SANTIAGO CITY-Walang buhay na bumulagta ang dalawang mag-iitik matapos pagbabarilin sa kubong kanilang pahingahan sa gitna ng bukid na pag-aari ng kanilang amo.
Sa ulat mula sa tanggapan ni Santiago City Police director P/Supt. Severino Abad, Jr., kinilala ang mga biktima na sina Jimboy Antonio at Ric Castillo.
Ayon sa may-ari ng itikan na si Richard Coloma, nadatnan niyang kapwa naliligo sa dugo ang dalawang biktima sa loob ng tolda na nagsisilbing pahingahan ng mga ito sa Brgy. Rizal. Inaalam pa ng mga awtoridad ang motibo sa pamamaslang sa mga biktima.