NAKAALIS na ng bansa ang isa sa mga respondent at nais maging state witness sa pork barrel fund scam na si Dennis Cunanan.
Kinumpirma ng isang source na umalis si Cunanan sa bansa noong Abril 5, 2014 sakay ng Delta Airlines Flight 630 patungo sa isang bansa sa Asya.
Wala pang naitatalang rekord ang Bureau of Immigration kung nakabalik na sa bansa si Cunanan.
Si Cunanan, director general ng Technology Resource Center ay nananatiling sakop ng provisional coverage ng WPP.
Kasama rin siya sa sakop ng look out bulletin na ipinalabas ng DoJ laban sa unang batch ng mga kinasuhan sa Tanggapan ng Ombudsman kaugnay sa pork barrel scam.
Naging kontrobersyal ang pagkakasakop ni Cunanan sa provisional coverage ng WPP makaraang ibunyag sa pagdinig ng Senate Blue Ribbon Committee ni Benhur Luy, pangunahing whistleblower, na tumanggap siya ng P960 libong halaga ng kickback mula sa mga proyektong pinondohan ng PDAF.
The post Dennis Cunanan nakaalis na ng bansa appeared first on Remate.