PATAY ang 6-anyos na babae makaraang saksakin ng banana cue stick ng kanyang kalaro kaninang umaga sa Novaliches, Quezon City.
Ang biktima na itinago sa pangalang Denice ng Bgy. Gulod ay hindi na umabot nang buhay sa Novaliches District Hospital dahil sa saksak ng banana cue stick sa katawan.
Itinago rin ang suspek sa pangalang Russel, 7.
Sa ulat ng Quezon City Police District-Womens Desk, naganap ang insidente sa Villareal Ave., Bgy. Gulod, alas-8:30 ng umaga.
Bago ito, kinurot umano ni Denice si Russel kaya nagalit ito.
Nakadampot ng stick ang suspek at sinaksak ang biktima.
Naiwan ang stick sa katawan ni Denice at nabundol ng dumadaang side car dahilan para lalong bumaon sa katawan ng biktima pagbagsak sa semento.
Nasa kustodiya na ng pulisya si Russel at nakatakdang ilipat sa pangangalaga ng social welfare.
The post 6-anyos patay sa saksak ng 7-anyos na kalaro appeared first on Remate.