SUGATAN ang isang lalaki makaraang tagain at saksakin ng pitong lango sa shabu, sa Barangay Paltok, Quezon City kamakailan.
Kasong frustrated murder ang isinampa ng biktimang si Henry Ayeng, 37, ng Natividad St., Barangay Paltok, laban sa mga suspek na sina Adrian Manila at Julius Edulan, pawang ng 17 Ilagan St., nasabi ring barangay habang pinaghahanap pa ang lima pang hindi nakikilalang mga salarin.
Ayon sa salaysay ng biktima kay PO2 Jonathan Diva, imbestigador ng Quezon City Police District Station 2, dakong 4 ng madaling-araw nang maganap ang krimen sa kanto ng Ilagan St. at Kundiman St. noong Pebrero 7.
Kasama ni Ayeng ang pinsan na si Rolando Silva at dalawa pa, sakay ng itim na Toyota Camry para kausapin ang isang dating tanod na kaibigan ni Ayeng sa lugar nang pagbaba niya sa sasakyan ay nilapitan siya ng mga suspek saka tinaga sa likod at sinaksak.
Agad isinugod sa Quezon City General Hospital ang biktima.
Inaalam na ang motibo sa insidente.
The post Kelot sugatan sa taga ng 7 high sa shabu appeared first on Remate.