IBINASURA ng DoJ panel of prosecutors ang pangatlong hirit ng kampo nina Deniece Cornejo at Cedric Lee na palawigin pa ang panahon ng paghain ng reply affidavit sa kasong rape na isinampa laban kay TV Host/Actor Vhong Navarro.
Ayon kay DoJ panel of prosecutors head Atty. Olivia Torrevillas, submitted for resolution na ang kaso kung kaya hindi na maaaring pagbigyan pa ang ikatlong hirit ng abogado na si Atty. Howard Calleja na dapat sana ay naisumite na noong unang araw ng preliminary investigation sa kaso noong Pebrero 14.
Napag-alaman na noong nakaraang linggo ay submitted for resolution na ang kasong rape na isinampa ni Cornejo laban kay Navarro.
Una rito, hindi rin pinagbigyan ng lady prosecutors ang hirit sana ng kampo ni Cornejo at Lee na gawing “close door” ang pagdinig sa kaso dahil sa mistulang na-harrass na ang kanilang kliyente.
The post Hirit nina Cornejo, Lee ibinasura ng DoJ appeared first on Remate.