KALABOSO ang magkapatid na lolo nang masamsaman ng mga tauhan ng Taguig City Police ng 11 pakete ng shabu sa isinagawang buy-bust operation kagabi sa nabatid na lungsod.
Unang nadakip ng mga tauhan ni Chief Insp. Jerry Amindalan, hepe ng Taguig police Station Anti-Illegal Drug Special Operations Task Group (SAID-SOTG) si Jaime Capistrano, 62, sa kanyang tirahan sa 1260 J. Ramos St., Palingon Tipas nang pagbentahan ng P1,000 ng shabu sina PO1 Denio Tinia at PO3 Noel Antillon na nagpanggap na buyer alas-7:15 ng gabi.
Sa gitna ng operasyon, bigla na lamang nagpulasan ng takbo ang ilang mga kalalakihan sa katabing bahay ni Capistrano sa 1261 J. Ramos na tinitirhan naman ni Sonny Capistrano, 57, at dito natuklasan ang ginagawa nilang pagpa-pot session.
Sa ulat, matagal nang minamanmanan ng pulisya ang aktibidad ng magkapatid makaraang ireklamo ng mga residente sa naturang lugar.
Iniligtas naman ni Jaime ang kapatid na si Sonny kasong drug pushing at sinabing gumagamit lamang ng illegal na droga ang nakababatang kapatid at hindi niya kasosyo sa pagbebenta ng ilegal na droga.
The post Mag-utol na lolo timbog sa pagtutulak ng shabu appeared first on Remate.