NAIUWI na ng binatang magsasaka ang mahigit P15 milyong jackpot prize na kanyang tinamaan mula sa tinayaang 6/42 lotto na binola noong Mayo 3 sa tanggapan ng Philippine Charity Sweepstakes Office (PCSO) sa Pasay City.
Personal na iniabot ni PCSO General Manager Jose Ferdinand Rojas II sa 38-anyos na magsasaka ang tsekeng may kabuuang halagang P15,972,016.00 na solo niyang napanalunan makaraang masungkit ang tamang kombinasyong 12-14-18-19-22-27 na kinuha niya mula sa petsa ng kapanganakan ng kanyang mga magulang at kapatid.
Plano ng binatang magsasaka na bumili pa ng lupain na masasaka at maglagak ng puhunan sa produktong pang-agrikultura, bukod pa sa pamamahagi ng balato sa mga kapatid at ipaayos ang kanilang lumang bahay.
The post P15-M lotto jackpot naiuwi na ng magsasaka appeared first on Remate.