PATULOY na ginagamot ang isang guro sa pribadong paaralan nang tangkain nitong magpatiwakal sa loob ng banyo ng kanilang bahay sa Zamboanga City.
Sa ulat ng Police Regional Office (PRO-9), kinilala ang biktima na si Amor Foncardas Santiago na nagtuturo sa Pillar College Zamboanga City at residente ng Barangay Culianan ng lungsod.
Maga-alas-6:00 ng Sabado ng umaga nang madiskubre ang nakahandusay nitong katawan sa loob ng banyo at puno ng saksak sa katawan.
Ayon sa bayaw ng biktima na kinilalang si Rizalino Delos Reyes, nakita nilang lumabas ito sa kanyang kuwarto at pumasok sa banyo.
Nabigla lamang umano siya nang buksan niya ang banyo at nakita ang wala ng malay na biktima.
Kaagad ring naisugod sa pribadong ospital ng Western Mindanao Medical Center ang guro.
Ayon sa pulisya nagkaroon ng maraming tama ng saksak sa kanyang tiyan at dibdib ang biktima.
Sa inisyal na imbestigayson, lumalabas na may dinadalang problema ang biktima na nag-udyok sa kanya para magpatiwakal.
Inaalam pa nila ngayon kung walang foul play sa nangyaring insidente.
The post Guro sa Zamboanga, kritikal sa pagtaga sa sarili appeared first on Remate.