KINUMPIRMA ni Justice Secretary Leila de Lima na dalawa ang namatay habang dalawa ang sugatan sa New Bilibid Prison sa Muntinlupa.
Kinilala ang namatay na sina Arturo Oserana at Ramul Cuasito habang ang mga sugatan ay sina Pablito Rabusa at Felicito Muralla makaraang magkagulo sa loob ng maximum security compound.
Ayon kay De Lima, dinala ang mga bilanggo sa NBP hospital at ang iba ay ililipat sa ospital sa labas ng kulungan upang mas malapatan ng lunas.
Nabatid pa kay De Lima na sa kasalukuyan ay hindi pa malinaw kung saan nag-ugat ang insidente.
Patuloy ang isinasagawang imbestigasyon ng awtoridad sa naturang kaguluhan.