KALABOSO ang isang lalaki matapos matuklasan ng mga pulis na may lamang shabu ang nilalarong laruan na granda ng una sa Valenzuela City, Huwebes ng gabi, Hunyo 19.
Nakilala ang suspek na si Allan Cunanan, 37, ng Mascardo St., Bangkal, Makati City.
Sa ulat, alas-9:30 ng gabi, nagsasagawa ng buy-bust operation ang mga pulis sa San Juan St., Pasolo ng lungsod nang mapansin ang suspek na nilalaro ang laruang granada.
Inakala ng mga pulis na tunay ang granada na naging dahilan upang lapitan at siyasatin ang laruan na naisipan pang buksan at tumambad ang isang sachet ng shabu na nakalagay dahilan upang dalhin ang suspek sa presinto.
The post Lalaki kalaboso sa shabu sa laruan appeared first on Remate.