BINALONAN, PANGASINAN – Dead-on-the spot ang isang lalaki matapos suwagin ng rumaragasang bus ang kanyang sinasakyang motorsiklo sa Binalonan, Pangasinan.
Kinilala ang biktima na si Ramir Joaquin, ng Villasis, Pangasinan.
Sa imbestigasyon, binabagtas ni Joaquin ang national highway ng Binalonan nang makasalubong ang bus sa Barangay Canarvacanan.
Hindi na nakaiwas ang biktima nang araruhin siya ng rumaragasang bus.
Nagtamo ng bone fracture sa katawan at ulo sanhi ng kanyang agarang pagkasawi.
Samantala, ang suspek na hindi pa malaman ang pagkakilanlan ay nasa kustodiya na ng Binalonan police.
The post Kelot utas sa suwag ng bus sa Pangasinan appeared first on Remate.