PINAKULONG ng amo ang dalawang empleyada matapos malaman na nawawala ang pera at ilang mga isinanlang mga alahas sa kanilang pawnshop sa Valenzuela City, Huwebes ng umaga, Hunyo 26.
Nahaharap sa kasong qualified theft sina Maria Teresa Serrano, 47, appraisal manager ng Filipinas Pawnshop sa Malanday ng lungsod at Cristina Lucero, 36, Vault custodian ng nasabing sanglaan.
Sa ulat, alas-10 ng umaga nang ipa-inventory ng may-aring si Jennifer Garcia ang nasabing sanglaan kung saan lumabas na nawawala ang kita na aabot sa mahigit P2M at 56 pirasong alahas na nakasanla na aabot sa P1M na naging dahilan upang tanungin sa mga suspek dahil sila lamang ang may access sa vault.
Umamin si Lucero na nagamit ni Serrano ang pera at ang mga alahas ay naisanla sa pawnshop sa Meycauayan, Bulacan na naging dahilan upang kapwa ipadakip ang mga suspek dahil sa naganap na sabwatan.
The post Alahas, pera nawala sa sanglaan, 2 bebot kulong sa amo appeared first on Remate.