DUROG ang katawan ng isang helper matapos mabagsakan ng container van nang mawalan ng kontrol ang operator ng backhoe na magsasakay ng container sa truck sa Valenzuela City, Linggo ng madaling-araw, Marso 16.
Dead on the spot si Ronilo Ortega, 54, stay-in sa container yard sa Sulok St., Mindanao Avenue Ext., Ugong, nasabing lungsod.
Sumuko naman sa mga pulis si Alex de Guzman, nasa hustong gulang, stay-in din sa nasabing lugar at operator ng backhoe.
Sa ulat, alas-2 ng madaling-araw, kinakarga ni de Guzman ang 40 footer na container van sa truck habang gamit ang backhoe nang sumayad sa bubong ang container na naging dahilan upang umuga at mawalan ng kontrol ang una sa backhoe.
Bumigay sa pagkakatali ang container kung saan bumagsak kung saan nakatayo ang biktima na naging dahilan ng agad na kamatayan.
The post Helper durog sa container van appeared first on Remate.