TODAS ang isang binata matapos maatrasan at maipit sa nililinis na trak sa Caloocan City, Biyernes ng umaga, Abril 11.
Dead on arrival sa Caloocan Medical Center sanhi ng pinsala sa katawan si Aldrin Acantilado, 45, ng Torcillo St., Dagat-dagatan, nasabing lungsod.
Nadakip naman si Rey Integro, 26, driver ng Isuzu Forward (RFF-733) ng Sta. Quiteria ng lungsod.
Sa ulat, alas-9 ng umaga, nililinis ng biktima ang harapan ng isa pang trak sa Torcillo St., nang maatrasan ni Integro na naging dahilan upang maipit sa dalawang trak at dalhin sa CMC.
Ayon sa suspek, nagkaroon ng diperensya ang kanyang dalang trak at sa halip na umabante ay biglang umatras at dahil pababa ang kalsada ay naging malakas ang pagsalpok sa biktima.
The post Binata naatrasan ng trak, pisak appeared first on Remate.