ANIM na sa 13 presong tumakas sa Sagay City Jail sa Negros Occidental ang naaresto ng mga awtoridad.
Sa report sa radyo, nadakip ngayong Sabado sina Joemar Levester, nahaharap sa kasong rape; Jimmy Vistar, Joselito Substinente at Joenard Quirante, na pawang nahaharap naman sa kasong murder.
Nakitang nagtatago ang apat na pugante sa isang taniman ng tubo sa Hacienda Alvina, sa Barangay Rafaela Barrera.
Una nang nadakip kahapon (Biyernes) ang dalawa pang pugante na sina ake Espanalo at Rolando Bajo, na sinasabing pasimuno ng jail break.
Nalambat ang dalawa sa isang bus terminal sa Cadiz City.
Kasalukuyan nang pinaghahanap ng pulisya ang pito pang presong nakapuga.
Kaugnay ng jail break, tatlong jail officer ng nasabing bilangguaan ang sinibak na sa puwesto ng Bureau of Jail Management and Penology (BJMP).