SUGATAN ang dalawang katao nang bumagsak ang kanilang sinasakyang eroplano sa Nueva Ecija kaninang umaga, Marso 6.
Sinabi ni Police Senior Supt. Crizaldo Nieves, director ng Nueva Ecija Police Provincial Office (NEPPO) na ang pilotong si Paul Tecson Pafultad, 30, ay nagtamo ng sugat sa ulo habang ang co-pilot na si Wen Hiet, 21, isang Myanmar national ay nagtamo ng galos sa iba’t ibang parte ng katawan. Isunugod ang dalawa sa Dr. Rafael Clinic para ipagamot.
Bumagsak aniya ang trainer craft na Cessna plane sa isang bahay sa Barangay Poblacion Norte sa Rizal town dakong 7:20 a.m.
Sa kabutihang palad, wala namang nasugatan sa mga nakatira sa nasabing bahay pero nagrereklamo ang may-ari nito na si Glenn Paraiso, dahil nananatili pa rin kaninang hapon ang bumagsak na eroplano sa bubungan ng kanyang bahay.
Inaalam pa ng aviation authorities ang sanhi ng pagbagsak ng nasabing eroplano.
The post Eroplano dumayb sa N. Ecija, 2 sugatan appeared first on Remate.