NIRATRAT ng hindi nakikilalang armadong kalalakihan ang isang mister na sakay at kaangkas sa motor ang kanyang dalawang anak sa Surigao del Sur kaninang umaga, Hunyo 23.
Dead-on-the-spot sanhi ng tama ng bala ng kalibre 45 sa iba’t ibang parte ng katawan si Crispin Torres Bacangyoy, 41, ng Sito Mamprasanon, Barangay Banaha, sa bayan ng Lianga.
Himala namang nagtamo lamang ng galos sa tuhod at sa iba’t ibang parte ng katawan bunga ng pagbagsak sa kalsada ang dalawang anak ni Bacangoy na sina Crizmae at Warren.
Blangko pa ang pulisya sa kung sino at ano ang motibo sa likod ng pamamaslang sa biktima.
Sa ulat, naganap ang insidente alas-8:30 ng umaga sa Purok 5 sa Barangay Ban-as sa nasabing bayan.
Bago ito, lulan ang mag-aama sa kanilang motorsiklo para mamalengke pero pagsapit sa lugar ay inasinta si Crispin ng dalawang suspek na sakay din ng motorsiklo.
The post Tatay tigbak sa ambus, 2 anak nakaligtas appeared first on Remate.