INAASAHANG aabot sa mahigit P250 milyon ang jackpot prize ng 6/55 Grand Lotto na bobolahin mamayang gabi sa tanggapan ng Philippine Charity Sweepstakes Office (PCSO) sa Pasay City.
Ito’y makaraang wala isa mang nakasungkit sa kombinasyong 52-34-29-14-38-05 na may katumbas sanang premyong P232,900,056.00 bagama’t may 35 mga mapalad na mananaya ang nakapag-uwi ng tig-P132,640 nang makuha ang lima sa anim na kombinasyon.
Naging mailap din sa mga mananaya ang P6 na milyong premyo ng 6/42 lotto matapos na wala isa man ang nakakuha sa tamang kombinasyon 21 -31-02-14-25-09 na binola rin noong Sabado ng gabi.
Pinayuhan ni PCSO General Manager Jose Ferdinand Rojas II ang mga mananaya na maagang pumila sa mga lotto outlet dahil sa inaasahang pagdagsa ng mga nagnanais na maging instant milyonaryo.
The post 6/55 Grand Lotto jackpot sisirit sa P250-M appeared first on Remate.