UTAS ang isang magsasaka nang barilin ng dalawang armadong lalaki sa Pinaga, Calabanga, Camarines Sur.
Kinilala ang biktima na si Nestor Remiliona, pinatay habang pauwi na mula sa pag-iigib ng tubig kasama ang 8-anyos na pamangkin ng hindi nakilalang mga salarin.
Sa unang putok ay nadaplisan lamang ang biktima pero muli itong binaril ng suspek hanggang mapatay bago tumakas.
Inaalam na ang motibo sa krimen.