Quantcast
Channel: Breaking News – Remate
Viewing all 14412 articles
Browse latest View live
↧

Suplay ng tubig, ilaw sa pabahay sa Davao, tiniyak

May 19, 2017, 1:58 am
$
0
0
TINIYAK ni Pangulong Rodrigo Roa Duterte na may suplay ng tubig at  kuryente sa housing project na lilipatan ng mga residente ng Tugbok sa Davao City.
 
Sa isinagawang groundbreaking  ceremony ng Biyaya ng Pagbabago Housing Project  Km. 22, Brgy. Los Amigos  Tugbok Dist., Davao City ay pinakiusapan naman nito ang mga taong ookupa ng nasabing unit na huwag ibenta ang igagawad na unit.
 
Idadadan aniya niya sa lottery ang paggawad ng mga  housing unit sa mga residente.
 
Sinabi pa rin niya na sa loob ng 18 buwan ay matitirhan na ang ‘ Biyaya ng Pagbabago Housing Project’.
 
“I hope this  project will go along way to help Filipinos,” ayon kay Pangulong Duterte.
 
Sa kabilang dako, pinasaringan naman nito ang NPA na itinigil na ang pag-atake at sa halip ay makiisa sa kaayusan at kapayaan sa bansa.
 
Sinabi pa nito na hangga’t  hindi pumipirma si Communist Party of the Philippines (CPP) founding chair Jose Maria Sison sa bilateral ceasefire ay tuloy ang operasyon ng tropa ng sundalo laban san pa.
 
Ang pangako naman nito kay Joma Sison ay hindi niya ipaaaresto sa oras na bumalik ng bansa lalo pa’t may sakit.
 
Sinabi pa niya na ang buwis ng bayan ay ibabalik niya sa bayan at hindi aniya niya papayagan ang korapsyon sa ilalim ng kanyang liderato.
 
Tinuran pa niya na kailangan lamang na masawata ang illegal na droga na bumibiktima sa mga kabataan dahil sa pagtanda aniya ng mga magulang ay ang kanilang mga anak ang mag-aalaga sa mga ito.
 
Aniya, ang mga magulang aniya ay hindi nagrereklamo sa kanilang mga sakit dahil ayaw ng mga ito na makadagdag pa sa problema ng kanilang anak.
 
“Ayoko mabalita na sa panahon ko, the Philippine deteriorated because I do not do anything,” diing pahayag nito.
 
Samantala, muling binalaan nito ang mga durugista na magbagong-buhay na dahil kukunin niya ang mga atay nito at kanyang isasawsaw sa suka.
 
“Ganyan ako kagalit sa droga,” anito. KRIS JOSE
 
 

↧
Search

Roxas Boulevard sarado bukas

May 19, 2017, 2:08 am
$
0
0

ISASARA bukas ,May 20 ang ilang bahagi ng Southbound lane ng Roxas Boulevard para sa gaganaping funrun ng Philippine Navy sa kanilang ika 199th anniversary.

Sa inilabas na traffic advisory ng MPD Traffic Bureau, sarado sa mga motorista ang Southbound ng Roxas Blvd mula TM Kalaw hanggang P. Ocampo St. pagpatak ng alas-3 ng hapon.

Pinayuhan naman ang mga sasakyan na manggagaling sa Bonifacio Drive na kumaliwa na lamang sa P. Burgos papunta sa destinasyon.

Habang ang mga sasakyang mula sa Jones bridge, McArthur at Quezon bridge ay sa Taft Avenue na lamang dadaan.

Sa mga magmumula sa westbound lane ng P. Burgos Ave, kumanan sa Bonifacio Drive o mag u –turn sa eastbound lane ng P. Burgos.

Gayundin ang mga manggagaling sa westbound ng TM Kalaw, kumaliwa sa MH Del Pilar St. Pinapayuhan naman ang mga magmumula sa westbound ng UN Ave na kumaliwa sa MH Del Pilar st o dumaan sa Roxas blvd Service Road.

Samantala ang mga motoristang manggagaling sa Westbound lane ng Pres Quirino Ave, kumaliwa sa Adriatico St. patungo sa destinasyon. JOCELYN TABANGCURA-DOMENDEN

↧
↧

5 Korean dinampot ng NBI dahil sa Illegal Gambling

May 19, 2017, 2:08 am
$
0
0

LIMANG Korean national ang dinakip ng mga operatiba ng National Bureau of Investigation (NBI) dahil sa pag-ooperate ng illegal na online gambling sa Valle Verde, Pasig City.

Isinagawa ng NBI-Cybercrime Division kasama ang Pasig Police ang operasyon sa bisa ng search warrant kung saan inabutan ang mga suspek na sina:

CHEONJI KIM

ILHWAN YANG

WONSUP YANG

JEONG HYEOK KIM

MOON KYU KANG.

Ang mga nabanggit na dayuhan ay nag-ooperate umano ng online sports betting, sports toto, at online casino.

Nagagamit umano ng mga suspek ang ganitong modus sa money laundering.

Madalas na sa mga exclusive subdivision nila ito isinasagawa upang makapagtago sa law enforcement agencies ng pamahalaan.

Nahaharap sa paglabag sa Republic Act 10175 o cybercrime prevention act of 2012 ang mga banyaga at  posibleng makulong ng hanggang sa labindalawang taon kapag napatunayang nag-kasala. JOCELYN TABANGCURA-DOMENDEN

↧

Meeting ni P. Duterte at Russian President Putin, kasado na

May 19, 2017, 2:21 am
$
0
0
NAKAKASA na ang bilateral meetings ni Pangulong Rodrigo Roa Duterte sa mga Russian officials sa pangunguna ni Russian President Vladimir Putin.
 
Sa Pre-Departure Briefing sa New Executive Building (NEB), Malakanyang ay sinabi ni DFA Assistant Secretary Maria Cleofe Natividad ng DFA Office of European Affairs  na ang bilateral meetings sa pagitan nina Pangulong Duterte,  Prime Minister Medvedev at President Putin ay magaganap sa darating na Miyerkules, Mayo 24 at 25, o una at ikalawang araw ng pagbisita ng Punong Ehekutibo sa Russia.
 
Pag-uusapan nina Pangulong Duterte at Prime Minister Medvedev ang mahahalagang usapin  at areas of cooperation at economic partnership habang ang pag-uusapan naman nina Pangulong Duterte at President Putin ay may kinalaman sa ‘cooperation in political, military and defense’.
 
Posibleng kasama aniya sa agreement on military technical cooperation  ang pagbili ng military procuremenht ng Pilipinas sa Russia.
 
Samantala, ilang kasunduan naman ang nakatakdang lagdaan at ito ayon kay Asec. Natividad ay may kinalaman sa defense cooperation, military at technical cooperation;  treaty on mutual legal assistance in criminal matters; treaty on extradition;  MOU on cooperation in the field of security between respective national security councils’.
 
“And there is really nothing that would stop Russia from participating in the modernization program, defense modernization program of the Philippines.
 
And Secretary Lorenzana has already mentioned that the Philippines is looking for partnership with countries wherein we can get the best deals and also the ones that would be most compatible with the defense and needs of the Philippines especially in the aspect of interoperability,” lahad nito.
 
Makikipagkita si Pangulong Rodrigo Roa Duterte sa Filipino community sa Russia na itunuturing niyang ‘very strong supporters’ nito.
 
Sinabi ni Asec. Natividad na sa  ikalawang araw ng pagbisita ni Pangulong Duterte sa Russia magaganap ang nasabing pagkikita.
 
“The President is going to meet the Filipinos not only in Moscow but in the other nearby countries bordering Russia. And we understand that they are very strong supporters of the President and they are eagerly awaiting to hear from the President the developments in the Philippines and for that meeting to provide also a venue for them to express the needs on how the Philippine government can further reach out to our overseas Filipinos in Russia,” ayon kay Asec. Natividad.
 
Sa hotel aniya idaraos ang meet and greet ni Pangulong Duterte sa kanyang mga supporters.
 
Posibleng idaos ito sa Four Seasons Hotel.
 
Bukod sa pakikipagkita sa Filipino community ay pupunta rin si Pangulong Duterte sa St. Petersburg, bibisitahin din niya ang isang military shipyard at pagkatapos ay magkakaroon ng business forum. KRIS JOSE
 

↧

VMMC nakitaan ng paglabag sa RA 9153

May 19, 2017, 2:21 am
$
0
0
HINDI lamang nanganib ang buhay ni dating Pangulong Gloria Macapagal-Arroyo sa sakit niya na lumalala habang naka-hospital arrest kung di sa posibilidad na makulong kung nagkaroon ng sunog sa Veterans Memorial Medical Center (VMMC).
 
Lumabas sa ulat ng Commmission on Audit na nabigo ang VMMC na makatupad sa probisyon ng Republic Act No. 9153 o and Fire Code of the Philippines.
 
Batay sa 2016 annual audit report ng COA, ang VMMC ay nagkaroon ng seryosong paglabag sa Fire.
 
Ang VMMC  ay tumatanggap ng pondo mula sa United States government bilang bahagi ng medical assistance sa mga beteranong Pilipino.
 
“This is an alarming situation especially in the hospital considering the  evacuation and transfer of sick and immobile patients in times of emergencies,” ayon sa COA.
 
Apat na taong naka-hospital arrest sa VMMC si GMA habang naghihintay na dinggin ang kaniyang kaso sa plunder kaugnay ng umano’y maling paggamit sa P366 milyong intelligence at confidential funds ng Phiilippine Charity Sweepstakes Office.
 
Nitong 2016 ay tuluyan ng pinawalang sala ng korte suprema si GMA.
 
Bukod kay GMA ay nanatili rin sa VMMC si dating pangulong Joseph Estrada noong 2001.
 
“Measures against perils of fire and other emergencies are not in place, contrary to Rule 10 of the Implementing Rules and Regulations of Republic Act 9154, thus, exposing to danger the lives of personnel and patients as well as properties of VMMC,” banaggit pa sa COA report.
 
Sinabi rin sa ulat na kulang ang mga alarm systems at fire exits sa VMMC bukod pa sa nahaharangan ang ilan nito para sa dagliang paglabas ng mga posyente at empleado ng ospital sakaling magkaroon ng sunog.
 
 “Every exit should be clearly visible,” batay pa rin sa ulat ng COA. MELIZA MALUNTAG

↧
↧

3 karnaper, 2 riding-in-tandem utas sa shootout

May 19, 2017, 2:26 am
$
0
0
TIGBAK ang tatlong karnaper at dalawang riding-in-tandem holdaper sa magkahiwalay na shootout sa pagitan ng mga operatiba ng Quezon City police sa naturang lungsod kagabi Mayo 18, 2017 (Huwebes).
 
Ayon kay Quezon City Police District (QCPD) Director, Police Chief Superintendent Guillermo Lorenzo T Eleazar ang isa sa napatay na suspek ay nakilalang si Jessie Tan,41 ng  Brgy. Tandang Sora,QC  at ang kanyang dalawang kasamahan na lalaking suspek na hindi pa nakikilala ay inilarawan na nasa 35 hangang 40 anyos, 5’2 ang taas, kayumanggi ang balat, katamtaman ang katawan, may tattoo ng agila sa kanyang likod at boxing gloves na tattoo sa dibdib, may suot na jacket at camouflage short, habang ibang suspek ay nasa pagitan ng 40 hanggang 45 taong gulang , 5’5 ang taas, kayumanggi ang balat, at may mga tattoo sa kanyang katawan, nakasuot ng itim na jacket, maong short pants at rubber shoes.
 
Ayon sa ulat ng Quezon City Police sumakay ng taxi ang tatlong suspek sa P-Four taxi (UWK-806) na minamaneho ng isang Allan ESta ng Kasiglaan Village, Brgy. San Jose Rodriguez, Rizal sa Katipunan Avenue at tinutukan ng baril ang biktima at puwersahang kinuha ang minamaneho nitong taxi dakong 10:00 ng kagabi at ibinaba ang driver ng taxi sa Matimpihin St., cor. V. Luna Avenue, Brgy. Pinayahan.
 
Agad humingi ng tulong ang driver sa mga nagpapatrulyang mobile pulis ng Kamuning Police station 10 at agad na itinawag ang insidente sa District Tactical Operation Center (DTOC) at inalarma ang ibang unit ng pulis.
 
Nabatid pa sa ulat na dakong 11:00 ng kagabi nakatanggap ng tawag ang DSOU Anti-carnapping Section sa isang telephone call mula sa concerned citizen na nagsasabi na isang puting taxi ang binabaklas ng tatlong lalaki sa lugar ng Neopolitan Business Park sa kahabaang ng Bellpass Rd., malapit sa cor. Mindanao Ave., Ext. Brgy., Greater Lagro. 
 
Dalawang team ang pinadala ng DSOU sa pangunguna ni Police Chief Inspector Hector Ortencio at Police Senior Inspector  Ernesto Santos sa lugar.
 
Agad namataan ng mga suspek ang mga papalapit na pulis sa lugar at pinaputukan ang mga pulis ng mga suspek, gumanti naman ng putok ang mga pulis na nagresulta ng pagkasawi ng mga suspek.
 
Samantala sa hiwalay na pangyayari habang ang team ni Senior Inspector Santos ay nakapuwesto sa IBP Road cor., Everlasting Street, Brgy. Payatas habang nagsasagawa ng monitoring at posibleng dragnet operation.
 
Nakabarilan ng kanilang grupo ang motorcycle riding-in-tandem holdaper suspek na sina Emery Bryan Flores, 37, ng Pilot Area, Brgy. Commonwealth at ang kanyang hindi pa kilalang kasama na may taas na 5’5, katamtaman ang katawan, kayumanggi ang balat ang may tattoo na mukha ng demonyo sa kaliwang balikat.
 
Ayon sa ulat dakong 12:00 ng madaling-araw kanina hinablot ng mga suspek ang bag na naglalaman ng cellphone, pera at personal na kagamitan ng biktimang isang 22-anyos na travel agent na si Jessabel Ranido habang pauwi sa kanilang bahay.
 
Nanlaban ang biktima subalit tinutukan siya ng baril ng mga suspek nakita ng mga pulis ang pangyayari kaya hinabol ng mga ito ang Suzuki Smash motorcycle ng mga suspek na for registration pa lamang ang plaka.
 
Nakorner ang mga suspek sa Kalinisan Ext. corner Masbate St., Brgy. Batasan subalit nagpaputok ang mga suspek subalit gumanti naman ng putok ang mga pulis na ikinasawi ng suspek na si Flores at kasama nito. SANTI CELARIO
 

↧

10 bandido lagas sa bakbakan sa Sulatan Kudarat

May 19, 2017, 10:53 pm
$
0
0

SAMPUNG pinaniniwalaang miyembro ng Bangsamoro Islamic Freedom Fighter (BIFF) ang nalagas samantalang walo naman ang sugatan sa bakbakan na naganap sa bayan ng Isulan sa Sulatan Kudarat.

 Sa ulat ni 33rd Infantry Battalion Commander Lt. Col. Harold Cabunoc, nagpapatrulya umano ang kanyang mga tauhan sa Barangay Bual sa bayan ng Isulan ng bigla silang pagbabarilin ng mga armadong kalalakihan.

Kaagad na gumanti ng putok ang mga sundalo na nagresulta sa kamatayan ng sampung suspek at pagkasugat ng walong iba pa sa kanilang mga kasamahan.

Arestado rin ang sinasabing isa sa mga lider ng grupo na si Abdul Magid Logioman alyas Black Moro.

Isang miyembro naman ng Division Recon Company ang sugatan na kinilalang si Sgt. David Desiderio.

Bago ang naganap na barilan ay nakatanggang ng tip ang grupo ni Cabunoc kaugnay sa pag-iikot ng ilang mga armadong kalalakihan sa Barangay Bual.  JOHNNY ARASGA

↧

Ginebra pinadapa ng Rain or Shine

May 19, 2017, 10:59 pm
$
0
0

PINADAPA ng Rain or Shine ang Barangay Ginebra sa score na 118-112 sa kanilang bakbakan sa PBA Commissioner’s Cup sa Cuneta Astrodome noong Biyernes ng gabi.

Kumamada si James Yap ng 15 points habang nagdagdag si Duke Crews ng 28 points at 19 points naman mula kay Jericho Cruz sa panalo ng Elasto Painters.

Pagsapit ng ika-apat na quarter ay inabot ng tatlong minuto ang Rain or Shine bago nahabol ang sampung (10) puntos na kalamangan ng Ginebra at naipanalo ito sa dulo ng laro.

Samantala, naging maganda naman ang pagbabalik ni June Mar Fajardo sa San Miguel matapos ilampaso ng Beermen ang NLEX Road Warriors sa score na 114-108.  JOHNNY ARASGA

↧
Search

Alyssa Valdez, Mika Reyes paparada sa nat’l volleyball team sa SEA Games

May 19, 2017, 11:01 pm
$
0
0

SINA Alyssa Valdez, Mika Reyes at Jovelyn Gonzaga ang mangunguna sa 18-woman Philippine volleyball lineup na sasabak sa 29th Southeast Asian Games (SEA Games) na gaganapin sa Kuala Lumpur, Malaysia sa Agosto.

Ang line-up ng national squad ay inanunsiyo ng Larong Volleyball sa Pilipinas, Inc. (LVPI)  president Joey Romasanta, vice president Peter Cayco at head coach Francis Vicente.

Ang iba pang miyembro ng powerhouse team ay sina Rachel Anne Daquis, Jaja Santiago, Denden Lazaro, Aiza Maizo-Pontillas, Maika Ortiz, Rhea Dimaculangan, Aby Maraño, ang La Salle stars na sina Dawn Macandili at Kim Fajardo, at sina Gen Casugod, Frances Molina, Roselle Baliton, Kath Arado, Ria Meneses at Lourdes Clemente.

Sina Daquis, Santiago, Lazaro, Maizo-Pontillas, Ortiz, Dimaculangan at Maraño ay pawang mga  miyembro rin ng Philippine SEAG team, dalawang taon na ang nakararaan.

Si Reyes ang tatayong team captain. BOBBY TICZON

↧
↧

CPP chair Joma Sison, may bone marrow disease – Pang. Duterte

May 19, 2017, 11:01 pm
$
0
0

IBINULGAR ni Pangulong Rodrigo Duterte na malubha na ang sakit ni Communist Party of the Philippines (CPP) Founding Chairman Jose Maria Sison.

 Ayon sa Pangulo, mayroong rare bone marrow disease si Sison kaya’t ito aniya ang dahilan kaya’t nais niyang makauwi na sa Pilipinas.

 Tiniyak ng Pangulo kay Sison ang kaligtasan at kalayaan nito dito sa bansa.

 Kasabay nito ay aakuin din ng Pangulo ang bayad sa pagpapa-ospital dito sa bansa ni Sison.

 Matatandaang Enero ng na-ospital sa Oslo , Norway si Sison kung saan ay hindi na ito nakadalo sa closing ng 3rd round ng peacetalks sa Rome, Italy.

Taong 1986 nang mag-exile sa the Netherlands si Sison.

Samantala hindi ititigil ng gobyerno ang military operations laban sa NPA o New People’s Army hangga’t hindi pumipirma sa bilateral ceasefire si CPP Founding Chairman Jose Maria Sison.

Inihayag ito ni Pangulong Rodrigo Duterte matapos pangunahan ang groundbreaking ceremony ng isang housing project sa Davao City.

Sinabi ng Pangulo na may problema sa hanay ng NPA kaya’t malaking hamon ang pakikipag-usap sa mga ito sa negotiating table.

Ayon sa Pangulo, inamin sa kanya ng ilang communist leader sa isang dinner sa Malakanyang na hindi nila kontrolado ang kanilang field commander kaya’t sa kabila ng peace talks ay may nagaganap pa ring mga bakbakan.

Bunsod nito, sinabi ng Pangulo na hangga’t hindi narerendahan ng kilusang komunista ang kanilang mga tauhan ay tuloy-tuloy ang opensiba laban sa mga ito.JOHNNY ARASGA

↧

Bohol province, nilindol

May 19, 2017, 11:03 pm
$
0
0

TUMAMA ang magnitude 5.6 na lindol sa Bohol province kaninang Sabado ng umaga, ayon sa ulat ng Philippine Institute of Volcanology and Seismology (Phivolcs).

Ang lindol ay naramdaman dakong 9:06 a.m, na ang epicenter ay nasa 28 kilometers southwest ng Lila, Bohol at may lalim na 551 kms.

Sinabi ng Phivolcs na tectonic in origin ang lindol at tumama sa karagatan ng naturang lugar.

Samantala, naramdaman ang Intensity 1 sa Catbalogan, Samar at sa Borongan, Eastern Samar.

May aasahan pa umanong mga aftershock ang lindol.

Mas malakas naman ang tyansa ng United States Geological Survey dahil nasukat nila ang lindol sa magnitude 5.9, at ang epicenter nito ay 33 kilometers mula sa Tagbilaran City.

Habang isinusulat ang balitang ito, wala pang naitatalang danyos sa paglindol. BOBBY TICZON

↧

PNP huhuli sa ‘smoking ban violators’

May 19, 2017, 11:05 pm
$
0
0

MISMONG mga tauhan ng Philippine National Police (PNP) ang naatasang manghuli sa mga smoking ban violators sa buong bansa.

Ito ang nakasaad sa probisyon ng Executive Order 26 na hindi lang ang paninigarilyo sa mga pampublikong lugar ang dapat na hulihin.

Saklaw din sa dagdag-responsibilidad ng mga pulis ang tutukan ang mga establisyimento, mga retailer store at maging mga kilalang ‘takatak boys’ na magbebenta ng sigarilyo sa mga menor de edad.

Maliban sa mga kagawad ng PNP, binibigyan din ng direktiba ang Task Force Smoke-Free ng bawat munisipalidad at lungsod na ipatupad ang naturang EO.

Batay sa probisyon ng Republic Act 9211, multang P5,000 o pagkakulong ng hindi hihigit sa 30-araw ang magiging parusa sa sinomang lalabag sa nilagdaang executive order. BOBBY TICZON

↧

De Lima, duda sa pagpapalaya kay Lt. Col. Marcelino

May 19, 2017, 11:08 pm
$
0
0

MALAKI ang pagdududa ni Sen. Leila de Lima na may kinalaman sa kanya ang pag-atras ng Department of Justice (DOJ) sa kaso laban kay Lt. Col. Ferdinand Marcelino.

Tinawag pa ni De Lima ang nasabing desisyon ng DOJ na “walanghiya” dahil naniniwala siyang ang kalayaan ni Marcelino ay kapalit ng kanyang testimonya.

Ayon kay De Lima, halata namang nagkaroon ng kasunduan na para palayain si Marcelino, kailangan nitong magbigay ng testimonya laban sa kanya.

Dismayado naman ang senadora dahil ang akala niya’y isang taong may dangal at integridad si Marcelino.

Kung hindi man aniya malaki ang inalok kay Marcelino kaya hindi ito natanggihan, malamang aniya na tinakot ito para tumestigo. -30-

↧
↧

2 bus terminal, ipinasasara ng MMDA

May 19, 2017, 11:10 pm
$
0
0

INIREKOMENDA ng Metropolitan Manila Development Authority (MMDA) ang pagpapasara sa dalawang bus terminal sa Quezon City dahil sa palyado nitong mga pasilidad.

Sa kanyang liham sa Land Transportation Franchising and Regulatory Board (LTFRB), inireklamo ni MMDA general manager Tim Orbos ang terminals ng Roro Bus Transport Services, Inc. sa South Road, at Dimple Star Transport sa Main Avenue na parehong nasa Brgy. Bagong Lipinan ng Crame.

Ayon kay Orbos, bigo ang parehong terminal na makapagbigay ng basic conveniences para sa mga pasaherong nag-aabang na makasakay.

Wala aniyang mga maayos na upuan, konkretong sahig at maayos na bubong ang mga nasabing terminal.

Muli namang binanggit ni Orbos na sa tuwing nag-iinspeksyon sila, hindi lang ang pagsunod sa mga polisiya ang kanilang tinitingnan kundi pati ang pisikal na kondisyon ng mga terminal.

Nilinaw naman ni Orbos na ang pagpapasara sa mga bus terminal ay pansamantala lamang hanggang sa makasunod na ang mga operator nila sa mga rekisito ng LTFRB.

Babala pa ni Orbos, gagawin din nila ang ganitong hakbang sa iba pang mga pasaway at abusadong terminal operator sa mga susunod na araw. JOHNNY ARASGA

↧

Singil sa kuyente ng Meralco, sasadsad ngayong buwa

May 19, 2017, 11:11 pm
$
0
0

MAKAKALTASAN ang singil ng Meralco sa elektrisidad ngayong buwan ng Mayo.

Batay sa anunsyo ng Meralco, P0.29 kada kilowatt hour na ang magiging diskwento bunsod ng patuloy na pagbaba ng generation charge.

Dahil dito, tinatayang nasa P9.60 kada kilowatt hour na ang overall rate na mas mababasa sa P9.89 kada kilowatt hour na singil noong nakaraang buwan.

Tinatayang nasa P58.00 ang ibababa sa bill ng mga kumokonsumo ng 200 kilowatt hour. -30-

↧
Search

P17.5M halaga ng shabu, narekober sa mall sa Taguig

May 19, 2017, 11:14 pm
$
0
0

NAREKOBER ng pinagsanib na puwersa ng PNP Drug Enforcement Group at Taguig City Police ang tatlo’t kalahating kilo ng shabu sa isang abandonadong kotse sa Bonifacio Global City (BGC) sa Taguig.

Ayon kay P/Supt. Reynaldo Ramos, hepe ng Special Operations Unit ng PNP-Drug Enforcement Group, kahapon pa nila binabantayan ang Mitsubishi Lancer na may plakang UAP-625.

Ala-1:42 kahapon nang mag-park ang sasakyan sa open parking space ng Market! Market! Mall.

Inikutan ng K-9 unit ang paligid ng sasakyan at matapos ang ilang minuto ay inupuan ito dahilan para inspeksyunin ng mga awtoridad.

Hindi rin umano naka-lock ang isang pinto ng sasakyan, kaya mabilis itong nausisa ng mga pulis.

Dito na tumambad sa kanila ang apat na malalaking bulto ng hinihinalang shabu na nakasilid sa mga puting kahon.

Ayon kay Ramos, hindi bababa sa P17.5-million ang halaga ng narekober na iligal na droga.

Nagsasagawa naman ng follow-up operation ang mga awtoridad upang matukoy kung sino ang driver ng inabandonang sasakyan. JOHNNY ARASGA

↧

P24-B pondo hihilingin ng TESDA  

May 21, 2017, 3:59 am
$
0
0
HIHILINGIN ng pamunuan ng Technical Education and Skills Development Authority (TESDA) na madagdagan ang kanilang pondo sa susunod na taon upang makapagbigay ng skills training sa tinatayang 1.5 milyong Pilipino.
 
Ayon kay TESDA Director General, Secretary Guiling “Gene” Mamondiong, P24 bilyon ang kanilang kakailanganing pondo upang makapagbigay ng skills training sa mas marami nating kababayan sa taong 2018.
 
Aniya, posibleng madagdagan ang mga kababayan nating gustong magkaroon ng skills training dahil na rin sa pagbibibay ng prayoridad ni Pangulong Rodrigo Duterte na makalikha ng mas maraming trabaho.
 
Kabilang sa limang industriya na inaasahang maging patok sa ating bansa sa susunod na taon ay ang health care and wellness, business processing outsourcing, tourism, construction at agriculture.
 
Dahil dito, inaasahan ni Mamondiong na posibleng dumami ang bilang ng mga gustong magkaroon ng skills training na ipinagkakaloob ng TESDA partikular na sa limang nabanggit na industriya.
 
Bukod dito, muli na namang bubuksan ng TESDA ang Training for Work Scholarship para sa mga gustong maging caregiver at housekeeping sa mga hotel.
 
Kabilang pa sa mga plano ni Mamondiong ay ang makapagbigay ng maraming scholarship ang TESDA at matiyak din na makakukuha ang mga ito ng trabaho at maisakatuparan ang emergency skills training para sa mga Overseas Filipino Workers (OFWs) at iba pang sektor.
 
Plano din ng TESDA na mapondohan ang modernisasyon ng mga Regional Training Center sa buong bansa upang mas makapagbigay ito ng dekalidad na kasanayan.
 
Napag-alaman pa na kumpara sa Department of Education (DepEd) at Commission on Higher Education (CHED) ay napakaliit lamang ng budget ng TESDA na umaabot lang sa mahigit na anim na bilyong piso.

↧
↧

SSS, nagbukas ng mas malaking mga opisina sa ilalim ng bagong pamunuan

May 21, 2017, 4:01 am
$
0
0
Patuloy ang Social Security System (SSS) sa pagpapalawig ng serbisyo nito sa ilalim ng bagong administrasyon matapos buksan at pagandahin ang 18 sangay nito sa loob lamang ng limang buwan sa pamamahala ni President at Chief Executive Officer Emmanuel F. Dooc.
 
“Kasabay ng pagdami ng mga miyembro ng SSS ang aming pagtupad sa layunin na  magkaroon ng mas mataas na panuntunan sa pagbibigay ng mas maginhawa at maaasahang serbisyo sa ating mga miyembro at kanilang mga benepisyaryo,” sabi ni Dooc.  
Mula Nobyembre 2016, binuksan ang tatlong sangay ng SSS sa Ilagan, Isabela; Ortigas Avenue, Quezon City; at Binondo, Manila. Samantala, apat na karagdagang service offices ang itinalaga sa Robinsons Lipa, Robinsons Tacloban, Montalban Town Center at One-Stop Government Center sa San Fernando City, La Union. 
 
“Sa pagpili ng bagong opisina, pangunahing kunsiderasyon ang lokasyon dahil dapat ay madali itong puntahan. Kaya naman halos lahat ng aming mga bagong branch ay nasa mga pangunahing kalsada o nasa sentro ng komersyo at shopping malls dahil mayroong mga pampublikong transportasyon doon,” dagdag ni Dooc.
           
Inilipat na din ang 11 SSS branches sa mas malaking lokasyon kabilang dito ang;  Novaliches, Masbate, Tacloban, Cauayan, Toril, Cainta, Pasig-Pioneer, Bogo, Toledo, Kalibo, at Mandaluyong.
 
“Sa pagtaas ng bilang ng mga transaksyon, kailangang palakihin ang mga opisina hindi lamang para mapabuti ang kalagayan ng aming mga empleyado kundi para madagdagan din ang mga pasilidad para sa aming mga kliyente gaya ng members’ assistance desk, tellering services at physical examination center. Mahigpit an gaming pagsunod sa mga probisyon ng ARTA o Anti-Red Tape Act,” paliwanag ni Dooc. 
 
Nais ng SSS na magkaroon ng karagdagang 18 branches at service offices ngayong taon. Mula Disyembre 2017 ay may 167 sangay ang SSS sa buong Pilipinas—48 ay nasa National Capital Region (NCR), 61 sa Visayas a 31 sangay sa rehiyon ng Mindanao.
May 20 foreign offices ang SSS na naka-base sa Brunei Darussalam, Hong Kong, Kaohsiung, Macau, Malaysia, Singapore, Taiwan, United Kingdom, Milan at Rome sa Italy, Bahrain, Kuwait, Oman, Qatar, Abu Dhabi at Dubai sa United Arab Emirates (UAE), Al Khobar, Jeddah at Riyadh sa Kingdom of Saudi Arabia (KSA) at San Francisco, California.   
May klasipikasyon ang mga sangay ng SSS ay bilang small, medium at large batay sa bilang ng transaksyon, halaga ng koleksyon at bilang ng employer accounts. Mula Disyembre noong nakaraang taon, may 103 small, 44 medium at 20 large branch offices sa buong bansa.
“Kasabay ng pagpapaunlad ng web-based facilities ay ang pagtatayo ng branch offices dahil batay sa aming pag-aaral, karamihan sa aming mga miyembro ay gusto pa din ang  direktang pakikipag-ugnayan sa SSS. Mula sa pagpapaigting ng presensya ng SSS sa mga lungsod at bayan, inaasahan naming makahikayat pa ng mas maraming mga manggagawa na maging aktibong miyembro ng SSS,” sabi ni Dooc.

↧

LPA binabantayan sa Batanes

May 21, 2017, 11:02 pm
$
0
0

ISANG low pressure area (LPA) ang namataan ng PAGASA sa hilagang bahagi ng Pilipinas.

Sa pinakahuling update ng weather bureau, namataan ang sentro ng LPA sa layong 365 kilometro ang layo sa silangan ng Basco, Batanes.

Dahil dito, asahan ang pag-ulan sa Ilocos region, Cagayan Valley, Cordillera at Central Luzon ngayong Lunes.

Makararanas naman ng isolated rainshowers o thunderstorms ang ilang bahagi ng bansa sa hapon o gabi.

Bahagyang maulap hanggang sa maulap na kalangitan na may pulu-pulong mga pag-ulan o pagkidlat-pagkulog lalo na sa dakong hapon o gabi ang iiral rin sa Kamaynilaan. -30-

↧

Salpukan ng motor at trak, 3 binatilyo tepok sa Leyte

May 21, 2017, 11:12 pm
$
0
0

TEPOK ang tatlong teenager makaraang sumalpok ang sinasakyan nilang motorsiklo sa isang 10-wheeler truck sa bayan ng Kananga, Leyte.

Kinilala ang mga namatay na sina James Kenneth Costillos, 18, driver ng nabanggang motor, at mga angkas nitong sina Ervin Albis, 19, at Felipe Tapar, 18.

Sa imbestigasyon, lulan ng motorsiklo ang mga biktima at binabaybay ang national highway ng Brgy. Libungao nang mag-overtake ito sa isang sasakyan.

Gayunman, minalas na sumalpok ito sa kasalubong na trak na minamaneho ni Benjie Jabiles, 21, dahilan upang tumilapon ang mga ito.

Bagama’t nadala pa sa pagamutan ay hindi na rin naisalba pa ang mga biktima.

Inihahanda naman ang kasong reckless imprudence resulting in multpile homicide laban sa driver na si Jabilles. JOHNNY ARASGA

↧
Viewing all 14412 articles
Browse latest View live
Search
<script src="https://jsc.adskeeper.com/r/s/rssing.com.1596347.js" async> </script>