ARESTADO ang dalawang lalaking hinihinalang tulak ng shabu sa isinagawang operasyon ng Philippine Drug Enforcement Agency (PDEA) kaninang madaling-araw sa Naga.
Naaresto ang matagal nang minamanmanan ng awtoridad na si Jerry Ablan sa Zone 7, Barangay Calauag bandang ala-1:30 kaninang madaling-araw nang isagawa ang operasyon kung saan isang ahente ang nagpanggap na buyer.
Nakumpiska ng awtoridad ang ibinenta ng suspek na 50 gramo ng pinaniniwalaang shabu sa halagang P200,000.
Bukod kay Ablan, naaresto rin si Wilson Hiroy na kasama nitong nahuli sa operasyon.
Kasalukuyan nang nakakulong ang dalawa at nakatakdang sampahan ng kaso ngayong araw.
The post 2 kelot timbog sa shabu sa Naga appeared first on Remate.