NAKATAKDA nang lisanin bago pa man matapos ang Enero 2016 ng mga oil company ang nasasakupan nila sa Maynila makaraang ipatupad na ni Manila Mayor Joseph Estrada ang Manila Ordinance 8283 na nagsasaad na dapat nang i-relocate ang mga oil depot sa Pandacan sa Maynila.
Napag-alaman na nilagdaan na ni Estrada ang mga sulat para sa tatlong oil companies kabilang na ang Shell, Petron at Chevron na humihiling na isumite na sa Manila City Hall ang kanilang kumprehensibong plano at schedule para sa kanilang isasagawang relokasyon.
“Pursuant to Sec 2 of Manila Ordinance No. 8283, you have until January 31, 2016 to relocate the oil storage petroleum refinery and related facilities which do not comply with the land use classification of the area as “high intensity commercial/mixed use zone..” bahagi ng sulat na pinirmahan ni Estrada.
Ayon pa kay Estrada, ito ang unang hakbang na ginawa ng lokal na pamahalaan para ipatupad ang ordinansa para ma-monitor ang gagawing aksyon ng mga oil companies.
Layunin ng nabanggit na ordinansa na matiyak ang kaligtasan at maayos na kapaligiran ng mga mamamayan sa Maynila.
The post Oil depot sa Maynila hanggang Enero 2016 na lamang appeared first on Remate.