SINAKSAK na, binaril pa ang isang babae sa Port Area, Manila kaninang madaling-araw.
Kinilala ang biktima na si Princess Morales, tinatayang 20-30-anyos ng Blk 14 Baseco compound, Port Area, Manila.
Inaalam naman ang pagkakilanlan sa suspek na tumakas matapos ang insidente.
Sa report, alas-12:05 ng madaling-araw nang natagpuang patay ang biktima sa Block 9 New Site, katabi ng Baseco Evacuation Center, Baseco compound, Port Area, Manila.
Ilang kabataan ang naglalaro sa nasabing lugar nang napansin nila ang biktima na nakadapa, may tama ng saksak sa dibdib at dalawang tama ng bala sa ibaba ng dibdib at kaliwang kamay.
Nabatid na may anak na 2-anyos ang biktima na nasa pangangalaga ngayon ng barangay.
Inaalam pa ng pulisya kung ano ang motibo sa pagpatay.
The post Bebot todas sa bala at saksak sa Baseco appeared first on Remate.