IKINALUNGKOT ng buong pamilya ng Remate News Central (RNC) at ng National Press Club of the Philippines (NPC) ang pagkamatay ng reporter na si Rubie Garcia, matapos di makaligtas sa limang tama ng baril kaninang umaga, Abril 6.
Sa report, pinasok ng tatlong suspek si Garcia sa kanyang bahay sa Bgy. Talaba 2, Bacoor, Cavite at pinagbabaril sa hindi malamang dahilan.
Agad dinala si Garcia ng nag-iisang anak na si Troy, 28, sa St. Dominic Hospital sa Bacoor ngunit namatay ito habang isinasagawa ang operasyon.
Napag-alamang may nakasagutang mataas na opisyal ng Philippine National Police si Garcia ilang araw bago naganap ang krimen.
Mariin namang kinondena ni NPC President Benny Antiporda ang pagpatay kay Garcia.
“Tao po kami, mahal na pangulo,” ani Antiporda. “Mga kababayan mo kami, mga kapwa mo Pilipino. Nasaan na po ang “pangako ninyong “hustisya” para sa mga kasapi ng media na biktima ng karahasan?”
The post Remate News Central nalagasan na naman appeared first on Remate.