INATAKE sa puso ang isang cameraman ng GMA-7 television network sa mismong opisina ni Iligan Mayor Jose Marie Diaz nitong Biyernes ng hapon, April 4.
Dead-on-arrival sa isang ospital sa Ilagan City ang biktima na si Noel Almadrones, 38, ng Quezon City.
Si Almadrones ay cameraman ng GMA-7 reporter na si Cesar Apolinario.
Sinabi ni Jun Monterial, information officer ng LGU Ilagan, na naganap ang insidente alas-5 ng hapon nitong nakaraang Biyernes sa loob ng conference room ni Mayor Diaz.
Bago ito, dumating si Apolinario at ang biktima at ilan pang crew ng iba pang TV network sa Iligan City para magsagawa ng research at documentation hinggil sa Abuan River.
Pero habang sila ay nasa conference room ng opisina ni Mayor Diaz ay bigla na lamang natumba at nawalan ng malay si Almadrones.
Nabatid na naninikip ang dibdib si Almadrones subalit hindi niya ito pinansin at ipinagpatuloy ang kanyang trabaho.
The post GMA-7 cameraman inatake sa puso sa news coverage appeared first on Remate.