HINALANG pinahirapan muna bago pinatay ang tatlong lalaking pinugutan ng ulo at ibinaon sa isang tumana sa Tanza, Aurora, Isabela.
Mahigit apat na linggo nang hinahanap ang mga biktima na sina Gabriel Ternio, 29; Noel Teod, 18 at Johnny Bangit, 19, pawang ng Punukpok, Kalinga.
Nahirapan ang mga awtoridad sa paghukay at pagkuha sa mga bangkay dahil isinemento pa sila ng di pa matukoy na suspek.
Nilagyan ng plaster ang bibig ng mga biktima at pinaghiwa-hiwalay ang ilang bahagi ng kanilang katawan.
Nauna nang inihayag ni Aster Mamauag Caruso, tiyahin ng dalawa sa mga batang biktima na Mayo 3, 2014 nang mawala ang mga ito hanggang sa nasaniban ang isa nilang kamag-anak na isang manghuhula at sinabing ibinaon ang mga ito sa may taninam ng rambutan sa Aurora.
Dahil dito, nagbakasakali sila at naghanap hanggang sa makita nila ang piraso ng isang pulang short pants na suot ng isa sa tatlong biktima nang mawala.
Sa tulong ng mga kasapi ng Scene of the Crime Operative (SOCO), Aurora Police Station at CIDG Isabela ay nakuha ang bangkay ng mga biktima na inilibing sa apat na metrong hukay.
The post 3 pugot na ulo ng lalaki nahukay sa Aurora, Isabela appeared first on Remate.