BALIK kulungan ang bagong layang holdaper matapos maagawan ng baril ng hinoldap na estudyante na kasakay sa dyip sa Caloocan City, Biyernes ng umaga.
Nakilala ang suspek na si Emerson Camba, 32-anyos at taga-Mithi St., ng lungsod.
Base sa ulat, dakong alas-10 ng umaga, kasakay ng suspek ang estudyanteng si Jonathan Tacorda, 18-anyos at pagsapit sa C-3 Road ay naglabas ng kalibre .38 ang suspek at itinutok sa biktima.
Kinukuha ng suspek ang cellphone ng biktima subalit nagawang mahawakan ng huli ang baril at nakipagbuno hanggang sa maagaw ang dalang baril ng kawatan.
Nagtatakbo ang suspek na nakita ng barangay tanod ng Barangay 28 at nagawang madakip at madala sa presinto.
Nabawi din ang cellphone ng biktima.