CAMP OLIVAS, Pampanga- Patay ang isang lalaki habang malubhang nasugatan ang isang abogado sa magkasunod na pamamaril na isinagawa ng riding-in-tandem kamakalawa ng gabi sa bayan ng Mexico.
Sa ulat na nakarating sa tanggapan ni OIC Pampanga Police Provincial director, P/Senior Supt. Oscar Albayalde, wala umanong kinalaman sa pulitika ang pagkakapaslang kay Joseph Lacina, 40, ng Brgy. Buenavista, Mexico Pampanga na pinagbabaril ng isa sa dalawang armado habang pauwi at lulan ng tricycle sa Hapon Road, Brgy. Tagle, Mexico, Pampanga.
Inoobserbahan naman sa Mexico Community Hospital si Atty. Ryann Rueda, 31, ng Blue Diamond Subdivision, Brgy. San Vicente, Sto. Tomas, Pampanga na pinagbabaril din ng hindi pa nakikilalang riding-in-tandem sa Olongapo-Gapan Road sakop ng Brgy. Parian, Mexico.
Kinailangan pang basagin ng mga pulis ang salamin ang sasakyan ng biktima para mailabas ito.
Blangko pa ang pulisya sa motibo sa nasabing karahasan.