaliches, QC habang ang kanyang kasama na hindi pa kilala ay kasalukuyan pinaghahanap.
 
Ayon kay Eleazar naglunsad ang Novaliches Police station 4 ng Oplan Sita dakong 9:00 ng gabi sa kahabaan ng 135 Road, Brgy. Sauyo, Novaliches at sinita ang isang motorsiklo sakay ang suspek na si Garay at kasama nito.
 
Pagbaba umano ni Garay sa motorsiklo agad iniwan ito ng kanyang kasama at pinaharurot ang dalang motorsiklo, at agad inagaw umano ni Garay ang baril ni PO1 Joner Molaro ng Novaliches police station 4.
 
Subalit habang inaagaw umano ng suspek ang baril ng pulis nabaril si Garay sa kaliwang paa na agad naman isinugod sa Quezon City General Hospital .
 
Kaugnay nito nadakip naman ng Novaliches police si Raymark Danao, 23, ng Brgy. 179, Caloocan City, dakong 9:00 ng gabi kamakalawa habang nagsasagawa ng checkpoint sa Quirino Highway cor. Jordan Plains Subd., Brgy. Sta. Monica, Novaliches.
 
Nakumpiska sa suspek ang isang sumpak na may bala na  12 gauge shot gun.
Nahaharap sa kasong paglabag sa R.A 10591(Illegal Possession of Firearms) ang suspek.  SANTI CELARIO

↧
↧

PAGCOR magsasagawa ng full audit sa lahat ng casino

June 3, 2017, 3:18 am
$
0
0
DAHIL sa pangyayari sa Resortd World Manila magsasagawa ng full audit ang Philippine Amusement and Gaming Corporation (PAGCOR) sa lahat ng casino sa bansa.
 
Sinabi ni Presidential spokesperson Ernesto Abella na layunin nito na malaman ang kinikita ng mga casino upang mabigyang katuwiran ang pangangailangan na makapagpatayo o makapaglagay ng disenyo at safety protocols sa mga nasabing establisimyento.
 
“As gaming regulator, PAGCOR will do a full audit of all casinos,” ayon kay Usec. Abella.
 
Ang magiging hakbang na ito ng Pagcor ay kasunod ng nangyaring pang-aatake sa Resort ‘s World Manila (RWM) na ikinasawi ng may 37 katao.
 
Sinasabing namatay ang 37 kataong ito sa suffocation bunsod ng ginawang panununog ng lone gunman sa ikalawang palapag ng RWM.
 
Muli ay nagpahayag ng pakikiramay at pakikidalamhati ang Malakanyang sa pamilya at kaibigan ng mga nabiktima ng nasabing trahedya.
 
Tiniyak naman ni Usec. Abella sa publiko na bagama’t nangyari ang trahedya sa RW ay malugod pa ring tatanggapin ng PIlipinas ang mga dayuhan na bibisita sa bansa.
 
Kaugnay nito, umapela naman ang PAGCOR sa iba pang sangay ng casino, na tiyakin ang kaligtasan ng kanilang mga kawani at mga guest na kagagawan ng isang foreign-looking man na umano’y may sira ang pag-iisip. 
Para sa PAGCOR,  ‘isolated case’ ang nangyayaring pang-aatake sa Resorts World Manila
Ang suspek ay may balak na magnakaw at gumawa ng sunog bilang panglito sa plano nito.
Wala rin umanong katotohanan na terorismo ang motibo nito na taliwas umano sa mga naunang ulat.
Sinabi ng PAGCOR na patuloy silang nakikipagkoordinasyon sa management ng RWM at iba pang licensees at casinos, gayundin sa mga awtoridad para matiyak ang kaligtasan ng lahat ng mga bisita at empleyado. KRIS JOSE
 

↧

Pilipinas, ayaw makisawsaw sa pagkalas ng US sa Paris Agreement

June 3, 2017, 3:19 am
$
0
0
AYAW makisawsaw ng Malakanyang sa naging desisyon ni US President Donald Trump na kumalas mula sa Paris Agreement.
 
Ang katuwiran ni Presidential spokesperson Ernesto Abella, domestic matter ng Estados Unidos ang bagay na ito.
 
“We understand that this decision is part of the campaign promise of President Trump to the American people. So it is an issue that has to be resolved by them and its effect on the community of nations,” ayon kay Usec. Abella.
 
Sakali man aniya na may magiging epekto ang desisyong ito ni Pres. Trump ay malalaman aniya ito sa mga susunod na taon.
 
Sa ulat, matigas ang naging desisyon ni Pres. Trump na kumalas  na ang US sa Paris Climate Pact.
 
Ayon kay U.S Envoy for climate change at kilalang philanthropist na si Michael Bloomberg, nagkaisa ang mga state governors, city mayors at malalaking kumpanya na suportahan ang kasunduan sa kabila ng desisyon ni Trump.
 
Nangako din si Bloomberg na maglalaan siya ng $15 Million para suportahan ang kampanya laban sa greenhouse gas emission.
 
Inihahanda na rin ng mga ito ang isang “statement of support,” na isusumite nila sa United Nations.
Base sa ulat, aabot sa 30 mayors, 3 governors at mahigit 89 university presidents at 100 negosyo ang nagpahayag ng suporta sa grupo ni Bloomberg.
Ang Paris Climate accord ay naglalayong bawasan ang gas emissions na malaki ang kontribusyon sa global warming ng hanggang 26% sa loob ng 20 taon o pagsapit ng taong 2015.
Ang Estados Unidos ay pumapangalawa sa mga bansa sa daigdig bilang “greenhouse gas emitter” kasunod lamang ang China. KRIS JOSE
 

↧

Death toll sa Marawi Clash sumirit na sa 177

June 3, 2017, 3:20 am
$
0
0

IPINAHAYAG  ni AFP Spokesman Brig. Gen. Restitulo Padilla na umakyat na sa 36 ang namatay sa tropa ng gobyerno kasunod ng sablay na airstrike ng militar na pumatay sa 10 sundalo.

Wala naman aniyang ulat sa bilang ng mga nasugatang sundalo sa sablay na airstrike.

Idinagdag pa ni Padilla na nananatili pa rin sa 19 ang bilang ng mga sibilyang namatay sa bakbakan ng militar at Maute group.

Kabuuang 1,024 na mga sibilyan ang nailigtas, mahigit pitumpung libong residente ang inilikas o displaced habang 98 armas ang narekober mula sa mga kalaban ng militar.

↧

Seguridad sa NAIA, MRT lalong hinigpitan

June 3, 2017, 3:23 am
$
0
0

LALONG hinigpitan pa ang seguridad na ipinatutupad ngayon sa Ninoy Aquino International Airport at Metro Rail Transit o MRT-3 bunsod ng nangyaring pag-atake sa Resorts World Manila.

 Ayon kay MIAA o Manila International Airport Authority General Manager Ed Monreal, kasalukuyang naka-heightened alert na ang mga security personnel ng paliparan.

 Humingi din ng paumanhin si Monreal sa mga biyahero kaugnay ng bahagyang pagkakaantala dahil sa inilalatag na seguridad sa NAIA.

 Samantala, karagdagang security guards, sundalo at K-9 units naman ang idineploy sa MRT-3.

↧
↧

Pamilya ng mga namatay sa RWM attack, may P1M

June 3, 2017, 8:10 pm
$
0
0

MAKATATANGGAP ng tig-iisang-milyong piso ang bawat pamilya ng mga namatay sa pag-atake sa Resorts World Manila.

Ayon kay Resorts World Chief Operating Officer Stephen Reilly, bagaman hindi na maibabalik ang buhay ng 38 biktima, umaasa silang makatutulong ang nabanggit na halaga sa pangangailangan ng mga naulilang pamilya.

Magugunitang nitong Huwebes ng gabi ay pinasok ng nag-iisang suspek ang casino at nanunog ng mga gambling table kaya’t nabalot ng usok ang ilang bahagi ng gusali dahilan upang mamatay sa suffocation ang ilang empleyado at guest.

“We are releasing financial assistance to the victims and families to address their immediate needs. On top of the funeral and burial assistance, we are sending P1-million to each of the families of the deceased. We lost so many lives because of this senseless act. We hope that we will be able to help the affected families especially in this difficult times,” pahayag ni Stephen Reilly, Chief Operating Officer ng Resorts World Manila. JOHNNY ARASGA

↧

Cong. Dalog, pumanaw sa sakit sa bato

June 3, 2017, 8:19 pm
$
0
0

PUMANAW na si Mountain Province Rep. Maximo Dalog bandang alas-2:00, Sabado ng madaling-araw, sa Manila Hospital.

Sa ulat, nagsimulang ma-ospital ang kongresista sa National Kidney and Transplant Institute (NKTI) nang magkaroon ng komplikasyon ang kanyang transplanted kidney.

Sa ngayon, wala pang inilalabas na pahayag ang pamilya Dalog.

Nakilala si Dalog sa House Bill 6034 na nagbabawal ng pagpapabayad ng mga kumpanya ng bus sa mga pasahero na gagamit ng toilet at iba pang serbisyo sa terminal.

Tatlong magkakasunod na eleksyon nanalo si Dalog simula noong 2010. -30-

↧
Search

Alaska niyanig ng magnitude 6.8 quake

June 3, 2017, 8:28 pm
$
0
0

INUGA ng magnitude 6.8 na lindol ang Alaska.

Ayon sa US Geological Survey, natukoy ang sentro ng lindol sa layong mahigit 199 na kilometro hilagang-kanluran ng Attu, ang pinakamalaking volcanic island sa Alaska.

May lalim ang naturang pagyanig na 10 kilometro.

Inaalam pa ng mga awtoridad kung may napinsala sa naturang pagyanig. -30-

↧

Obrero tigok sa kuryente, napugutan pa

June 3, 2017, 8:36 pm
$
0
0

NAGING kahindik-hindik ang pagkamatay ng isang construction worker matapos na mahulog, makuryente at mapugutan pa sa Brgy. Salvacion sa bayan ng Daraga, Albay.

Kinilala ang biktimang si Glenn Joy Buela, 22, ng Brgy. Putiao, Pilar, Sorsogon.

Ayon sa katrabaho ng biktimang si Reggie, kukuha sana si Buela ng isang balde ng hinalong semento ng mawalan ito ng balanse at sumabit sa linya ng kuryente.

Laking gulat nila nang biglang magliyab na ang live wire maging ang katawan ng biktima kung kaya agad silang tumalon mula sa ginagawang beam ng covered court na may taas na pitong metro sa takot na baka madamay.

Agad ding itinakbo sa ospital ang isa pa nilang katrabaho na si Jay-R Lorenzana na nagkaroon ng mga sugat mula sa pagkakabagsak.

Dagdag ni Reggie, sumabit pa sa bakod ang katawan ni Buela bago tuluyang mahulog sa lupa na posibleng dahilan ng pagkakahiwalay ng ulo nito sa katawan.

Natagpuan ang katawan ng biktima sa labas ng covered court habang nasa loob naman ng gusali ang ulo nito.

Samantala, ayon sa operations chief ng Albay Power and Energy Corporation (APEC) na si Roger Altiche, sumabit sa primary line ang biktima kaya pumasok sa katawan nito ang 13,200 volts ng kuryente.

Magkakaroon din aniya sila ng pagpupulong sa contractor ng proyekto upang maresolba ang sitwasyon na posible umanong maharap sa reklamo ang Numerical Gate Construction And Supply Corp. dahil sa paglabag sa safety measures ng Department of Labor and Employment (DOLE).

Sa ngayon, patuloy ang kanilang isinasagawang imbestigasyon patungkol sa nasabing insidente. JOHNNY ARASGA

↧
↧

Misis ng Pampanga congressman, namatay sa RW tragedy

June 3, 2017, 8:46 pm
$
0
0

NAPABILANG din ang misis ni Pampanga Rep. Aurelio “Dong” Gonzales si Elizabeth Gonzales sa mga namatay sa insidente sa Resorts World Manila.

Ayon kay Pasay City Rep. Imelda Calixto-Rubiano, nagtungo siya sa Veronica Funeral Homes sa Pasay City upang hanapin ang mga kamag-anak ni Gonzales at kumpirmahin ito ngunit wala itong nakitang sinomang kamag-anak ng nauna.

Una rito, nasa Northern Luzon trip si Cong. Gonzales nang mangyari ang insidente sa hotel.

Bago pa man ito, kinumpirma ni House Majority Leader Rodolfo Fariñas sa mga mamamahayag ang naging text message sa kanya ni PNP chief Dir. Gen. Ronald dela Rosa.

“Text of PNP chief Dela Rosa to me, I asked for his help this noon to locate Mrs. Gonzales: Sir, positive, wife of Rep. Dong Gonzales of Pampanga is Elizabeth Panlilio Gonzales – died in the incident,” ani Fariñas sa message ni Dela Rosa.

“We are still looking for her sister, Consolacion P. Mijares. No report yet.” -30-

↧

Binasted nagbigti

June 3, 2017, 8:59 pm
$
0
0

LAOAG CITY – Dahil sawi sa pag-ibig, nagbigti ang isang binata sa Brgy. Navotas, Laoag City kaninang madaling-araw, June 3.

Nakilala ang biktimang si Joven Arcangel, 18, ng nasabing barangay.

Sa salaysay ng ina ng biktimang si Mary Dhel Arcangel, nakita ang bangkay ni Joven na nakabitin sa ilalim ng puno ng mangga dakong 2:30 ng madaling-araw.

Sinabi ng ina ng biktima, may nabasa siyang text message ng isang babae na nagsabing magpakamatay na lang ito (biktima) kaysa sa sagutin niya sa panliligaw.

Ayon pa sa ina, bago nakita ang bangkay ng biktima, nakita pa nga ito na nakikipag-usap sa kanyang mga pinsan ngunit pagdating ng gabi ay hindi ito umuwi hanggang sa nakita nilang nakabitin.

Sa ngayon, patuloy ang ginagawang follow-up investigation ng Laoag City police hinggil sa insidente. ALLAN BERGONIA

↧

Speaker Alvarez, iginiit na terorismo ang RW incident

June 3, 2017, 9:09 pm
$
0
0

HINDI kuntento si House Speaker Pantaleon Alvarez sa pahayag ng Philippine National Police (PNP) na hindi kagagawan ng terorista ang insidente sa Resorts World Hotel kundi ng isang kriminal at arsonista lamang.

“At this point, I disagree with the conclusion reached by law enforcement authorities that the Resorts World incident was not a terrorist act but rather a criminal case of armed robbery and arson.”

Kung susuriin aniyang mabuti ay isa itong “lone wolf” terrorist attack na ang inatake ay mga sibilyan kagaya ng mga nagaganap sa ibang bansa.

Payo ni Alvarez sa PNP, makabubuting tipunin muna ang lahat ng ebidensya at ilatag ang mga kailangang security measures upang hindi na ito maulit pa.

Kasabay nito, nakiramay din ang speaker sa lahat ng naulila ng may 37 biktima na ang mga ikinasawi ay paglanghap sa usok mula sa pagsusunog ng nag-iisang suspek.

Binanggit din ni Alvarez na napasama sa mga nasawi ay si Ginang Elizabeth Panlilio Gonzales, asawa ni Pampanga Rep. Aurelio Gonzales.

“We express our profound sorrow that innocent people, including Mrs. Gonzales, lost their lives in this unspeakable tragedy. But we should not let this instill fear among the citizenry.”

Maging si Makati City Rep. Luis Campos, Jr. ay nagsabing hindi katanggap-tanggap ang pagkasawi ng mga biktima.

Kinalampag din nito ang lahat ng mga establisyimento at mga casino na repasuhin ang mga security measures at emergency exits upang agad maisagawa ang paglilikas sakaling may mga sakuna naangangailangan ng agarang evacuation.

“We are undeniably living in dangerous times, so we are counting on all establishments to constantly review and upgrade their security plans and emergency preparedness, especially their procedures in safely evacuating patrons and staff to avoid a repeat of the tragedy,” ani Campos.

Dapat aniyang pakinggan ng mga security personnel ang panawagan ni PNP Chief Ronald Dela Rosa na agad tumawag sa mga awtoridad at huwag nang pagtangkaang itago ang mga insidenteng katulad ng sa RWH. MELIZA MALUNTAG

↧
Viewing all 14412 articles
Browse latest View live
Search
<script src="https://jsc.adskeeper.com/r/s/rssing.com.1596347.js" async> </script>