DALAWANG construction worker ang pawang malubha sa ospital matapos pagbabarilin ng isang kalugar na hinahanap ang nawawalang anak kagabi, Miyerkules, June 25 sa Brgy. Dampalit, Malabon City.
Kapwa ginagamot sa Tondo Medical Center (TMC) ang mga biktimang sina Sonny Ramos, 45, at si Wilfredo Dela Cruz, 42, kapwa ng #34 Merville subd., ng nasabing barangay sanhi ng mga tinamong tama ng bala ng hindi nabatid na kalibre ng baril.
Pinaghahanap naman ang suspek na nakilalang si Joel Ofgueria, nasa hustong gulang ng Peoples Village, Merville subd. ng nasabing barangay na mabilis na tumakas matapos ang insidente.
Sa imbestigasyon ni PO3 Jun Belbes, dakong 10:10 ng gabi nang maganap ang insidente sa tapat ng bahay ng mga biktima sa nasabing lugar.
Nabatid, nag-iinuman ang mga biktima nang dumating ang suspek na galit na galit na hinahanap ang kanyang anak subalit wala naman sa inuman.
Dito na kinantiyawan ng mga biktima ang suspek na huwag nang hanapin ang anak dahil binata na ito na ikinagalit naman ni Ofgueria.
Umalis ito saglit at nang bumalik ay bitbit na ang baril na ginamit sa krimen.
The post 2 obrero niratrat sa inuman, kritikal appeared first on Remate.