APAT ang patay na pawang magkakamag-anak matapos salpukin ng isang trak ang sinasakanyang kotse sa Bacolor, Pampanga.
Nakilala ang mga nasawi na sina Jesus Icban, at asawa nitong si Jennifer; anak nilang si John Clarence at biyenan nitong si Norma Layug habang isinugod sa ospital ang dalawang-taong-gulang na anak ng mag-asawa na si Jemril.
Mamamasyal sana sa mall ang mga biktima na noo’y umuulan nang maganap ang aksidente.
Ayon kay Benjie Dela Cruz, nakasaksi, bigla na lamang gumewang-gewang ang 18-wheeler truck at sinalpok ang kasalubong nitong kotse sa kahabaan ng Olongapo-Gapan Road.
Hawak na ng mga awtoridad ang driver ng trak. Marjorie Dacoro