KUNG noon ay sobrang sugid, ngayon ay inamin ni Maria Mercedes star na si Jessy Mendiola na huminto na sa panliligaw sa kanya sina Jake Cuenca at Sam Milby.
Si Jake ang isa sa mga leading man ni Jessy sa Maria Mercedes, habang kasamahan naman nila sa ABS-CBN at Star Magic si Sam.
Ayon kay Jessy, sa ngayon ay hindi na siya sigurado kung nanliligaw nga ba sa kanya si Jake.
“Nanligaw ba si Jake? Ewan ko, kasi si Jake kasi, hindi, e, hindi siya nanliligaw.
“Si Jake talaga, napaka-sweet niyang tao.
“Hindi lang sa akin ha, sa lahat ng kasama namin.
“Biruin mo, napaka-generous niya, lagi niya akong binibigyan ng regalo.
“Nu’ng simula, binigyan niya ako ng gift.
“Ngayon din, binigyan na naman niya ako, pinost ko ‘yan sa Instagram,” dagdag pa ni Jessy. “Ang pagtingin ko kasi kay Jake, parang kuya, parang hinahangaan ko siya.
“Iba, iba si Jake, e.
“Feeling ko, hindi lang talaga talo. Same handler kami.
“Oo, puwede naman, pero kasi, para sa akin, parang hindi swak.”
Tungkol naman kay Sam Milby, sinabi ni Jessy na mukhang huminto na ito sa panunuyo sa kanya.
“Alam ko may bagong venture sila ngayon, ‘yung coffee shop. Feeling ko, businessman na lang siya.
“Ngayon, hindi na kami nakakapag-usap.”
Tawa pa ni Jessy, “Baka give up na siya… give up na siya sa akin!
“Alam naman nilang lahat na pumuporma at nanliligaw na hindi pa ako ready, trabaho pa talaga ako.
“Ganun ‘yun, ‘pag nanliligaw sila, opening spiels ko, ‘I’m not ready.’
Ayaw naman isipin ni Jessy na nagsawa na sa kanya ang mga manliligaw dahil na rin sa kawalan niya ng oras.
Dahil ayon kay Jessy kung talagang gusto siya ng lalaki ay walang expiration dapat.
Pero atleast daw ay nakilala niya agad ang seryoso sa hindi na manliligaw.
The post Jessy Mendiola, pinagsawaan nina Jake at Sam appeared first on Remate.