PATAY ang isang mag-asawa nang magsalpukan ang motorsiklo at SUV sa Bula, Camarines Sur.
Kinilala ang mga biktima na sina Esteleni Caluban, 52, at Leonardo Caluban, 67, pawang ng Brgy. Sta Elena, naturang bayan.
Binabagtas ni Caluban ang Maharlika Highway ng Zone 1, Barangay Sta. Elena sakay ng motorsiklo nang salpukin ang kasalubong na Nissan Urvan (EVT568) na minamaneho ni Gregorio Marcelo, 58, ng Brgy. Bonot, Legazpi City.
Nabatid na walang suot na helmet ang mag-asawang Caluban kung kaya nang tumilapon sila ay agad na namatay matapos una ang ulo na bumagsak sa kalsada.