TODAS ang isang sundalo sa naganap na engkuwentro sa pagitan ng rebelde at mga sundalo sa Barangay Dicamay 2, Jones, Isabela .
Nabatid na nagsasagawa ng combat operation ang platoon ng 503rd reconnaisance Division company sa ilalim nina 1st Lt. Aquino at 2nd Lt. Gangan nang makaengkuwentro ang 20 armadong kasapi ng NPA sa Dicamay, Jones, Isabela na umabot ng halos 10 minuto bago umatras ang mga rebelde .
Ilang minuto pa, habang ginagalugad ng awtoridad ang nasabing lugar ng muling nakaengkuwentro ang isa pang pangkat ng mga rebelde na nagresulta ng pagkakasugat ng isang sundalo na agad ding binawian ng buhay habang nilalapatan ng lunas sa Camp Melchor Dela Cruz Station Hospital.
Hindi muna inilalabas ang pangalan ng biktima.