SUGATAN ang isang magkapatid makaraang saksakin ng naduraan nilang natutulog na salarin sa footbridge ng Commonwealth, Quezon City kagabi Mayo 4, 2014.
Kinilala ang mga biktima na sina Richard Isaan, 39, ng 76 Orchid St., Payatas, QC at ang kanyang kapatid na si Roel, 34, lineman ng 74 Waling-Waling St. Payatas, QC.
Kapwa isinugod sa East Avenue Medical Center ang dalawa at inoobserbahan sa naturang pagamutan dahil sa tama ng saksak sa katawan.
Naganap ang insidente sa footbridge ng Litex road, Commonwealth Avenue, QC alas-11:00 kagabi.
Sinabi ni Wala Wala na naglalakad ang magkapatid sa naturang footbridge na pawang nakainom nang dumura sa lugar ang isa sa kanila.
Nagkataon namang naduraan ang natutulog na suspek na agad nagalit at sinaksak ang dalawa.
Matapos ang insidente ay tumakas ang suspek.
The post Tulog dinuraan, mag-utol grinipuhan appeared first on Remate.