PALUTANG-LUTANG sa Pasig River sa ilalim ng Nagtahan Bridge sa Maynila ang bangkay ng isang hindi nakilalang babae.
Ayon kay SPO1 Jonathan Moreno ng MPD Homicide Section, nasa pagitan ng 50 at 60-anyos ang edad ng hindi pa nakikilalang biktima, limang talampakan at isang pulgada ang taas at maputi ang balat na may katamtamang pangangatawan.
Isang 16-anyos na menor de edad ang nakakita sa bangkay na palutang-lutang sa Ilog Pasig kung saan kaagad niyang nilangoy ito at hinila papunta sa pampang.
Nang usisain ng mga pulis ay nakita ang sugat sa ulo ng biktima na hinihinalang sadyang pinatay at itinapon sa ilog.