PINAYUHAN ni Muntinlupa Rep. Rodolfo Biazon si PMA cadet Jeff Aldrin Cudia na makabubuting limutin na ang pagiging sundalo.
Ito ay matapos ang pangamba na posibleng pangilagan na si Cudia sa Armed Forces of the Philippines (AFP) sakaling mapabilang siya rito.
Giit ni Biazon, mahigpit ang pagpapatupad sa cultural tradition gaya ng honor code sa PMA kung kaya hindi ito maaaring balewalain.
Ayon kay Biazon, dapat nang mag-move on si Cudia. Ngunit makabubuti aniyang mabigyan ito ng diploma at transcript of records upang makapagsimula ng bagong buhay bilang isang sibilyan.
Ikinatuwa naman ni Biazon na hindi binaliktad ni Pangulong Aquino ang naunang desisyon ng PMA honor committee.
Ito ay dahil pinanigan ni PNoy ang honor code at hindi nahaluan ng politika.
The post Biazon kay Cudia: Pagiging sundalo kalimutan na appeared first on Remate.