Quantcast
Channel: Breaking News – Remate
Viewing all 14412 articles
Browse latest View live
↧

Halaga ng piso bumaba

April 21, 2017, 12:45 am
$
0
0

BUMABA sa ika-apat na araw ang halaga ng piso kontra dolyar sa pagsasara ng palitan kahapon.

Nagsara ang palitan sa P49.87 kontra isang dolyar, mababa nang mahigit P0.10 kumpara noong Miyerkules.

Ayon sa isang ekonomista, ang paghina ng piso ay bunsod ng pananatiling matatag ng United States Treasury dahilan upang tumaas ang dolyar.

Maliban dito, inirereserba rin ng mga mamumuhunan ang kanilang dollar reserve bunsod ng papalapit na French Elections at ang hindi pa nareresolbang sigalot sa pagitan ng Amerika at North Korea.

Samantala, nagsara naman sa P63.53 ang palitan ng piso at pound; P53.25 sa euro; P13.25 sa Saudi riyal; P35.55 sa Singaporean dollars.

Gayundin, nasa P6.40 ang isang Hongkong dollars; P0.46 kada isang yen; P36.87 sa Canadian dollar at P131.94 sa Bahraini dinar. JOHNNY ARASGA

↧
Search

Bahagi ng Roxas Blvd., isasara ngayong weekend

April 21, 2017, 12:49 am
$
0
0

PANSAMANTALANG isasara sa mga motorista ang ilang bahagi ng Southbound lane ng Roxas Blvd. sa darating na weekends, April 22 at 23.

Ayon sa advisory na inilabas ng MPD Traffic Bureau, sa April 22 (Sabado), simula alas-2:00 ng hapon, sarado ang southbound lane ng Roxas Blvd. mula Katigbak Drive hanggang P. Ocampo para sa isang pista.

Habang sa April 23 naman (Linggo) simula alas-3:00 ng madaling-araw ay sarado na ang southbound lane ng Roxas Blvd., mula Katigbak Drive hanggang P. Ocampo, para sa isasagawang fun run.

Pinapayuhan ang mga motorista na humanap na ng mga alternatibong ruta upang ‘di na maantala sa pagbiyahe. JOHNNY ARASGA

↧
↧

2 miyembro ng Ipit Gang, timbog sa QC

April 21, 2017, 1:02 am
$
0
0

TIMBOG ang dalawa sa pitong miyembro ng Ipit Gang na nambiktima sa loob ng isang Yohan Express Bus sa kanto ng EDSA-Muñoz at Congressional Ave. sa Quezon City.

Ayon sa driver ng naturang bus na si Alexis Taclob, tinatahak nila ang EDSA nang mapansin niyang iniipit na ng mga suspek ang isang pasahero.

Buti na lamang at napansin ni Taclob ang mobile car ng QCPD na nakaparada sa Muñoz kaya’t agad niyang inihinto sa tapat nito ang kanyang minamanehong bus.

Dito na nagkagulo ang mga pasahero at nag-unahan na sa pagbaba kasabay ng mga suspek.

Ngunit namukhaan ng driver ang dalawa sa mga suspek kaya agad na inaresto at pinosasan ang mga ito.

Sa ngayon ay nakapiit na sa QCPD Station 2 ang mga suspek na nahaharap sa mga kasong robbery/holdap. JOHNNY ARASGA

↧

Sigalot sa West PH Sea, isinisisi sa Aquino admin

April 21, 2017, 1:04 am
$
0
0

BINUNTUNAN ng sisi nina dating Pangulo at ngayo’y Pampanga Congresswoman Gloria Macapagal-Arroyo at beteranong abogado na si Atty. Estelito Mendoza ang administrasyong Aquino sa kinakaharap na sigalot ng Pilipinas sa West Philippine Sea.

Ayon kay Mendoza, noong administrasyon ni dating Presidente Noynoy Aquino nag-umpisa at lalong uminit ang problema ng Pilipinas sa pinag-aagawang West Philippine Sea.

Lolong lumala ang pagtatayo ng mga isla ng China at panggigipit sa mga mangingisdang Pilipino matapos na maghain ang Pilipinas ng reklamo sa United Nations Convention on the Law of the Sea (UNCLOS).

Hindi umano gaya noong panahon ni Arroyo kung kailan tinatamasa ng Pilipinas ang kapayapaan sa West Philipine Sea.

At kahit ipinasa sa ilalim ng administrasyong Arroyo ang Republic Act 9522 o ang Archipelagic Baselines of the Philippines ay walang pag-alma ang China.

Dagdag nito, nagsagawa pa ng tinatawag na Joint Seismic Undertaking ang Pilipinas at China upang pagyamanin ang natural resources sa kontrobersyal na teritoryo.

Sinegundahan naman ni Cong. Arroyo ang mga naging pahayag ni Mendoza kaugnay sa isyu sa West Philippine Sea.

Inilabas ni Mendoza ang isang primer na may titulong “The Space or Maritime Area of the Philippines” na nagpapaliwanag sa bawat bahagi ng karagatang teritoryong sakop ng Pilipinas. JOHNNY ARASGA

↧

Nanlamutak ng dibdib bugbog, kulong

April 21, 2017, 1:13 am
$
0
0

BAGUIO CITY – Arestado ang isang garbage collector kahapon (April 20) matapos maaktuhang nanlamas ng dibdib ng isang college girl sa Purok 4, Irisan, Baguio City.

Kinilala ng Baguio City Police Office (BCPO) ang suspek na si Domingo Lagao, 24, tubong La Union, ng Irisan, ng nasabing lungsod.

Sa imbestigasyon, sinabi BCPO Station 9 police commander P/C Insp. Benedict Gang-aoen, naghihintay ang biktimang nakilalang si Joan (hindi tunay na pangalan), isang college student, ng taxi sa Purok 4 nang biglang hinila ng suspek at lamutakin ang dibdib.

Sa aktong iyon, nakita siya ng concerned citizen at dito nila kinuyog at dinakip si Lagao saka dinala sa mga pulis.

Nagpapasalamat ang BCPO sa mga residente ng nasabing lugar dahil sa pagkakadakip ng suspek.

Nakakulong na ngayon ang suspek sa BCPO detention cell at act of lasciviousness ang nakatakdang ikaso sa kanya. ALLAN BERGONIA

↧
↧

Impeachment complaints, hindi susuportahan ng LP

April 21, 2017, 1:24 am
$
0
0

HINDI susuportahan ng mga kongresista mula sa Librel Party (LP) ang anomang impeachment complaint laban sa mga lider ng bansa.

Ayon kay Deputy Speaker Romero Quimbo, napagkasunduan ito ng LP sa pagpupulong ng partido kahapon kasama ang 15 kongresista nito.

Ayon sa LP, magiging abala lamang ang impeachment complaints sa iba pang usapin na mas dapat na pagtuunan ng pansin ng Kamara.

Aniya, lalo lamang mahahati ang Mababang Kapulungan.

Ipinahayag din ng partido ang mariing suporta nito sa pangulo ng LP na si Vice President Leni Robredo.

Matatandaang noong Marso, inihain ni Magdalo Partylist Rep. Gary Alejano ang impeachment complaint sa Kamara laban kay Pangulong Rodrigo Duterte.

Nauna na ring pinahayag ni House Speaker Pantaleon Alvarez na pinag-aaralan niya ang paghahain ng impeachment complaint laban kay Robredo. JOHNNY ARASGA

↧

Kahera nanaksak, lovers sugatan

April 21, 2017, 10:49 pm
$
0
0
SUGATAN ang magkasintahan matapos saksakin ng kahera matapos magselos ang huli sa Brgy. Holy Spirit, Quezon City kagabi Abril 21, 2017 (Biyernes).
 
Kinilala ang mga nasugatan na sina Mariel Honrada, 22, dalaga ng 11-D Kalayaan Hills, QC at Fabiar Quellope, 25,binata, construction worker ng Brgy. Bagong Bantay,QC.
 
Nadakip naman ang suspek na si Joanne Decir, 27, dalaga, cashier, ng Brgy .Holy Spirit,QC.
 
Ayon sa ulat ng QCPD station 6 Batasan naganap ang insidente sa Footbridge corner ng Commonwealth Avenue at Don Antonio Avenue, Brgy. Holy Spirit,QC dakong 6:30 ng gabi.
 
Sinabi sa ulat na ang suspek at ang biktimang si Decir ay dating magkarelasyon at biniyayaan ng isang anak.
 
Nabatid pa sa ulat ng pulisya na nagtext umano ang suspek sa biktimang si Honrada sa pagnanais na makita umano ng anak nito ang ama at upang pag-usapan ang kanilang hindi pagkakaunawaan.
 
Nagkita ang biktima at suspek sa Ever Gotesco kung saan kumain ang mga ito at ipinamili ng biktimang si Quellope ang kanilang anak.
 
Matapos magkita ang biktima at suspek inihatid na ng biktima ang suspek sa sakayan ng tricycle at sumakay ang mga ito patungo sa bahay ng suspek.
 
Habang nasa loob ng tricycle bumunot ng patalim ang suspek at inundayan  ng saksak ang mga biktima.
 
Agad naman nadakip ang suspek ng mga nagpapatrulyang barangay  tanod  matapos ang insidente. SANTI CELARIO

↧

Maintenance personnel nahulog sa hagdan, tigok

April 22, 2017, 12:40 am
$
0
0

ISANG 52-anyos na maintenance personnel ang namatay nang aksidenteng mahulog sa tinutuntungang hagdan habang kinukumpuni ang isang ilaw sa kisame sa basement ng isang kilalang mall sa Binondo, Maynila kagabi.

Hindi na umabot nang buhay sa Mother and Child Hospital ang biktimang si Agapito Leal, ng #2 Gen. P. Borromeo St., Longos, Malabon City, bunsod nang pagkabasag ng bungo at pagkakaroon ng hematoma.

Sa imbestigasyon ng Manila Police District (MPD)-Homicide Section, nabatid na 8:00 ng gabi nang maganap ang aksidente sa basement ng 999 Shopping Mall sa Soler St., Binondo.

Ayon kay Gallo, umakyat umano ang biktima sa hagdan upang kumpunihin ang bahagi ng fluorescent tube sa kisame ng basement, na may 25 talampakan ang taas, ngunit nawalan ito ng balanse at aksidenteng nahulog.

Kaagad namang isinugod ng kanyang mga kasamahan sa pagamutan ang biktima ngunit hindi na ito umabot pa nang buhay. JOCELYN TABANGCURA-DOMENDEN

↧
Search

Queen Elizabeth, nagdiwang ng ika-91 kaarawan

April 22, 2017, 12:41 am
$
0
0

MASAYANG ipinagdiwang ni Queen Elizabeth II ang kanyang ika-91 kaarawan sa kanyang tahanan.

Habang tahimik na nagdiriwang si Queen Elizabeth sa loob ng tahanan, nagsagawa naman ng 41-gun salute sa Hyde Park ang Royal Horse Artillery horse-and-gun carriages.

Sa labas naman ng Buckingham Palace, tumugtog ng “Happy Birthday” ang banda ng mga guardsmen sa kasagsagan ng Changing of the Guard ceremony.

Bukod dito ay nagkaroon pa ng 62-gun salute sa Tower of London.

Ito na ang ika-91 kaarawan ni Elizabeth, at sa kasalukuyan ay siya ang itinuturing na “oldest and longest-reigning monarch” dahil noong February 6, 1952 pa siya nagsimulang maging reyna.

Mayroon namang tinatawag na “official birthday” si Queen Elizabeth na ginaganap tuwing Hunyo, kung kailan maaliwalas ang panahon. -30-

↧
↧

Mosque pinasabugan sa Maguindanao, 8 sugatan

April 22, 2017, 12:43 am
$
0
0

SUGATAN ang walong katao sa pagsabog ng granada sa isang mosque o masjid sa Maguindanao.

Kabilang sa mga nasugatan si dating Talayan Mayor Daru Ali Midtimbang at anak nitong si Talayan Vice Mayor Nathaniel Midtimbang.

Ayon kay Maguindanao Police Provincial Director S/Supt. Agustin Tello, dalawang lalaki ang naghagis ng granada habang papalabas ang mga biktima sa golden mosque sa Brgy. Poblacion.

Agad na tumakas ang mga salarin sakay ng motorsiklo patungo sa liblib na lugar ng talayan.

Nagkaroon naman ng sugat sa iba’t ibang bahagi ng katawan ang mga biktima na dinala sa Notre Dame Hospital sa Cotabato City.

Iniimbestigahan pa ng mga awtoridad ang pagkakakilanlan at motibo sa naturang pagpapasabog. JOHNNY ARASGA

↧

Police official na nahuling nagsha-shabu, nakapagpiyansa

April 22, 2017, 12:44 am
$
0
0

IPINAG-UTOS ng Las Piñas City Regional Trial Court ang pagpapalaya kay Supt. Lito Cabamongan matapos maglagak ng piyansa para sa kanyang pansamantalang kalayaan.

Una nang sinampahan ng kasong paglabag sa Comprehensive Dangerous Drugs Act si Cabamongan matapos mahuling nagpa-pot session kasama ang isang Neddy Sabdao.

Bagama’t may nakabinbin ding kasong administratibo laban kay Cabamongan, pawang mga bailable offense ang mga inihaing kasong kriminal laban sa kanya.

Magugunitang lumabas umano sa initial neuro-psychiatric test ni Cabamongan na mayroon itong ‘psychosis’ o dumaranas ng pagkahibang na maaaring sanhi ng pagkagumon sa iligal na droga. -30-

↧

Pangulo, balak matulog sa Pag-asa kasama ang mga sundalo

April 22, 2017, 12:47 am
$
0
0

MAY balak pa rin si Pangulong Rodrigo Duterte na puntahan ang Pag-asa Island na bahagi ng pinagtatalunang West Philippine Sea.

Ayon kay Defense Sec. Delfin Lorenzana, gusto ng Pangulo na matulog sa nasabing isla kasama ang mga sundalong nakahimpil doon ngunit wala pang katiyakan kung kailan iyon mangyayari.

Una nang kinansela ng Pangulo ang kanyang pagpunta sa Pag-asa para itaas ang watawat ng Pilipinas sa Hunyo 12 makaraang magprotesta ang China.

Kung sakali ani Lorenzana, si Communications Sec. Martin Andanar ang ipadadala ng Pangulo sa nasabing isla sa Araw ng Kalayaan kung maitatayo agad ang istasyon ng radyo sa lugar.

Samantala, walang dapat ikabahala ang Pilipinas sakaling maghain ng protesta ang China sa sandaling simulan na ang serye ng konstruksyon ng iba’t ibang pasilidad sa Pag-asa Island.

Ayon kay Lorenzana, pangkaraniwan na lamang ang nasabing hakbang sa tuwing may itinatayo ang Pilipinas sa mga islang sakop nito sa West Philippine Sea.

Gayundin naman aniya ang ginagawa ng Pilipinas noong mga panahong ang China naman ang nagtatayo ng mga istruktura sa mga pinag-aagawang teritoryo.

Kasunod nito, naniniwala ang Kalihim na hindi mag-uudyok ng tensyon ang ginawa niyang pagbisita sa Pag-asa Island kahapon. JOHNNY ARASGA

↧

Trak ng softdrinks nang-araro, 5 tigbak

April 22, 2017, 12:48 am
$
0
0

MAKILALA, COTABATO – Patay ang limang katao habang pito naman ang malubhang nasugatan matapos tumaob ang hauler truck ng Pepsi Cola Company kaninang umaga (April 22) sa nasabing lalawigan.

Samantala, sa kasalukuyan, inaalam pa ang pagkakilanlan ng mga namatay at sugatan sa nasabing insidente.

Sa inisyal na ulat ng Cotabato police, inararo ng Pepsi Cola truck ang mga sasakyan na sinusundan nito sa kahabaan ng Brgy. Malasila, Makilala, Cotabato.

Bago ito, nawalan muna ng preno ang nasabing trak hanggang sa bumaligtad sa gilid ng national highway sa nasabing barangay.

Dinala ang mga sugatan sa Makilala hospital at patuloy na nagsasagawa ng follow-up investigation ang mga pulis hinggil sa insidente. ALLAN BERGONIA

↧
↧

Fishing ban, ipinatupad sa Samar

April 22, 2017, 4:47 am
$
0
0

PANSAMANTALANG nagpatupad ng fishing ban sa dagat na sakop ng Samar hanggang buwan ng Hulyo.

 Ayon kay Calbayog City Mayor Ronaldo Aquino, na pinuno rin ng Samar Sea Alliance, kailangan nilang magpatupad ng fishing ban dahil kumakaunti na ang isda sa kanilang dagat.

 Una nang nagpatupad ang lokal na pamahalaan ng Calbayog City ng resolusyon para makontrol ang pag-huli at pagbebenta sa ilang mga uri ng isda, tulad na lamang ng galunggong.

 Naglaan na rin ng P2 milyon ang lokal na pamahalaan upang mabigyan ng bangkang de motor at iba pang kagamitan upang itigil na ng mga mangingisda ang paggamit ng dinamita.

Sa pamamagitan ng fishing ban na ito, mabibigyan ng pagkakataon ang mga isda na muli pang makapagparami at makapagpalaki.

Lumabas kasi sa isang pag-aaral na matindi ang naging pagkabawas sa mga pinagkukunang yaman sa dagat dahil sa pagka-kalbo na rin ng mga bundok na nakapaligid dito.

Gumuguho kasi ang lupa at bumabagsak sa tubig, kaya naaapektuhan na rin ang mga coral reefs na tinitirhan ng mga isda.  JOHNNY ARASGA

↧

Bolahan ng jueteng rineyd ng NBI, 44 katao arestado

April 23, 2017, 12:19 am
$
0
0

NASAKOTE ng National Bureau of Investigation (NBI) ang 44 na kalalakihan nang salakayin ng mga awtoridad ang isang hinihinalang jueteng safehouse sa Ilagan City, Isabela.

Hindi naman pinangalanan ang mga arestadong suspek, at maging ang may-ari ng nilusob na safehouse.

Ayon kay Atty. Timoteo Rejano, lider ng raiding team, narekober ng NBI ang samu’t saring jueteng paraphernalia at hindi pa tiyak na bilang ng pera sa bahay sa Bliss Village.

Sinabi ni Rejano na nagsilbi rin itong raffle center para sa isang online numbers game sa Cagayan Valley.

Nakadetine na ang mga suspek sa Isabela Provincial Jail makaraan silang sampahan ng kaukulang mga kaso. JOHNNY ARASGA

↧
Search

Presyo ng petrolyo bababa ngayong linggo

April 23, 2017, 12:22 am
$
0
0

MATAPOS ang tatlong linggong sunud-sunod na dagdag-presyo sa produktong petrolyo, asahan naman ngayon ang price rollback ayon sa ilang insider sa oil industry.

Nauna nang sinabi ng Department of Energy (DOE) na posible ang P0.30 na bawas-presyo sa kada litro ng gasolina, diesel at kerosene o gaas sa papasok na linggo.

Sinabi ni DOE Spokesman Felix Fuentebella, pwede pa ring maiba ang nasabing halaga depande sa naging assessment ng mga oil companies sa naganap na trading sa nakalipas na ilang mga araw.

Labis umanong nakaaapekto sa lokal na presyo ng produktong petrol ang dagdag na mga drilling activities sa U.S at ang pagkontrol ng Organization of Petroleum Exporting Countries (OPEC) sa halaga nito sa world market.

Inaasahan naman sa araw ng Martes na ipatutupad ang nasabing rollback. JOHNNY ARASGA

↧

Higit P5M halaga ng shabu, nasabat sa Bulacan, NE

April 23, 2017, 12:22 am
$
0
0

NASAKOTE ang tatlong big-time drug pusher sa ikinasang buy-bust operation sa Bulacan at Nueva Ecija.

Kinilala ang mga naarestong magka-live-in na sina Melvin Samson at Gerlie Santiago na nasakote sa isang safehouse sa Guimba, Nueva Ecija.

Nakuha sa mga suspek ang 120 gramo ng shabu na nagkakahalaga ng P600,000.

Sunod namang naaresto ang supplier nila na si Kimberly Arsoden sa isang motel sa Calumpit, Bulacan.

Isang kilo ng shabu naman ang nakuha mula rito na nagkakahalaga ng P5-milyon.

Ayon kay Quezon City Police District (QCPD) Dir. C/Supt. Guillermo Eleazar, ang mga nahuling suspek ang nagbabagsak ng droga sa mga lalawigan ng Bulacan, Tarlac, Nueva Ecija, at Northern Metro Manila.

Ayon sa mga suspek, ang drogang kanilang ibinebenta ay mula umano sa isang Chinese druglord na nakakulong na ngayon sa bilibid.

Nahaharap naman ang mga suspek sa kasong paglabag sa Comprehensive Dangerous Drugs Act of 2002. JOHNNY ARASGA

↧
↧

Tandag, Surigao del Sur, nilindol

April 23, 2017, 12:33 am
$
0
0

INUGA ng magnitude 5.1 na lindol ang Tandag, Surigao del Sur alas-9:19 kaninang umaga, Linggo.

Ayon sa Phivolcs, may lalim itong 28 kilometers at tectonic ang origin.

Nangyari ang naturang lindol 22 kilometers north ng Tandag, Surigao del Sur.

Gayunman, naitala ang Intensity II sa Bislig, Surigao del Sur; habang Intensity I naman sa Borongan, Eastern Samar.

Asahan naman na magkakroon ng mga aftershock kasunod sa nasabing pagyanig. BOBBY TICZON

↧

Military vs Maute group sa Lanao Sur, 15 dedo

April 23, 2017, 12:44 am
$
0
0

SUMIKLAB ang mainit na bakbakan sa pagitan ng miitary at teroristang Maute Group sa Lanao del Sur kaninang Linggo ng madaling-araw.

Sinabi ni Brig. Gen. Rolando Joselito Bautista, commanding General ng 1st Infantry Division, kinukumpirma pa nila ang impormasyong natanggap na may 15 miyembro ng lokal na terorista ang nalagas sa bakbakan.

Habang isinusulat ang balitang ito, wala pa aniyang iniulat na nasaktan o naging kaswalidad naman sa panig ng militar.

Sa ulat, nag-umpisa ang skirmishes dakong 5:30 a.m. sa may Piagapo town complex sa Lanao del sur.

Ayon kay Bautista, nakatanggap sila ng impormasyon na mula sa Butig town, ay nakahanap ng lugar sa Piagapo town ang naturang grupo nitong nakaraang Biyernes.

Dahil na rin aniya ito sa walang-tigil na pagtugis ng awtoridad sa kanilang grupo.

Sa tulong pa aniya ng mga residente, madaling natunton ng mga sundalo ang bagong hideout ng mga teroristang grupo na humantong agad sa bakbakan.

Sinabi ni Bautista na ang naturang kampanya laban sa Maute Group ay sa kautusan ni Pangulong Rodrigo Duterte na pulbusin ang terorismo sa southern Philippines.

Ayon naman kay Piagapo town Mayor Ali Sumdar, may 300 pamilya ang nagsilikas sa kani-kanilang kabahayan habang ang bakbakan ay umiinit.

Samantala, inilagay na ang pulisya at military forces sa Lanao del Norte at Iligan City sa heightened alert.

Naglatag na rin ng mga checkpoints sa mga vital area at entry at exit points ng vital areas.

Sinabi naman ni P/S Supt. Leony Roy Ga, Iligan City police director, na inatasan na niya ang police force na maghigpit ng seguridad sa Iligan City, sa pakikipag-koordinasyon sa 4th Mechanized Infantry Battalion para mapigilan ang grupo ng paghahasik ng lagim sa probinsya. BOBBY TICZON

↧

Ulo ng rider, pisak sa trak

April 24, 2017, 12:25 am
$
0
0

SIGMA, CAPIZ – Agad namatay ang isang senior citizen matapos mapisak ang ulo ng isang tanker truck sa national highway ng Brgy. Daygahon, Sigma, Capiz noong Sabado, April 22.

Kinilala ng Sigma police ang biktimang si Jeffrey Caga, 63, ng nasabing bayan.

Sa imbestigasyon, nagmamaneho ng motorsiklo ang biktima kasama asawa na si Helen Caga na papunta ng bayan.

Sa kanyang pagmamaneho, biglang huminto ang sinusundan nilang sasakyan dahilan para tumumba sila.

Nagkataon namang may kasunod silang tanker truck na minamaneho ng isang Noel Traje at nagulungan ng dalawang gulong nito ang ulo ng biktima na nagresulta sa kanyang agarang pagkamatay.

Agad na sumuko si Traje sa Sigma police na kasalukuyan nang nakakulong at sinampahan ng kaso. ALLAN BERGONIA

↧
Viewing all 14412 articles
Browse latest View live
Search
<script src="https://jsc.adskeeper.com/r/s/rssing.com.1596347.js" async> </script>