NAMATAY noon din ang isang guro matapos ratratin sa Himagtocon, Lagonoy, Camarines Sur.
Kinilala ang biktimang si Edwin Roque, 39, teacher in-charge ng Himagtocon Elementary School.
Sa ulat ng Camarines Sur Police Provincial Office, nasa loob ng faculty room ang biktima kasama ang tatlong kapwa guro nang paputukan ng isang lalaking nakasuot ng maskara.
Hindi tinamaan si Roque at nagawang makatakas palabas ng paaralan ngunit wala siyang kaalam-alam na may isa pang lalaking armado na nakaabang sa kanya.
Sa puntong iyon, hindi nakaligtas ang biktima nang ratratin ng suspek hanggang sa mamatay noon din.
Nagtamo ang guro ng mga tama ng bala ng baril sa iba’t ibang bahagi ng kanyang katawan.
Nakarekober ang mga imbestigador sa crime scene ng 11 empty shell ng cal. 45 pistol at tatlong empty shell ng .9 mm pistol.
Blangko pa ang pulisya sa motibo ng pamamaslang kay Roque pero sinabi ng imbestigador na posibleng matinding atraso ang ugat ng krimen.
The post Titser nirapido sa faculty appeared first on Remate.