TUBAO, LA UNION – Nagpakamatay ang isang 66-anyos na lalaki matapos nitong sunugin ang tinutuluyang bahay sa Barangay Pideg, Tubao, sa nasabing lalawigan noong Lunes ng hapon, July 7.
Kinilala ng Tubao police ang lolo na si Leonardo Balagot, ng Barangay Pideg, ng nasabing bayan.
Nakitang nakabitin ang biktima ng electrical wire sa isang puno.
Sa inisyal na imbestigasyon, bago magpakamatay si Balagot, kanyang sinilaban ng isang liquefied petroleum gas (LPG) ang loob ng kanyang tinitirhan.
Napag-alaman na mag-isa ang matanda sa bahay at ang kapatid nito ay nagtungo sa Baguio City.
Sa kasalukuyan, patuloy na nagsasagawa ng follow-up investigation ang lokal na pulisya.
The post Matapos sunugin ang bahay, lolo nagbigti appeared first on Remate.