PATAY ang isang mag-ama nang pagbabarilin ng armadong kalalakihan sa Sitio Luok Lapak, Barangay Bagong Buhay, Alicia, Zamboanga Sibugay.
Kinilala ang mag-ama na sina Daud Samson, 65, at anak na si Panagas Samson, 22, kapwa magsasaka ng Sitio Penjaman, Barangay Lapirawan, Alicia.
Narekober sa lugar ng pamamaril ang 23 basyo ng bala ng M16 armalite rifle at ilang basyo rin ng M14 rifle.
Nabatid na naglalakad ang mag-ama alas-10:00 nitong umaga at papunta sana sa kanilang sakahan nang harangin at walang habas na pinagbabaril ng mga armadong kalalakihan.
Sa ngayon ay blangko pa ang pulisya sa pagkakakilanlan ng mga salarin at motibo sa pamamaslang.
The post Mag-amang magsasaka itinumba sa Zamboanga appeared first on Remate.