SIMULA sa Oktubre 2014 ay isasama na sa airline ticket ang sinisingil na terminal fee ng Ninoy Aquino International Airport (NAIA) sa mga mag-a-abroad na pasahero.
Ayon sa Department of Transportation and Communications (DOTC), pinagkasunduan ng Manila International Airport Authority (MIAA) at mga international air carrier na isama na ang international passenger service charge (IPSC) sa bibilhing airline ticket, binili man ito online, sa ticketing office o sa travel agency.
Bunsod nito, maiiwasan nang maaksaya ang oras ng mga pasahero para pumila sa pagbabayad ng terminal fee.
Mapapaluwag din nito ang airport dahil tatanggalin na ang mga counter na naniningil ng terminal fee.
Bagama’t magsisimula na ito sa Oktubre, may isang taon pa itong transition period na magtatapos sa Setyembre 2015. Maipapatupad ito ng tuluyan sa Oktubre 2015.
The post Terminal fee sa NAIA isasama na sa airline ticket appeared first on Remate.