MATAPOS ang dalawang buwan na pagmamatyag, nasilo ng awtoridad ang lider ng New People’s Army sa Kiamba, Sarangani province, Lunes ng hapon (Abril 8).
Sinabi ni Senior Supt. Edwin Miñon, director ng Sarangani provincial police, na ang nahulli ay si rebel commander na si Ka Joy-Joy ng NPA’s Front Committee 73.
Si Ka Joy-Joy, na matagal nang wanted sa iba’t ibang kasanalan ay nakorner dakong 4:30 ng hapon ng government operatives sa kanyang hideout sa Barangay Nalus in Kiamba, na isang coastal town sa Sarangani.
Ang kanyang mister na si Khads, at dalawa pang kasamahan na nakilalang sina Mak-Mak at Henry, ay naaresto rin pero pinakawalan din nang mapag-alaman na wala silang nakabinbin na kasong kriminal sa anomang korte.