NATANGAY ng apat na holdaper ang hindi pa mabilang na halaga ng pera matapos holdapin ang isang sangay ng LBC branch sa Cubao, Quezon City kaninang umaga, Abril 27, 2014.
Ayon sa ulat ng Quezon City Police District station 7 Cubao, pinasok ng apat na armadong lalaki ang LBC branch sa Arayat St., Cubao, QC, alas-9:00 ng umaga.
Sinabi sa ulat na nagkunwaring mga kustomer ang mga suspek saka nagdeklara ng holdap.
Tinutukan ng baril ang mga empleyado ng naturang establisyemento saka kinuha ang pera nito at tumakas sakay ng dalawang motorsiklo.
Nabatid sa ulat na naka-helmet ang sakay ng isang motorsiklo at isinagawa lamang ang panghoholdap sa loob ng ilang minuto.
Nagsasagawa na ng follow-up operation ang mga operatiba ng pulisya para matukoy ang mga nasa likod ng panghoholdap.
The post LBC branch sa Cubao hinoldap appeared first on Remate.