BASAG ang bungo ng 46-anyos na driver bodyguard ni Pasay City Vice Mayor Marlon Pesebre nang tumilapon sa minamanehong motorsiklo makaraang mawalan ng kontrol kagabi sa Pasay City.
Namatay habang ginagamot sa Pasay City General Hospital si Romeo Pugay, 46, ng 143 F. Cruz St., Pasay sanhi ng pinsala sa ulo at katawan nito.
Sa imbestigasyon, minamaneho ni Pugay ang kanyang motorsiklo (UT-4820) at tinatahak ang kahabaan ng EDSA patungo sa Taft Avenue nang maganap ang insidente.
Ayon sa testigong si Renante Tantiado, huli niyang nakita ang biktima na nagpagewang-gewang habang minamaneho ang kanyang motorsiklo hanggang tuluyang mawalan ng kontrol at tumilapon sa sementadong lansangan malapit sa terminal ng DLTB.
Unang isinugod ng mga tauhan ng Pasay City Rescue Team ang biktimasa Pasay City General Hospital bago siya inilipat sa naturang ospital kung saan binawian ito ng buhay.