SWAK sa kulungan ang isang notorsyus na drug pusher sa pinagsanib na operasyon ng Intelligence Unit at Station Anti-Illegal Drugs (SAID) kamakalawa sa Navotas City.
Kinilala ang supek na si Francisco Gatchalian, alyas “Junior Tae”, 47, ng Tulay Singko, Tabing Dagat, Brgy. Daanghari ng nasabing lungsod na nahaharap sa kasong paglabag sa R.A. 9165.
Ayon sa imbestigasyon ni PO2 Oliver Olaguer, dakong 7:00 ng gabi nang maaresto ang suspek sa kahabaan ng Tulay Siete ng nasabing barangay.
Nauna dito, may mga impormasyong natanggap ang pulisya mula sa mga residente sa lugar tungkol sa lantarang pagbebenta ng shabu ng suspek.
Sa isinagawang operasyon, habang patungo ang suspek sa kausap nitong bibili ng droga ay agad itong inaresto at nakuha sa bulsa nito ang anim na sachet ng pinaniniwalaang shabu. Roger Panizal