TIGBAK ang isang beautician makaraang barilin sa ulo ng hindi pa nakikilalang salarin habang ginugupitan ang kustomer sa loob ng isang beauty parlor sa Quezon City kaninang tanghali, Hunyo 4, 2014.
Kinilala ang biktima na si Noel Maningding, 45, ng 52 AFP Road, corner Airforce Road, Veterans Village, Bgy. Holy Spirit.
Inaalam pa ng awtoridad ang pagkakakilanlan ng salarin na agad tumakas makaraan ang krimen.
Ayon kay PO2 Anthony Tejerero ng Quezon City Police District, naganap ang insidente sa loob ng Wella Hair Zone Salon sa AFP Road corner Air Force Road, Veterans Village, Barangay Holy Spirit, alas-12:30 ng tanghali.
Nabatid sa ulat na kasalukuyang busy sa paggugupit ng kanyang kustomer ang biktima nang pumasok ang suspek na armado ng baril at paputukan sa ulo ang biktima, saka tumakas.
Nagawa pang maitakbo ng kanyang kasamahan ang biktima sa East Avenue Medical Center (EAMC) subalit namatay din.
The post Beautician binaunan ng tingga sa ulo appeared first on Remate.